1 Kɔlìŋ 11:22 - Ŋwàʼlè ə̀ Fèzhə̀ Mkâyn Mə̂ Fèm

²² Ghàyn vayn kaʼa ə ghàyn ə zhiə, mɨə ə ghàyn ə sendɛ ə̀? Ghàyn chìynə̀ ndɛ ə̀ Fèzhə̀ tɔynə̂ endom vɛ ə ghàyn ghomsə ghɨ ghɛ ə ghe kiva mə? Ghàyn kwàʼtə̀ nə m kaʼa m pi nə ghe è ghàyn ə? Ghàyn kyiŋə nə mə tsîtə̀ ghàyn famə əghɛ nə ghɨ̂nə̀ ə ghàyn nə̀ mə? M vayn kaʼa m momse.

1 Kɔlìŋ 11:22 ပူးပေါင်းရင်းမြစ်များ

Ətefɨ̂aʼ 20:28

Ghàyn e tɔ̂ʼnə̀ è ngɨŋ saynse è ghɨ ghɛ ə Zuʼse Ŋwaʼase fo sê ghàyn nə ghàyn ə chisə̂ ghənə. Ghàyn e tɔ̂ʼnə̀ è nɔ̂yn ə ghɨə pomə ə Fezhə̀ kɛ ə Va vəyn tè kwu kûmə̀ ghənə se nə̀yn nə ghənə ə nyi ə̀ ghɨə vəynghe.

1 Kɔlìŋ 10:32

Ghàyn e ndamə endom kə ve vayn pə̀yn è tsôsvè sê wùə vîvè kɨ̀sə ə̀ nyi əghɨ Njûsə̀, kɨ̀sə ə ghɨ ghɛ ə̀ va əghɨ ə Njûsghè kɨ̀sə əghɨ ə poməghe.

1 Kɔlìŋ 11:17

Ə te zaʼlê tɛ ə nyi se fo sê ghàyn, m kyiŋə chîəva se tsìtə ghayn kûmə̀ nə nâʼàpî ashìŋə̀ àkè ə ghàyn zùŋtè se kɔʼsə̂ Fezhə̀, ze pɨlə nə̂ ghàyn pi tsɛ̂ kə ze nə̂ chùŋ.

1 Kɔlìŋ 11:2

M tsîtə̀ ghàyn kûmə̀ kə̂ ghàyn zàŋsə̀ kwaʼtə̀ mi, ndə̂mə̀ èzaʼlê zɛ ə m tè fo sê ghàyn.

1 Kɔlìŋ 11:34

Mə chɨ̀ŋ zafə wùə se ghàyn, è və zhiə ə ndɛ, kə shîŋə̀ kɛ ə ghàyn pə̀yn sə eghɛ emɔ̀ʼ, ə è tàʼa nə̀yn eghɛ kə Zhə̀fè fo tsôsvè sê vəyn. Sê ghɛ ə mɔ̀ʼɔghe, shîŋə̀ kɛ m pə̂yn, ə m chise ghàyn eghɛ zɛ ə ghàyn kyi se nə̀yn.

1 Kɔlìŋ 15:9

Kûmə̀ nə m nyi wùə vɛ è tətə kwûŋsə̀ əfètəyn ə̀ghɨtomə, kûmə̀ nə mə tə tsə̀fsè ndɛ ə̀ Fèzhə̀.

1 Timotì 3:15

mə ghɛ nə̂yn nə m laynte, ə ŋwàʼlè zɨ̀nə tsamte kə ghàyn ke ndom vɛ ə ghàyn kàʼa ə ghàyn ə ndamə ə ndɛ ə̀ Fèzhə̀, mə za nyi ndɛ ə̀ Fèzhə̀ fɛ ə fe ndamə, ə̀ nyi àtɔ̂ʼ, è chi ə ndɛ kɛ ə ke tɔ̂ʼɔ̀ səmɔʼ.

1 Timotì 3:5

Ə wùə nyiə se nyi ndɔʼɔ è ke se kyî əghɨ ə və apɨəyn, ə e və ke zàyn se kyiə ndɛ̂ Fèzhə̀ ə?