1 Kɔlìŋ 10:23 - Ŋwàʼlè ə̀ Fèzhə̀ Mkâyn Mə̂ Fèm

²³ Ghənə pîə nə, “Ghâsènì kàʼa ə ghayn nâʼà pîghè” kè kə ghənə nyi mə pì. Zɨnə mə nyi səmɔʼ pîza ə̀ va nâʼàpî àkè ə ke tsɔ̂fə̀. “Ghâsènì kàʼa ghayn nâʼà pîghè” Pîza ə̀ va nâʼàpî èghɛ èkè ə ze tsâmtə̀.

1 Kɔlìŋ 10:23 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 14:15

Ə ò nə̀yn nə ànyì vɛ vîvè ə kyi èfɨmsê kûmə̀ àfɨa kyîke kə ò zhiə, ə ze ə nyi nə ò kiva kɔ̂ŋzè sê ànɛ̂. Kə ò tə nəyn nə fɨazhiə vɛ ə ò zhiə pofse ndam ə wûəzè mə Klâys tè kwu kûmə̀ vəyn.

1 Kɔlìŋ 14:12

Zôyn kə ghàyn kɔ̀ŋə̀ tsɛ̂sə̀ se kyî ə tefo tə se Zuʼse, ghàyn momse sə atyaʼ sə̂ njîə tɛ ə te nə̂ nə ndɛ ə̀ Fèzhə̀ ə ndəmə̂, fɨaʼà ətəyn sə ŋaŋ.

1 Kɔlìŋ 14:17

Ə nyì pî nə zɔ̀ŋnè kɛke foke etsə̀m sê Zhə̀fè tsɔ̂fə̀ nâʼàpi zàyn, ə kə tsâmtə̀ va ghɨə mɔ̀ʼɔ nâʼà səkɔs.

1 Kɔlìŋ 14:26

Ghɛ zɛ ə m pîə ə soyn sɨmse nyi nə, shîŋə̀ kɛ ə ghàyn pə̀yn elùʼ engɨmnəve, wùə èmɔ̀ʼ e kyi njàŋ, və mɔ̀ʼɔ e kyi èzaʼlê, və mɔ̀ʼɔ e kyi èghɛ kə Zhə̀fè tyə̀yn sê vəyn, və mɔ̀ʼɔ e kyi tom ə tewàmnè tə ndôtè ndɔ̀ʼɔ zaʼle, və mɔ̀ʼɔ e tsâ ə̀ghɛ ghɛ ə wâmnètè ndɔ̀ʼɔ zaʼle pìə. Nâʼàpî èghɛ èkè zɛ ə nə̂, ə zə nyi ke se nə̀yn nə ndɛ ə̀ Fèzhə̀ ə ndəmə̂

1 Kɔlìŋ 6:12

Wùə vîvè kaʼa è pi nə, “Ə zà nə m kaʼa ə m nəyn nâʼàpî èghɛ èkè.” E nyi ke nâʼà səmɔʼ pîza ə̀ va ə̀ghɛ ə̀kɨ̂m ə ghe kaʼa ə ghe tsamte wùə. Ə zà mi nə m kaʼa ə m nəyn nâʼàpî èghɛ èkè, pîza m vayn pomə sə nyi àkɔ̂s sê ghɛ zhîze.

1 Kɔlìŋ 8:1

M kyiŋə se pì eghɛ zôyn kûmə̀ efɨazhiə vɛ ə màʼtə̀ sə eshyə̀ sê fɨ̂aʼsèvè. Ghâsènì ke ndô nə, ‘Ghâsènì əkɨ̂m nyîə kyi ètɔf.’ Tɔfze e pə̂ kə è ghaŋsə̂ ewiyn pîza kɔ̂ŋzè e nə̂ nə ghɨghe ə ndəmə̂.

1 Kɔlìŋ 8:9

Ghàyn tɔʼne, kə ndom vɛ ə ghàyn nə̀ ghɛ ə chûŋghè ətəyn kə ghɨ ə pomə nəyn ə ghɨ ghɛ ə pɔylə ə ghənə epomə̂ pfɨ ə pi.

2 Kolìŋ 12:19

Ghàyn kwàʼtə̀ nə ghàs nyàʼà ə̀ghɛ ghɨ̀yn se tyə̀yn nə ghàs pâʼà nə̀yn pi mə? Ngâŋngaŋ! Ghàs wàmnə̀ kə ghɨ Klâysə̀ ə Zhə̀fè əshi. Ghɔnyì ghɨmghe kɔ̀ŋghè, nâʼàpî eghɛ èkè zɛ ə ghàs nə̀, ghàs nə̀ se fo ghàyn è tyaʼke.

Ɛfesùs 4:29

Kə ghɛ epi tə fɨ ə wùə echo. Ghàyn e pɨlə pìə kə ə̀ghɛ ghɛ ə ghe kaʼa ghe tsamte ghɨ ghɛ ə ghe kyi fɨmsê kə ə̀ nə zɨə pî ndè wâmnè zaynze, è və zhiə èghɛ.

1 Tèsàlonikà 5:11

Kûmə̀ nyî m pìə nə, ghàyn e fo ə̀təm ə tɛ sê ngɨŋ saynse, tsâmtə̀ kəpî sèngɨŋ saynse kè kə ghàyn nə̀ zôyn.

1 Timotì 1:4

Pì nə kə ghɨ nə ghɨ̂yn nə tsɛ̂sə̀ ashîŋə̀ ghənə̂kè mɛ̂ m̀ghâŋghàŋà mə èmɨmè tɔŋtə̂ ə̀zə pɨ̀a ə pɨ̀a ə ghənə̂ghè ghe mîə va, mə m̀ pə̀ kə esaʼnêzè əfètə̂ ghɨ̀, ghâŋghàŋà mə təynmè e tsâmtə̀ va se nə̀yn nə ghɛ ə Fezhə̀zè ndu èshike, kûmə̀ nə ə̀ fɨ̂aʼ ə Fezhə̀kè kàʼa ə nə̂ kə ə̀ghɨ ghɛ ə pomə sê vəyn.