1 Kɔlìŋ 1:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Ze ə nə̀yn nə ghàyn tə faŋə va se fiə nâʼàpi èpɔse èkè zɛ Zuʼse ə Fezhə̀sè fo kə ghàyn lɨmtə shîŋə̀ kɛ ə Pɛ̂pɛ ə̀ ghâsènì Njisə̀s Klâys tə tyə̂nə̀ paynsə̂ ngɨŋə̂ vəyn ətəyn.

1 Kɔlìŋ 1:7 ပူးပေါင်းရင်းမြစ်များ

Matyò 25:1

Njisə̀s ə fɨnə mɛ̀ ngàyn zhîzè nə, “Shîŋə̀ kɛ ə Vâ wùə tə pə̂, fɔ̂yn ə ekwùtwəyn tə nə̂ ə və nyi kə sengɔ̀yn sèghɨm ə se tè nji lâmsə ghənə̂sè ə fɨə ndûə zâ ndomə̀ wùzhɔyn.

Tom èchùŋ kè kə Lûk tè nyaʼ 12:36

kə ghɨ e fɨaʼa ghɛ ə ghe lɨmtə pɛ̀ èfɨ̀aʼ ə̀ ghənə nə è kɛse kwɨlə̂ elùʼ ə malə̂ kə ghənə chɔʼ cho ndɛe nâʼà pi ashìŋə̀ kè kɛ ə è ngɔʼte.

Tom èchùŋ kè kə Lûk tè nyaʼ 17:30

Ə̀ za nyi kə ghɛ tə nə̂ ə ghe ə nyi etuʼ vɛ ə Va Wùə pə̀ ətəyn.

Ŋwàʼlè ə̀ Pɔ̂l sê ghɨə Lûmghè 8:19

Nâʼà efɨa èkɨ̂m vɛ ə Zhə̀fè Pom nyîə lɨmtə̂ se shîŋə̀ nə kɛ ə Zhə̀fè tə tyə̂nə̀ paynsə̂ ghɔ Vəynghe.

Ŋwàʼlè ə̀ Pɔ̂l sê ghɨə Lûmghè 8:23

Pîza, ə va ke èfɨa nə vɨ̂yn ə ve tsɔ̂ynə̀, ghâsènì ghɛ ə kyi zuʼ sɛ ə Zhə̀fè nyi mə fə fo se ghâsènì kə emaʼte ə shive, ghâsènì tsɔ̂ynə̀ kəpi ndò ə ghâsènì ətəm. Ghâsènì ə ndə̀m təm ə ghasènìghe əkɨ̂m se lɨmtê ashîŋə̀ kɛ ə Zhə̀fè tə paynsə̂ nə̂ nə ghâsènì ə nyi ə̀ghɔ vəynghe, se fiə zà mwiyn mə ghasènimè, se fɨnə fo ghâsènì è wiyn mə èfemè.

1 Kɔlìŋ 4:5

Kûmə̀ nyî, kə ghàyn ka saʼ ndɔ̀ʼɔ shîŋə̀ təynke kwəyn. Ghàyn lɨmte ə Pɛ̂pɛ pəyn. È tə pə̂ ə è tyəyn paynsê ə̀ghɛ ə ndətə ghɛ ə nyâʼtə nə̂ alɨm, ə è tsayn kwaʼtè tɛ ə ghɨ ndətə̀ ə ghənə ətəm, ə Zhə̀fè ke tsîtè ə nâʼàpî ndè ə vəyn efɨ̀aʼ.

2 Kolìŋ 12:13

Ə̀ nyi eghɛ echûŋ èkè zɛ ə m tè nə̀yn sê ndɛ sə Fezhə̀ sə mɔ̀ʼɔ ə tàʼa nə̀yn sê ghànə? Ghɛ zɛ ə m tè nə̀yn sê ghàyn nyì ke nə m tè pâʼà fɨmsê ghàyn sə̂ pfɨfə èkɛ se ghàyn. Ə nyi eghɛ e pize kə m tè nəyn, ghànə lɛ̀sə̀ fo mi!

Ngàleshyà 5:5

Zuʼsə Fezhə̀sè tɔynə̂ ekyî epomə̂zè nyîə nə̂ nə ghàs ə kyi ke èkwaʼtè se tə nə̀yn sə nyi chichi ə Zhə̀fè əshi.

Filìpây 3:20

Pîza, ghâsènì nyi əghɨ ghɛ ə ndaʼa ghənə̂zè nyi awulə, eluʼ vɛ ə Pɛ̂pɛ Njisə̀s Klâys ndamə ətəyn. Ghàs lɨmtə̂ sɔ̀zà vâsvè Njisə̀s Klâys nə è ndo pəyn awulə ə è tso pəyn ə chi.

Kòlosè 3:4

Ə̀ nyi Klâys ə è paynse nyi èndam ə ghasènìze, mə shîŋə̀ kɛ ə è tə pə̂ fâ ə fètə̂ ə̀ mbi, ghàyn əkɨ̂m tə pə̂ ə nyi ghâyn ghə̀ vəyn, è pomsê ə vəynze ekɨ̂m.

1 Tèsàlonikà 1:10

Ghənə ə fɨyn tsayn kə ghàyn lɨmtə nə Va Fèzhə̀ tə kɛse pəyn ekwùtwəyn. Ə və zòmsè Njisə̀s nə vɨnə mə, è vɛ è sɔ̀zâ ghâsènì ə Zhə̀fè enyɔ̀ʼsè etɔŋ vɛ ə ve tə pɔynsə ghɨ ghɛ ə ghe nə̂yn pi.

2 Tèsàlonikà 1:7

Fe tə nə̂, ə ghàyn ghɛ ə ghàyn fe tsôsvè zôyn ə kyi zɨ̂tèkè, ə ghàs kyî kəpî. Zhə̀fè tə nə̂ èghɛ nə zɨ̂nə̀ ashìŋə̀ kɛ Pɛ̂pɛ Njisə̀s chwìtè ngɨŋə̂ vəyn, tso pə̂ ekwùtwəyn yî tsì sə vəyn sə atyaʼse.

2 Timotì 4:8

M lɨmtə kə èmâʼte ə endam ə chichi zɨmze zôyn. Pɛ̂pɛ ə̀ ghâsènì vɛ ə è saʼa ghɨ səmɔʼ tə fo èmâʼtè nə zɨ̂yn sê mi fumə fetuʼ. È tə fo kə va sê mi, È tə fo kəpî sê ghɨ ghɛ ə ghe tè lɨmtə pə ə Vəynze èkɔ̂ŋzè.

Taytùs 2:13

kə ghâsènì lɨmtə è kwâʼtè elɨmtəze tuʼ fe kayntəfe kə pomsê ə Fezhə̀ fə ghâsènì fe ghaʼâfè è sɔ̀zà Njisə̀s Klâys tə pə̂.

Ipilù 9:28

Ə za nyi kepî endom nə vɨ̂yn ə tè fo Klâys sə efo, è və kwuə kə shîŋə̀ emɔ̀ʼ se tsɨsə sepi sə ghɨ̀sè. È tə kɛse pə̂ pîza ə è və fɨnə pə̂ va se shù se pi sə ghɨ̀sè, è tə pə̂ se sɔzà əghɨ ghɛ ə tsɨs lɨmtə̂ vəyn.

1 Pità 1:13

Nyiəmə ghàyn pɨaʼte kwâʼtè taynte, nyi elɨmtêzè, ə ghàyn ndəm kwâʼtè zaynze ekɨ̂m ə afùʼ kɛ ə tə fo sê ghàyn ezhoghɛ ə Njisə̀s Klâys kɛse pə̂yn.

1 Pità 4:13

Ghàyn e pɨlə saŋnə̂ nə ghàyn pɔŋɔ fe ngəʼ kèpi kə Klâys kə è tə pî è kɛsə̂ pə̂ endom ekayntə vîve, ə ghàyn ə saŋnə̂ nâʼà sə ŋaŋ.

1 Pità 5:4

Ə ghàyn nəyn nyi, ə wùə vɛ ə è nyi tu ə sengyəynke tə kɛse pəyn pi etuʼ èkwə̀, ə è ndaʼ ghàyn è fɔ ə tefɔ̀yn ə kayntəke mə ke tə ndamə faŋə.

2 Pità 3:12

kə ghàyn lɨmtə sê Tuʼfə Fezhə̀fè, mɔ̂msə̀ nâʼà sə ŋaŋ kə ghàyn kàʼa momse, nə fe zaŋse pəyn. Tuʼ nə fɛ tə pə̂ è pofsê awuləze mə ə̀ nyi ewus, ə fɨa awuləve puŋ kûmə̀ azuʼə̀ ewùske.

1 Njɔyn 3:2

Soyn ghɨm ghe kɔ̀ŋə̀, ghâsènì kàyne nyi ə̀ghɔ Fezhə̀ghè, pîza Fe paʼà nyìəm chwitè nə ghâsènì tə pə̂ ə nyi zàyn shîŋə̀ kɛ ə Klâys tə kɛsə pə̂. Pîza ghâsènì ke ndô nə shîŋə̀ kɛ ə Klâys tə pə̂ ətəyn, ghâsènì tə nə̂ ə nyi ke kə Vəyn, kûmə̀ nə ghâsènì tə fe vəyn kè kə è nyi.

Njût 1:21

Ghàyn ndu ke èshike sə̂ ndamə èndam zaynze endom vɛ ə ghɨ ghɛ ə kɔ̂ŋə̀ Zhə̀fè kyi sə̂ ndamə kə ghàyn lɨmtə nə Pɛ̂pɛ ə̀ ghâsènì Njisə̀s Klâys pəyn tyəyn ekosê esəyn sê ghâsènì tɔynə̂ endam zɛ ə è tə fo sê ghâsènì mə ze tə mìə va.