1 Kɔlìŋ 10:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ Kûmə̀ zɨnə mə ə soyn sɨmse, ghàyn zàmaʼà èfɨaʼsè engɨmnəve.

1 Kɔlìŋ 10:14 ပူးပေါင်းရင်းမြစ်များ

Ətefɨ̂aʼ 15:20

Ə ghâsènì pɨl nyaʼ ŋwàʼlè ə tsayn sê ghənə nə kə ghənə zhi fɨazhiə vîve mə ve zo kwəynə̂ va kûmə̀ nə ə fo vəynve sê zhə̀mè, ə ghənə ə nyɨŋə̀ va è zəynghe kɨ̀sə ə ndômnè, ə kwɨlə va nyàm zhîzè mə ə paʼà se mîzè, pî se zhi mndəm.

Ŋwàʼlè ə̀ Pɔ̂l sê ghɨə Lûmghè 12:19

Ə wùə nə̀yn pi sê ghàyn, kə ghàyn pəynse zə̂ynzè è pi ə soyn sɨmse. Pîza ghàyn pɨl za nə Zhə̀fè pɔynse vəyn. M pîə zɨnə mə kûmə̀ nə ə nyi mə ə nyàʼ ə ŋwàʼlè ə Fèzhə̀ nə, Zhə̀fè pi nə, “Ə̀ nyì ke mi Pɛ̂pɛ ə m tə pə̀ynsə̀ nâʼàpî èkyì ə pi èkè zɛ ə wùə nə̀. Ə̀ nyi mi Pɛ̂pɛ ə m wâmnə̀”

1 Kɔlìŋ 10:15

M wâmnə̀ sê ghàyn kə ghɨ ghɛ ə ghe kyi tɔfe. Ghàyn kwaʼte kê nâʼà è ngɨŋ saynse nə ghɛ zɛ ə m nyâʼ nyì səmɔʼ mə ze va səmɔʼə.

1 Kɔlìŋ 10:19

E za tyə̀nə̀ nə ghɛ zɛ m piə nyi nə fɨ̂aʼsèkè kɨ̀sə ə̀ nyi efɨazhiə vɛ ə fo sê kəynke kwəynə̂ pi ndò eghɛ zhize mə?

1 Kɔlìŋ 10:7

pî se ngɨmnê efɨaʼsè kə ghənə yîghe tè ngɨmnə, kè kə nyi mə ə nyàʼ ə ŋwàʼlè ə̀ Fèzhə̀ nə, “Ghɨghe ə tə tsɨsə̂ ə zhiə ə fɨnə mɨə, epàm ətəyn ghənə ə ndwìə sè pɨnə.”

1 Kɔlìŋ 5:11

M tè pɨlə nyaʼâ se pì nə, kə ghàyn nə tsɨ̂yntə̀ ghâyn wùə è tɔŋtə̂ ngɨŋə̂ vəyn nə ànyì pîza chumtə̀ ə̀zəyn kɨ̀sə ə̀ndômnè, shiə vəynghe fɨə, è fɨnə ngɨmnə̂ èfɨaʼsè, pofsə̂ ə̀zə əghɨ̀, fɨnə mɨə m̀lɨ m̀ ko, è kɨsè ghɨ chɔŋə. Kə ghàyn nə mômsè ke nâʼà ndò se zhi ghâyn kyì ə ghɨ nə ghɨnə̀.

2 Kolìŋ 11:11

Ghàyn kwàʼtə̀ nə m wàmnə̀ nyî kûmə̀ nə m kɔ̂ŋɔ̀ va ghàyn mə? M kɔ̂ŋɔ̀ ndò ghàyn, Zhə̀fè e ke.

2 Kolìŋ 12:15

M nə̀ nə̂ m mə saŋnə̂ se pofsê nâʼàpî akè kɛ m kyi se paʼsê è ngɨŋ zɨ̂mzè kè endom se tsàmtè ə ghàyn. Kûmə̀ ghè m kɔ̂ŋɔ̀ tsɛ̂sə̀ ghàyn nyi, ghàyn e kɔ̂ŋɔ̀ kə mi se chə ə?

2 Kolìŋ 12:19

Ghàyn kwàʼtə̀ nə ghàs nyàʼà ə̀ghɛ ghɨ̀yn se tyə̀yn nə ghàs pâʼà nə̀yn pi mə? Ngâŋngaŋ! Ghàs wàmnə̀ kə ghɨ Klâysə̀ ə Zhə̀fè əshi. Ghɔnyì ghɨmghe kɔ̀ŋghè, nâʼàpî eghɛ èkè zɛ ə ghàs nə̀, ghàs nə̀ se fo ghàyn è tyaʼke.

2 Kolìŋ 6:17

Ə̀ za nyi eghɛ zɛ ə Pɛ̂pɛ tè pi nə: “Ghàyn fɨ pəyn əfètəyn ə̀ghɨ̀ ə piə ə tyəm sə nɨŋ. Kə ghàyn kom fɨa kɛ ə ke zo va ə Zhə̀fè əshi, kə M fi ghàyn,

2 Kolìŋ 7:1

Zôyn kə Zhə̀fè tsɨ̂nè ghɛ nə ghɨ̂yn sê ghâsènì ə soyn sɨm sechûŋsè, e tsɔ̂fə̀ nə ghâsènì mɔmse se kɛse epàm əghɛ ghɛ ə ghe pə̂ è lɨŋze ə senjyà se ewìynse, fɨnə pə̀ è lɨŋze ə sezuʼ. Ghâsènì nyì sə̂ lotê nyi èŋwaʼze mə za nyi endom sə̂ ngɨmnə̂ Fèzhə̀.

Filìpây 4:1

M pìə sê ghàyn ə ghɔnyìə ghɨmə ghe kɔ̀ŋə̀ nə, ghàyn e tɛ ə ghàyn epomə̂ sê Pɛ̂pɛ. M nyîə kɔ̂ŋə̀ ghàyn, lotə̂ kɔ̂ŋə̀ kə nâʼà se fe ghàyn kûmə̀ nə ghàyn nyi esaŋnê zɨmze, è mâʼtè zɛ m kyi ə mì efɨ̀aʼ.

Filemùyn 1:1

Ŋwàʼlè zɨ̀nə ndò sê Pɔ̂l vɛ ə è nyi ə ndɛ ə̀chaʼ kûmə̀ nə è ndàʼà tom èchùŋ kûmə̀ Klâys Njisə̀s, ə ndò pə kəpi se ànyì ə̀ ghâsènì Timotì. Mə è ndùə se soyn ə̀ ghâsènì ə̀ nyi wùə vɛ ə ghasè ghə̀ ghənə fɨaʼà əmɔʼ Filemùyn,

Ipilù 6:9

Ghàs wàmnə̀ pî nyî ə soyn sasse, saŋnə̂ kûmə̀ ghàyn, ke nə ə nyì sê ghàyn, əghɛ ghe ə tsɔ̂fə̀ tsɛ̂ nyi kûmə̀ èsɔza zɛ ə ghàyn kyi.

1 Pità 2:11

Soyn sɨmse, ghàyn nyi mə ghàyn tsɛ̀ èndom, ghàyn va əghɨ mbiə fâghe. Ə̀ za nyi eghɛ zɛ ə m chyatə̂ ghàyn nə kə ghàyn ə nə̂ ghɛ ghɛ ə njà se wìynse saynse kyiŋə kûmə̀ nə ghɛ nə ghɨynə nò sezuʼ saynse.

1 Njɔyn 5:21

Kə ghàyn tə twɔm kyî èghɛ zhîze se nə̀yn ghâyn ghə̂ zhə̀tè mə̂ àkaŋàm ə ghɔyn ghɨmə.

Etyə̂yn ə paynsêzè 13:8

Nâʼà ə̀ghɨ ə̀ kɨ̂m ə chi tə ngɨmnə̂ zə̂ynzè, ə̀ tsɛ̂ kə va ghɨ ghɛ ə tè nyi mə ə nyàʼ zɨə ghənə̂zè tsɔ̀fə kə pom mbi əfètə̂ ŋwàʼlè ə̀ghɨ ndaməghe mə ə̀ ghənə kyi Vâ Ndzè vɛ ə tè zhwi.

Etyə̂yn ə paynsêzè 2:14

Pîza, m ghâmə̀ ghò ə mghɛlə̀ mə mɔ̀ʼɔmè. Ghɨə mɔ̀ʼɔ nyi fɛ ə ghò anɔ̀yn chûmtə̀ ezaʼlê ə Palàmzè. È və tə zaʼle Palàk kə è kàʼa è nəyn ə ghɨə Isìlâyghè nəyn pi mə ghənə zhiə èfɨa mə màʼtè sê fɨ̂aʼsèvè, è kɨsè mə ə nə̂ ə̀ghɛ ə nyələghe.

Etyə̂yn ə paynsêzè 21:8

Pîza sê ghɨ ghɛ ə ghe fànə è ghɨ ghɛ ə ghe tàʼa pomə sê mi, è ghɨ ghɛ ə ghe nə̂ ghɛ ə kwənəghe, è ghɨ ghɛ ə ghe zhwiə ghɨghe, è ghɛ ə ghe nə̂ ghɛ ə nyələghe, è ghɨ ghɛ ə nə̂ ghɛ pfɨtəghe, è ghɛ ə ghe ngɨmnə fɨ̂aʼsèvè, è ghɨ ə wamə nâʼà ə̀kɨ̂m, ə tə ndə̂mə̀ ghənə elùʼ vɛ ə wusve pɛ ətəyn è fɨa kɛ ə ke lɛ̂ pâŋə̀ za e tɔŋtə̂ nə sɔlfɔ̀. Kwu nə zɨnə mə nyi zɛ ə ze tə nə̂ nə te ndu tepɛ̀.”

Etyə̂yn ə paynsêzè 22:15

Pîza ghɨ ghɛ ə ghe nyi əpɨəyn ə tɔ̂ŋ èghaʼâ nyi ghɛ ə nyi mə ə nə̀yn ghɛ ə kwəmnəghe kə; ghɛ ə nə̂ ghɛ ə pfɨyntəghe, è ghɛ ə nə̂ ghɛ ə nyələghe, è ghɛ ə ghe zhwiə ghɨghe, ghɛ ə ghe ngɨmnə fɨ̂aʼsèvè, è ghɛ ə wamə kwaŋve, nə̂ ə̀ghɛ akaŋghe.