1 Kɔlìŋ 1:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Zhə̀fè pìə èghɛ, nə̂ kə zəynze. Ə̀ nyi Fəynfe ə Fe tɔŋə ghàyn nə ghàyn ə fɨaʼà sə eghɛ èmɔ̀ʼ è Va vəyn, ə Pɛ̂pɛ ə ghâsènì Njisə̀s Klâys.

1 Kɔlìŋ 1:9 ပူးပေါင်းရင်းမြစ်များ

Matyò 24:35

Kwutwəynve è chike tə tsɛ̂ ndô pîza, ghɛ zɨme tə ndamə faŋə kə ndò.

Njɔyn 17:21

M tsə̂mə̀ nə ghənə ə tsɨ̂yntè nyi ke sə eghɛ èmɔ̀ʼ, kèpî èghɨ kə Ghò ə Pɨa Vɨm nyi ə Mì ewìyn, M nyi ə Ghò ewìyn. Nə ə ghənə faŋ sê ghasè Ghò kə ghɨ mbi ghɨnə pomə nə ə̀ tom Ghò Mi.

Ŋwàʼlè ə̀ Pɔ̂l sê ghɨə Lûmghè 11:17

Ə fɨaftə̂ sèngɔyn sə fekàʼ fə olìf fɛ ə nyi mə ə zho ndô, ndûə pasə̂ ewìyn ə fekàʼ fə olìf fɛ ə fe nyi ə mbvɨyn mə fe tsɨ̂yn ndəmə ke sə fəynfe ə ngɨŋ. Ghàyn ghɨ ghɛ ə̀ vachi ə̀ghɨ ə Njûsghè nyi kə sengɔyn sə fekàʼ fɛ ə fe ndəmə ə mbvɨyn mə fe kyîə kəpi m̀mo mə m̀ ndò pə̂yn ətə̂ tèghàŋ tə fekàʼ fechûŋfè.

Ŋwàʼlè ə̀ Pɔ̂l sê ghɨə Lûmghè 8:28

Ghâsènì kendô nə nâʼà pi èghɛ èkè zɛ ə ze kyâynə̀, Zhə̀fè nə̀ zəynze sə chùŋ ə̀ghɨ̀ ghɛ ə kɔ̂ŋə̀ Fəynfe. Ə ghənə ghɛ è nyi mə È və tɔŋɔ nə ə nəyn kə È kyiŋə.

Ŋwàʼlè ə̀ Pɔ̂l sê ghɨə Lûmghè 8:30

Nyiəmə, ghɨ ghɛ Zhə̀fè tè nyi mə fe ə kàynè chitê ndəm, È və tə tɔŋɔ ghənə nə ə nyi ə̀ghɨ ə vəynghe. Ghɛ ə È nyi mə È və tɔŋɔ, È pi nə ə̀ nyi ghɛ ə ghe nyi chichi ə zhi shi. È və fo pomsê ə vəynze sê ghɛ ə ghe nyi chichi ə və shi.

Ŋwàʼlè ə̀ Pɔ̂l sê ghɨə Lûmghè 9:24

Ghâsènì e nyi paʼsê anɔ̀yn əghɨ̀ kɛ ə è nyi mə È və tɔŋə fɨsê. Ə̀ vachi ke anɔ̀yn əghɨ̀ ə Isìlâykè ə È tɔŋə fɨse ghâsènì. È və tɔŋə fɨse ghâsènì yîghe əfètə̂ ə̀ghɨ̀ ghɛ ə̀ vachi ə̀ghɨ ə Njûsghè.

1 Kɔlìŋ 1:30

Pîza ə̀ nəyn Fezhə̀ nə ghàyn ə nyi sə eghɛ èmɔ̀ʼ ghâyn ghə̀ Klâys Njisə̀s, ə nə̀ nə è və nyi ètɔf eghaʼâ ə ghasènìze, ə nə̀ nə ghâsènì ə tyəm chichi ə Zhə̀fè əshi tɔynə̂ ə Klâys, ə fɨnə tɔynə̂ kəpi ə Klâys ə nə̀ nə ghâsènì ə nyi è ŋwâʼzè, ə zhɔnə àtu ə ghasènìke.

1 Kɔlìŋ 10:13

Nâʼàpi èmɔ̂m èkè zɛ ə ghàyn nyi mə fe, nyi ekyì zɛ ə ze pə̂ sê nâʼà pî wùə m̀sɔ̀ŋ èkè. Pîza Zhə̀fè nə̀ èghɛ zɛ ə fe tsɨ̂nè, mə è vayn kaʼa ə è za nə ò tsɛ tɔynê emɔ̀m mə ze kaʼa ə ze nəyn ə ò pfɨ ə pi; ə shîŋə̀ kɛ ə mɔ̂mè pə̀yn se ghò, ə è fo ghô tyaʼa nə ò kol təmghe ə ò tsɛ tɔynê ətəyn.

1 Kɔlìŋ 10:16

Wà zɛ ə ghâsènì nə̂ mɨə ezhoghɛ ə zhiə wiynə Pɛ̂pɛve, mə ə̀ nyi zə̂ynzè ə ghâsènì fo zɔ̀ŋnèkè ətəyn se Zhə̀fè, ashìŋə̀ kɛ ə ghâsènì mɨə ətəyn, ze nyi nə ghâsènì chyàtə̀ eghɛ zɛ ə Klâys tè nəyn sê ghâsènì ə sɨ̀sə̀ m̀ndəm mə Və̂ynmè. Mə payn ə kwaŋ kɛ ə ghâsènì zhiə, shîŋə̀ kɛ ə ghâsènì zhiə kəynke, ze nyi nə ghâsènì chyàtə̀ ezə ə ngəʼ zɛ ə Klâys tè zɨ awâmnè.

2 Kolìŋ 1:18

Kè kə Zhə̀fè nyi mə Fe wâmnə̀ tsɛ kə səmɔʼ, wâmnè zɨme sê ghàyn tè vachi zə “Eyn” è “Ngaŋze.”

Ngàleshyà 1:15

Pîza, Zhə̀fè tɔynə̂ ə və afùʼ, ə chɔʼɔ mi tsɔ̀fə kə piə mi, ə tɔŋɔ mi sə wûə èfɨ̀aʼa ə̀ vəyn. Kə è chɔʼne

Ngàleshyà 2:20

kə mə fɨnə ndamə va, pîza ə̀ nyi Klâys kə è ndamə ə mì ə fètəyn. Ndam zɛ ə m ndamə zôyn nyi kûmə̀ èkyî èpomə zɛ ə m kyi sê Va Fèzhə̀ vɛ ə è tè kɔ̂ŋ mi ə fo ngɨŋ ə vəyn ə kwu kûmə̀ mi.

Ɛfesùs 3:6

Ghɛ e kayntə nə zɛ ə tè mɛnə sə shi nyi nə, ghɨ ghɛ ə̀ vachi ə̀ghɨ Njûs ghɛ ə ghe pomə tom èchùŋ tə tsɨ̂yntə̀ zhiə èfɔyn ə Fezhə̀vè yî ghɨə Isìlâyghè ə fɨyn tsɨ̂yntè nyi èpɨas əfètə̂ èwiyn emɔ̀ʼ, fɨyn nyi se tə tsɨ̀yntə kyiə epɔsê zɛ ə Zhə̀fè tsɨ̂nè tɔynə̂ ə Klâys Njisə̀s.

Kòlosè 1:24

M saŋnə̂ ndò zôyn kə m zɨə ngəʼ kûmə̀ ghàyn. Kə m zɨə ngəʼ nə zɨnə mə, mə mɨ̀sè zɨə ngəʼ ə Njisə̀s zɛ ə ze tè kyi sə̂ nyi ə vəyn ewìyn vɛ, ə ve nyi əghɨ̀ ghɛ ə ghe pomə sê vəyn.

1 Tèsàlonikà 2:12

fo ghàyn təm ə tɛghe, pɔsə̂ ə̀təm ghaynghe, pîə kwəynsə̂ kə ndò nə ghàyn ə ndamə endom vɛ ə Zhə̀fè kyiŋə, ə Fèzhə̀ fɛ ə fe tɔŋə ghàyn nə ghàyn ə nyi ə̀ghɨ ə vəyn elùʼ efɔ̀yn, è kɨsè ə vəyn epomsê.

2 Tèsàlonikà 2:14

Zhə̀fè tè tɔŋɔ ghàyn tɔynə̂ ə tom èchùŋ zɛ ə ghàs tè ndàʼa sê ghàyn kə ghàyn pəyn sə̂ pɔŋ kyi èpomsê zɛ ə Pɛ̂pɛ ə̀ ghâsènì Njisə̀s Klâys kyi.

2 Tèsàlonikà 3:3

Pîza nâʼàpî èghɛ èkè zɛ ə Pɛ̂pɛ pî nə è nə̀ nə̂, è nə̀ kə zamə, è nyi se nə fo ghàyn tyaʼa, ə è kɨŋte ghàyn nə kə Wùə ètəm ə Piə tə tàʼa nə̀yn nə ghàyn nəyn pi.

2 Timotì 1:9

Zhə̀fè tè sɔ̀zâ ghâsènì ə tɔŋə ghâsènì nə ə nyi ə̀ghɨ Vəynghe ŋwaʼaghe, ə̀ vachi kûmə̀ èghɛ zhîze kə ghâsènì nə̀yn, pîza e nyi ke kə È nyi mə È və ndə̀m ə vəyn afùʼ. È tè fo afùʼ nə kɨ̂yn tɔynə̂ ə Klâys Njisə̀s tsɔ̀fə kə mbi zhəte.

2 Timotì 2:13

Ə ghâsènì fɨ̀aʼà va se vəyn è təm ə ghasènìghe əkɨ̂m, ə è tə pa nəyn kendò ghɛ zɛ ə è tsɨ̀nè se nə̀yn, kûmə̀ nə È vayn kàʼa ə è tə kwiynsê ngɨŋ ə̂ Vəyn.”

Taytùs 1:2

Səmɔʼ nə zɨ̂yn nə̀ nə ghənə ə ke səmɔʼ nə ghənə nyîə kyi èndam mə ze tə mîə va, mə nyi endam zɛ ə Zhə̀ fɛ ə fe wamə va tè tsɨ̀ne sê ghənə tsɔ̀fə kə pom mbi.

Ipilù 10:23

Ə ghâsènì fɛte kyî mə ə nə̂ʼlə̀ va eghɛ zɛ ə ghâsènì kwàʼtə̀ lɨmtə, fɨnə wâmnə̀ kûmə̀ zəynze, kûmə̀ nə ghɛ zɛ ə Zhə̀fè tsɨ̀nè, è nə̀ nə̂ kə kə è pì.

Ipilù 11:11

Ə̀ tè nyi tɔynə̂ ekyî epomə̂zè kə Sèla, ə wùə mə è və ndumə̂ tsɛ se pîə ə vayn, tè nyi kàʼa è piə vayn kûmə̀ nə è və tə samsê Zhə̀fè nə fe nə̀ nə̂ èghɛ zɛ ə fe tè tsɨ̀ne.

Ipilù 2:17

Ə̀ za nyi eghɛ zɛ ə ze tè nəyn è və kɛsə̂ sè nyi kepî kə ə ghɔnyìə vəyn ghe ətendom tèkɨ̂m, kə è fɛte ke sə̂ fɨ̂aʼà kə wùə èkɔʼsə nə̂ èshyə̀ engaŋtə kwəynə, fɨnə kosə̂ esəyn sê ghɨ, fɨ̂aʼà sê Zhə̀fè se nə̀yn nə fe lɛse fo sepi sə ghɨ̀sè.

Ipilù 3:1

E za nyi nə ghàyn kyi se fɛtə̂ ndə̀mə ekwâʼtè zaynze sê Njisə̀s ə ghɔnyìə ghɨm ghe Ŋwaʼa ghɛ ə Zhə̀fè pɔŋ tɔŋɔ nə ghàyn ə nyi ə̀ghɨ vəynghe. Ə̀ nyi vəyn vɛ ə ghâsènì njì kə wùətom ə̀ ghâsènì è wùə èkɔʼsə nə èshyə̀ èngaŋtə kwəynə.

Ipilù 3:14

Ə ghâsènì tyəm ə ghâsènì epomə̂ se zaʼâ əkwùŋse, kèpî kə ghâsènì tè tyəm ə zhə̀te, ə ze ə tyə̂nə̀ nə ghâsènì tsɨ̀yntə̀ fɨaʼà ghasènìəghə̀ Klâys.

Ipilù 6:18

Ghɛ nə ghɨ̂nə̀ ə̀ pɛ̀ nyîə nyi, mə ghe vayn kaʼa ə ghe kwiyne, Zhə̀fè e va se wam kûmə̀ ghəynghe, kə ghe tɨmse ghâsènì ghɛ ə tə ndû ndə̂tè ə Zhə̀fè ngùŋ ə nə̀ ghâsènì e tɛ, ke səmɔʼ nə ə tə kyîə àfɨa kɛ ə naynə ndùə kəynke.

1 Pità 5:10

Ghàyn nə̀ fe ngəʼ kè sə fendiŋə̀ fə ashìŋə̀fè nyi, epàm ətəyn, ə Zhə̀ fɛ ə fe nə̂ chùŋ se ghâsènì əghɛ ə̀kɨ̂m, mə Fe ə tɔŋə̂ ghâsènì nə ə nyi paʼsê kepî ə vəyn ə fètəyn èghaʼ sə afɨa àmɔ̀ʼ è Klâys. Nâʼà vəyn è ngɨŋə̂ vəyn tə nə̂ kwəynsə̂ nə ghàyn ə kyi àtyaʼ, tyəm tɛ ə ghàyn e samsê, ə è nəyn ə ghàyn ə ndam kyi ekol ətəmze.

1 Njɔyn 1:3

Ghàs tsà ə̀ghɛ ghɨ̀nə̀ sê ghàyn, ə ghɛ ə ghàs nyi mə ə fe ə fɨnə zɨə, kə ə ghâsènì tsɨynte faŋ ke sə afɨa àmɔ̀ʼ ə ghâsènì è Pɨ̀a yî Va Vəyn Njisə̀s Klâys.

1 Njɔyn 1:7

Pîza, ə ghâsènì kwîə əfètə̂ èpayn kèpi eghɨ kə Zhə̀fè nyi əfètə̂ èpayn, ə ghâsènì ə tsɨ̂yntè nyi ke sə afɨa àmɔ̀ʼ, ə ndə̂m mə̂ Njisə̀sə̀m, ə Va Fèzhə̀ shuə zosê ghâsènì ə ghâsènì ə sepi sekɨ̂m.

1 Njɔyn 4:13

Ghâsènì nyiə ke nə ghâsènì ndamə sə afɨa àmɔ̀ʼ è Zhə̀fè, è kɨsè nə Zhə̀fè ndamə sə afɨa àmɔ̀ʼ è ghâsènì, kûmə̀ nə È və fo Zuʼ sə Vəynse sê ghâsènì.

Etyə̂yn ə paynsêzè 19:11

Mə fe èkwutwəynve mə ə chwìe, mə fe àkenyàm efɨfəkè fumə ə mì əshi. Ə tè tɔŋtə wùə vɛ ə è tè nyɨŋə etûə ə̀təyn nə, Fɨ̂aʼ e təmghe əkɨ̂m, è nə Pì səmɔʼ. È tè nyi chichi endom vɛ ə è saʼa ghɨghe ətəyn, è kɨsè endom vɛ ə è tè no ghɔŋze ətəyn.