1 Kɔlìŋ 10:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Zôyn ghɛ nə ghɨnə mə nâʼà ə̀kɨ̂m nyi fɨ̀as sê ghâsènì, nə kə ghâsènì ə kɔ̂ŋɔ̀ ghɛ ə piə kèpi kə ghənə tè kɔ̀ŋə,

1 Kɔlìŋ 10:6 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 5:14

Pîza, se zhə̀tə pə̀yn ashìŋə̀ kɛ ə Andàm kè se pə fɨ ə Mosîs ashìŋə̀ kə Zhə̀fè tè fo lâŋkè, kwuze tè nyîə kyi àtyaʼ ə ghɨghe ətu ə̀kɨ̂m. Ghɨghe tè nyîə kwuə, pi kə ghənə tè nyi mə ə paʼà kəm lâŋ ə Fezhə̀kè eghɨ. Andàm tè nyi afusè ə vɛ ə È tè nyì se pə̀yn mə nyi Klâys.

1 Kɔlìŋ 10:11

Ghɛ nə ghɨnə̀ ə̀kɨ̂m tè kyayn sê ghənə sə fɨ̀as kə ghɨə mɔ̀ʼɔghe fe, ə fɨnə nyâʼà ndəmə̀ ghəynghe kə fɨ̀as se ghâsènì kûmə̀ nə ghâsènì ndamə ashìŋə̀ mə mɨ̀se se nyi ke se pə̀yn.

Ipilù 4:11

Ə ghâsènì mɔmse nâʼà è tyaʼa se nji elùʼ ezɨtə nə vɨ̂yn. Kə wùə se ghâsènì tə faŋ se nji kə ghənə tè shwìe kyiŋ se nji kûmə̀ nə ghənə tè kyi va kyî epomə̂zè.

Ipilù 9:24

Klâys tè paʼà nji ə Elùʼ Eŋwaʼve mə ə̀ pɛ əghɨ msɔ̀ŋghe, eluʼ mə tè nyi afusè elùʼ ə kə semɔʼke. Klâys tè ndù ke nâʼà ekwùtwəyn ə Zhə̀fè ə ngùŋ, è zo chyatə̂ fəynfe ə ghâsènì azhəm.

1 Pità 3:21

Mô nə mɨ̂yn tyəm kə mmo mɛ ə ghàyn fiə ndâyn, m̀ sɔzâ kəpî ghàyn; fiə mmò nə zɨ̂yn vachi se shuə tsɨ̀sè eliŋ ewìynze pîza ə̀ nyi etsɨ̂nè zɛ ə ghâsènì tsɨ̀nè sê Zhə̀fè mə təm ə ghasènìghe saʼa va ghâsènì. Fi mmò nə zɨ̂yn sɔ̀zâ ghàyn tɔynə̂ ezômə̀ ə Njisə̀s Klâyszè.

2 Pità 2:6

Zhə̀fè ə tə pofsê tɔ̂ŋ èghaʼâ ə̀ Sondòm è zə Ngòmolà è wusve. Zɨnə mə tè nyì se tyə̀yn eghɛ zɛ ə ze tə kyânə̀ sê ghɨ ghɛ ə ghənə ke va Zhə̀fè.

Njût 1:7

Ghàyn fɨyn kwâʼtè kèpi Sondòm è Ngòmolà è tɔ̂ŋ sə mɔ̀ʼɔse sɛ ə se tè nyì paʼsê pəyn se ghənə, kə ghənə tè nə̂ kəpî ə̀ghɛ ə nyələghe, nyɨ̂ŋə̀ è ghɨghe endom vîve mə ə ke va vəynve. Wus vɛ ə ve ndɨmə tsɛ̂ va ə tə pofsê tɔ̂ŋ se ghaʼâ nə sɨ̂yn se tyə̂m kə fɨ̀as sê ghɨghe əkɨ̂m.