1 Kɔlìŋ 10:25 - Ŋwàʼlè ə̀ Fèzhə̀ Mkâyn Mə̂ Fèm

²⁵ Ghàyn kàʼa ə ghàyn kwɨl nâʼàpî nyàm èkè zɛ ə pəʼlə apàʼ ə nyâmkè mə ə paʼà pfɨf pfɨfze se chwìtè nə təm ghaynghe nyîə saʼa ghàyn,

1 Kɔlìŋ 10:25 ပူးပေါင်းရင်းမြစ်များ

Ətefɨ̂aʼ 10:15

Kyə̀ ətəyn ə fɨnə pîə se vəyn nə, “Kə ò tə ndəm nə fɨake zo va mə Zhə̀fè ə nə̀yn ke zo kwəynə̂.”

Ŋwàʼlè ə̀ Pɔ̂l sê ghɨə Lûmghè 13:5

Kûmə̀ zɨnə, ghàyn kyi sə̂ zɨə se tu endaʼve, ə̀ vachi ke kûmə̀ nə ghàyn fanə̀ epɔynsê, pîza ghàyn ke ke pî ndò nə, təm ghaynghe nyîə tsâ se ghàyn nə ə̀ nyi zamə kə ghàyn kyi se nə̀yn.

Ŋwàʼlè ə̀ Pɔ̂l sê ghɨə Lûmghè 14:14

Kə m nyi ghasè Pɛ̂pɛ Njisə̀s sə afɨa àmɔ̀ʼ, e nə̂ ndò nə mə ke nə fɨazhiə vîve va ə ve zo va ə Zhə̀fè əshi, pîza mə wùə pomə nə fɨazhiə vîve nyi ndô ə ve zo kwəynə va ə Zhə̀fè əshi, kə è zhi vəynve.

1 Kɔlìŋ 8:7

Nâʼàpî zâ, ə̀ vachi ə̀ghɨ əkɨ̂m ə ghe ke ghɛ nə zɨnə̀. Ghɨ yîghe nyi mə ə ketê fɨaʼsè nə vɨ̂yn kə ezhoghɛ ə ghənə zhi fɨazhiə vɛ ə mâʼtè sə eshyə̀ se fɨ̂aʼsèvè, ghənə e kwaʼtə̀ nə fɨazhiə ətəyn nyi mə ə maʼte se shyə̀ se zhə̀ fîfe, zamə ghənə e va eŋwaʼze ə Zhə̀fè əshi kûmə̀ nə ghənə keva se njì echɔʼnê eghɛ zɛ ə̀ nyi eghɛ echûŋzè è ghɛ zɛ ə̀ va eghɛ echûŋzè.

1 Timotì 4:4

Nâʼàpî ghè vɛ ə Zhə̀fè fɛte nyi achûŋ. Ghɨə kyi va sə̂ kwiynsə̂ nâʼà afɨa àmɔ̀ʼ, shîŋə̀ kɛ ghənə piə fiə ndò, ə tsə̂mə̀ ə fo àzɔ̀ŋnè sê Zhə̀fè.

Taytùs 1:15

Ghɨ ghɛ ə təmə ghənə̂ghè zo, nâʼàpî àkè nyiə zo sê ghənə. Pîza ghɛ ə təm ə ghənə̂ghè zo va, è ghɛ ə nyi ndɔ̀ʼɔ pomə, fɨa kyîke va ə ke zo sê ghənə. E nyi nyî kûmə̀ nə kwâʼtè tə ghənə̂tè, è təm ə saʼa ə ghənə̂ghè nyi mə ə pofsê.