1 Kɔlìŋ 10:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ Kûmə̀ nə payn ə kwaŋke nyi ke àmɔ̀ʼ, mə ghâsènì əkɨ̂m pî kə tsɨ̂ə, nyì ke èwiyn emɔ̀ʼ kûmə̀ nə nâʼà ghâsènì əkɨ̂m chyàtə̀ kə àpayn ə kwaŋke amɔ̀ʼ.

1 Kɔlìŋ 10:17 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 12:5

Kèpî èghɨ famə endom, pî kə ghâsènì tsɨ̀ə, ghâsènì nyi wiynve mɔ̀ʼ ghasènìəghə̀ Klâys, wùə vîvè e va sə və ngɨŋ.

1 Kɔlìŋ 10:21

Ghàyn vayn kàʼa ə mɨə ə Pɛ̂pɛ ə wà fɨnə mɨə kəpî ə pamə̂ tə satàyntə wà. Ghàyn vayn kaʼa ə zhiə ə Pɛ̂pɛ etuə alaŋ fɨnə zhiə kəpî etûə àlaŋ ə tepamə̂ tə satàyntè.

1 Kɔlìŋ 12:12

Klâys nyì ke kə ewiyn emɔ̀ʼ ə ve kyi pɨ̂as etsɨəve; ə̀ pa nyi ke èwiyn emɔ̀ʼ pi kə ve kyi pɨ̂as etsɨəve.

1 Kɔlìŋ 12:27

Nâʼà ghàyn əkɨ̂m nyi ewiyn ə Klaysvè, mə nâʼàpî ndè nyi apâs ewìyn ətəynke.

Ɛfesùs 3:6

Ghɛ e kayntə nə zɛ ə tè mɛnə sə shi nyi nə, ghɨ ghɛ ə̀ vachi ə̀ghɨ Njûs ghɛ ə ghe pomə tom èchùŋ tə tsɨ̂yntə̀ zhiə èfɔyn ə Fezhə̀vè yî ghɨə Isìlâyghè ə fɨyn tsɨ̂yntè nyi èpɨas əfètə̂ èwiyn emɔ̀ʼ, fɨyn nyi se tə tsɨ̀yntə kyiə epɔsê zɛ ə Zhə̀fè tsɨ̂nè tɔynə̂ ə Klâys Njisə̀s.

Ɛfesùs 4:16

È nə̂ pɨ̂as ewìyn vekɨ̂m e nyi ke afɨa àmɔ̀ʼ, nâʼàpî azhûŋ àkè ewìyn e tsâmtə̀ se kyiə ewiyn ekɨ̂m. Naʼapi apâs àkè e piə ke fɨaʼà ndò, ke fɨ̂aʼà kə ke kyi sə̂ fɨ̂aʼà, wiynve ekɨ̂m e ndəmə̂ fɨnə fɛtə tɛ kûmə̀ nə pɨ̂as ətəyn nyîə kɔ̂ŋɔ̀ sèngɨŋ.

Ɛfesùs 4:25

E za tyə̀nə̀ nə ghàyn kyi se mâʼà akaŋ nə nâʼàpî ndè nə wàmnə̀ kə səmɔʼ sê ànyìə vəyn kûmə̀ nə ghâsènì ə̀kɨ̂m tsɨ̂ynte nyi ke èpɨas ewìynve emɔ̀ʼ.

Ɛfesùs 4:4

Ghàyn nyi epɨ̂as ə əfètəyn ewìyn emɔ̀ʼ, Zuʼsə Fezhə̀ sɛ ə se fɨaʼà ewìyn nə vɛ e nyi ke səmɔʼ, kè eghɨ kə Zhə̀fè tè tɔŋɔ fɨse ghàyn ə mbi ə nə̀ ghàyn e ke ke èghɛ èmɔ̀ʼ nə, ghàyn tə sɔ̂ fɨə.

Kòlosè 2:19

Kyì ə wûə nə vɛ fɨnə pomə va se Klâys mə ə̀ nyi Klâys vɛ ə È nyi atu se ghɨ ghɛ ə pomə. Kè kə wiynve kɨm nyi etyə̀ àtyaʼ atuke, ə̀ nyì kepî zamə kə ghɨghe əkɨ̂m ghɛ ə pomə Klâys nyi ə vəyn etyə̂ àtyaʼ kə ghənə ə nyi kə wùə èmɔ̀ʼ. Kè kə ghaŋmè kokyiə zûŋtè ə wùə ewìyn kə è və nyi wùə èmɔ̀ʼ, ə̀ nyì kepî zamə kə Klâys tsɨ̀yntə̀ ghɨ ghɛ ə ghe pomə sê vəyn, kə ghe ə nyi wùə èmɔ̀ʼ ə vəyn tyə̀.

Kòlosè 3:11

nə sə nɨŋ zhîzè ə va se ghɨə ghɛ ə̀ vachi ə̀ghɨ ə Njûsghè, è ghɨə Njûsə̀, sə nɨŋ e va sê ghɨ ghɛ ə nyi mə ə se nam ə ghənə̂ghè, è ghɛ ə nyi ndɔ̀ʼɔ se. Sə nɨŋ e va se wùə àtum è wùə mbvɨyn, kɨ̀sə ə̀ nyi akɔ̂s, kɨ̀sə ə̀ nyi vɛ ə è va sə akɔ̂s, pîza ə̀ nyi Klâys se ghɛ ətəynghe əkɨ̂m, nyi ə ghənə əfètəyn ə̀kɨ̂m.

Kòlosè 3:15

Klâys ə nə̀yn ghàyn e nyi è pɔ̂ynè è ngɨŋ saynse. Nyiəmə, pɔ̂ynè nə zɛ mə kyi sə̂ chisə̂ nâʼàpî èghɛ èkè zɛ ə ghàyn nə̀. Ghàyn kyi sə̂ fo àzɔ̀ŋnè se Zhə̀fè shîŋə̀ tekɨ̂m.