1 Kɔlìŋ 11:2 - Ŋwàʼlè ə̀ Fèzhə̀ Mkâyn Mə̂ Fèm

² M tsîtə̀ ghàyn kûmə̀ kə̂ ghàyn zàŋsə̀ kwaʼtə̀ mi, ndə̂mə̀ èzaʼlê zɛ ə m tè fo sê ghàyn.

1 Kɔlìŋ 11:2 ပူးပေါင်းရင်းမြစ်များ

Tom èchùŋ kè kə Lûk tè nyaʼ 1:6

Ghənə tè nyi əkɨ̂m, ndamə chichi ə Zhə̀fè əshi, nə̂ əghɛ ghɛ ə fe pi nâʼà ə̀kɨ̂m, fɨnə ndəmə̀ tesaʼ tə Pɛ̂pɛ te nâʼà tèkɨ̂m, kyi va pi nâʼà səkɔs.

1 Kɔlìŋ 11:17

Ə te zaʼlê tɛ ə nyi se fo sê ghàyn, m kyiŋə chîəva se tsìtə ghayn kûmə̀ nə nâʼàpî ashìŋə̀ àkè ə ghàyn zùŋtè se kɔʼsə̂ Fezhə̀, ze pɨlə nə̂ ghàyn pi tsɛ̂ kə ze nə̂ chùŋ.

1 Kɔlìŋ 11:22

Ghàyn vayn kaʼa ə ghàyn ə zhiə, mɨə ə ghàyn ə sendɛ ə̀? Ghàyn chìynə̀ ndɛ ə̀ Fèzhə̀ tɔynə̂ endom vɛ ə ghàyn ghomsə ghɨ ghɛ ə ghe kiva mə? Ghàyn kwàʼtə̀ nə m kaʼa m pi nə ghe è ghàyn ə? Ghàyn kyiŋə nə mə tsîtə̀ ghàyn famə əghɛ nə ghɨ̂nə̀ ə ghàyn nə̀ mə? M vayn kaʼa m momse.

1 Kɔlìŋ 15:2

Ə̀ nyi tom èchùŋ nə zɨ̂nə̀ m ndaʼà sê ghàyn. Ə̀ sɔ̀zâ tom èchùŋ nə zɨnə̀ ghàyn ezhoghɛ ə ghàyn fɛte tyəm kə təyn, ə puzâ ə zə nyi nə pomə̂ zaynze tè nyì ke sə ndô.

1 Kɔlìŋ 4:17

Ə̀ za nyi eghɛ zɛ m tom Timotì sê ghàyn. È nyi vayn ekɔ̀ŋ vɨ̂mè, m samsə̂ vəyn kûmə̀ nə è chùmtə̀ Pɛ̂pɛ è təm ə vəynghe əkɨ̂m. È nə̀ nə̂ ə ghàyn ə pyə̂ytə̀ èndam zɛ m ndamə kə̂ wùə Klâys Njisə̀s. Ə̀ zɨnə nyi eghɛ zɛ ə m zaʼlə luʼ tekɨ̂m, è kɨsè ndɛ sə Fèzhə̀ sekɨ̂m.

1 Kɔlìŋ 7:17

Ezho ghɛ ə ze va zamə, ə nâʼàpî ndè ndam ke atyaʼ kɛ ə Pɛ̂pɛ fo nə è ndam ətəyn, fɨnə ndamə kè endom vɛ ə è tè nyi əfetuʼ fɛ Zhə̀fè tè tɔŋə vəyn. Ə̀ za nyi eghɛ zɛ ə m zaʼlə sê ndɛ sə Fezhə̀ sekɨ̂m.

1 Tèsàlonikà 1:6

Ghàyn ə tə zaʼlê se ndam kə ghàs è kɨsè kə Pɛ̂pɛ, naʼapi kə ghàyn tè fe tsôsvè sə ŋaŋ, Zuʼse Ŋwaʼase ə nə̀ ghàyn ə fiə tom ə̀təyn è saŋnêzè.

1 Tèsàlonikà 3:6

Timotì ə kɛse pəyn zôyn ə tsâ saʼghe èchùŋ sê ghàs nə ghàyn pa kyi ke ndò kyî epomə̂zè se Klâys, fɨnə kɔ̂ŋɔ̀ ə̀ghɨ mɔʼɔ. È və fɨyn pi nə ghàyn kwàʼtə̀ ghàs nâʼàpî ashìŋə̀ àkè, ghàyn e saŋnə kə nyî, kɔ̂ŋɔ̀ se fɨnə fe ghàs kèpi kə ghasè vəyn kɔ̂ŋɔ̀ se fe ghàyn.

2 Tèsàlonikà 2:15

Ghàs e sè pìə sê ghàyn ə ghɔnyìə nə, ghàyn kyi ke ndò pomə̂ zaynze, kə ghàyn pomə nə wùə nəyn, ə ghàyn za zaʼlê ə səmɔʼ zɛ ə ghàs tè zaʼle sê ghàyn za ə fɨnə nyâʼà sê ghàyn ə ŋwàʼlè.

2 Tèsàlonikà 3:6

Ghàs pìə èghɛ ə ghɔnyì mə ghàyn kyi se nə zəynze nə, ezə ə Pɛ̂pɛ ə ghâsènì Njisə̀s Klâys nə, ghàyn fɨl tsə̀m saynse sê ghɨə pomə ghɛ ghe ndamə ndam ezɔləze, ndə̂mə̀ va chwîtè zɛ ə ghàs chwìtə̀ ghənə.