1 Kɔlìŋ 1:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Ghɛ zɛ ə ghàyn zɨ kûmə̀ Klâys ə kyî ghaŋə, tɛ kə nyi ə ghàyn ə fètəyn.

1 Kɔlìŋ 1:6 ပူးပေါင်းရင်းမြစ်များ

Ŋwàʼlè ə̀ Mâk 16:20

Chùmtè èpàm sə Njisə̀sè ə fɨə ndaʼà ndûə Tom Èchùŋ luʼ tekɨ̂m. Pɛ̂pɛ tè nyì yighə̀ ghənə, ə fo àtyaʼ nə ghənə nə̂ ə̀ghɛ əkayntəghe, se tyə̀yn nə ghɛ ghɛ ə ghənə tè pìə nyi səmɔʼ.

Ətefɨ̂aʼ 11:17

Mə ke fe səmɔʼ nə Zhə̀fè ə fo foze sê ghɨ ghɛ ə̀ vachi ə̀ghɨ ə Njûsghè kèpi kə fe tè fo sê ghâsènì kə ghâsènì tè pomə sê Pɛ̂pɛ Njisə̀s Klâys. M nyiə tè nyì nâʼà ndè se tàm eghɛ zɛ ə Zhə̀fè tè kyi se nə̀yn ə.”

Ətefɨ̂aʼ 11:21

Tyaʼa Pɛ̂pɛ ke tè nyîə nyi yighə̀ ghənə. Ghɨ tsɨəghe ə pomə ə fo ə̀təm ə ghənə̂ghè sê Pɛ̂pɛ.

Ətefɨ̂aʼ 18:5

Kə Pɔ̂l yî Timotì tè ndò pə̂yn ə Màsèndonyà, Pɔ̂l ə fo àshîŋə̀ ə vəynke akɨ̂m sə ndaʼà tom ə̀ Fèzhə̀, tsâ se ghɨə Njûsə̀ è ghɨə Nglekə̀ nə Njisə̀s nyi vɛ ə chɔʼ ndə̂m.

Ətefɨ̂aʼ 20:21

Mə tè fo fɨ̀as sê ghɨə Njûsə̀ è ghɨ ghɛ ə̀ tè vachi ə̀ghɨ ə Njûsghè nə ghənə kwiyne təm ə ghənə̂ ghe piə, ə pəyn sê Zhə̀fè, ə pomə sê Pɛ̂pɛ Njisə̀s.

Ətefɨ̂aʼ 20:24

Pîza m njiə pi va ndam zɨme nâʼà sə eghɛ zhîze, kè ezhoghɛ m mɨsè nyɨŋ nə zɨ̂yn, ə mɨ̂sə̀ àfɨaʼ kɛ ə Pɛ̂pɛ Njisə̀s nyi mə è və fo se Mi, mə ə̀ nyì se ndàʼà ə tom èchùŋ kûmə̀ àfùʼ kɛ ə Zhə̀fè kyi sê ghɨghe.

Ətefɨ̂aʼ 22:18

Mə fe Pɛ̂pɛ, È və ə pìə sê mi nə, ‹Zàŋse ndwi ə ndò fɨə ə Njèlusalɛ̀m kûmə̀ nə ghɨ nə ghɨ̂yn nə̀ pomə̂ va ghɛ zɛ ə ò pìə kûmə̀ Mi.›

Ətefɨ̂aʼ 23:11

Tuʼfe komtəfe ètuʼve, Pɛ̂pɛ ə tyəmə̂ ə Pɔ̂l ə ngwùŋ ə pìə nə, “Kə ò fayn! Kə ò nyi mə o wàmnè kûmə̀ Mi ə Njèlusalɛ̀m.”

Ətefɨ̂aʼ 28:23

Ghənə ə ndə̀mə̀ etuʼ se pə zɨtê se Pɔ̂l. Tuʼ ətəynve ə kwəynə, ghənə ə fɨə nâʼà setsɨ̀ ə pə̀ elùʼ vɛ ə Pɔ̂l tè ndamə ətəyn. È və pɨsə̂ zhə̀tə̀ se wàmnə̀ sê ghənə, ə nə̀ wàmnə̀ kə nyi ə ndùə tânə̀ ashìŋə̀ ezhwikwɨləke, ə fɛtə̂ tsâ paynsə̂ èghɛ zɛ ə è tè kyi se tsàyn sê ghənə kûmə̀ èfɔyn ə Fezhə̀vè. È və mɔ̀msə̀ se nə̀yn nə ghənə ke Njisə̀s. È və fɨnə pîə ə̀ghɛ ghɛ ə ghe fɨ ə ŋwàʼlè Àlâŋ zɛ ə Mosîs tè pə̀yn è zə̂yn è kɨ̂sè ə ŋwàʼlè ə̀ sèfɨ̀aʼtè kə ghənə pomə nə Njisə̀s nyi Klâys.

Ŋwàʼlè ə̀ Pɔ̂l sê ghɨə Lûmghè 15:19

M tè nəyn əghɛ nə ghɛ mə, atyaʼ ə sechwîəke, è ghɛ əkayntəghe, è kɨsè atyaʼ ə sezuʼ sə Fezhə̀sè. Zɨnə mə ə tə nə̀yn me ndaʼà tom e chùŋ ə̀ Klâys àchûŋ, kə m tè ndò ə Njèlusalɛ̀m se ndùə tàyn apàs endaʼ ə Ìlilikùmkè. Mə ndàʼà tom èchùŋ èkɨ̂m kûmə̀ Klâys.

2 Kolìŋ 12:12

Mə tè kol təmə, ə njìə àshîŋə̀ se tyə̀ynə sèchwìə sə wùətom ə səmɔʼse, paʼsə̂ è chwìəse, è ghɛ ə cho zoməghe, è fɨ̂aʼ te kayntəte.

Ngàleshyà 3:5

Zhə̀fè tè fo Sezuʼ sə vəynse sê ghàyn ə fɨnə nə̀ ə̀ghɛ ə kayntəghe ə ghàyn ə fètəyn kûmə̀ kə ghàyn ndə̀mə̀ Lâŋà mə, mə kûmə̀ kə ghàyn zɨ tom è chùŋ ə pomə̂ ə?

2 Tèsàlonikà 1:10

Etuʼ vɛ ə è tə pə̂, ə è fi pomsêzè sê ghɨə vəynghe è kɔʼsêzè sê ghɨə poməghe əkɨ̂m. Nâʼà ghàyn tə nə̂ ə pɔŋ nyi əfètəyn ə̀ ghɨ̀ nə ghɨ̂yn kûmə̀ nə ghàyn ə pomə ghɛ ghɛ ə ghàs tè tsâ sê ghàyn.

1 Timotì 2:6

vɛ ə è fo ngɨŋ ə Vəyn ə kwu se zhɔyn atu əghɨ̀ ə̀ kɨ̂mkè. Kə shîŋə̀ kɛ ə Zhə̀fè tè chɔʼ kwəyn, Zhə̀fè ə nə̀ nə Njisə̀s Klâys ə nyi chwìə nə zhi kyiŋə se sɔzà əghɨ ə̀kɨ̂m.

2 Timotì 1:8

E za tyə̀nə̀ nə ò kyi va sə̂ ghomə̂ se tsàyn eghɛ zɛ ò ke kûmə̀ Pɛ̂pɛ, pî sə ghomə̂ kûmə̀ mi, ə wùə ndɛ ə̀chaʼ kûmə̀ Klâys. Pɨl njì vɛve nə eluʼ sə̂ zɨə ngəʼ kûmə̀ tom èchùŋ, kè kə Zhə̀fè fo ghô è tyaʼke.

Etyə̂yn ə paynsêzè 1:2

Njɔyn ə tə tsàyn ghɛ ghɛ ə è tè fe nâʼà ə̀kɨ̂m, mə ghɛ zɛ ə è tè fe tè nyi ewâmnè ə Fezhə̀zè è kɨsè səmɔʼ zɛ ə Njisə̀s Klâys tè wàmnə̀ kûmə̀ zə̂ynzè.

Etyə̂yn ə paynsêzè 1:9

M nyi Njɔyn ànyì vâynvè, ə vɛ ə è fe kəpî tsôsvè kə ghàyn kûmə̀ nə ghâsènì ə pomə̂ sê Njisə̀s. Ghâsènì kolə ə̀təm əfètə̂ temɔ̀m kûmə̀ nə ghâsènì ə pomə̂ sê Njisə̀s. Ə tè tsə̀fse mi mə chum ndû mi elùʼ vɛ ə tsò nyi mə è zə kyìŋ ka, e tɔŋtə̂ nə Patmòs kûmə̀ nə m tè ndàʼa tom ə̀ Fèzhə̀ tsâ se ghɨə kûmə̀ Njisə̀s.

Etyə̂yn ə paynsêzè 12:11

Ghɔnyì ə ghâsènì nə ghɨ̀nə̀ ə nò ə zhiə vəyn tɔynə̂ m̀ndəm mə Va Ndzèm, tɔynə̂ ə səmɔʼ zɛ ə ghənə tè tsâ, è kɨsè nə ghənə tè nyîə nyi èpɨaʼtêzè se kwu ezhoghɛ ə kwuze pə̂yn.

Etyə̂yn ə paynsêzè 12:17

Ndlangɔ̀yn ə̀təyn ə nyɔʼsə̀ ètɔŋ sê wùzhɔyn ə̀təyn nâʼà sə ŋaŋ ə ndò ndùə ndwîsə̀ èghɔŋ sê tɔŋ ə ndɛ ə wùzhɔyn ətəyn vɛ ə ghənə tè faŋ, ə nyi ə̀ghɨ̀ ghɛ ə ghe tè ndə̀mə lwɔ̂ŋ ə Fezhə̀vè, fɨnə fɛtə kyiə səmɔʼ zɛ ə Njisə̀s tè tyə̀n paynsê.

Etyə̂yn ə paynsêzè 19:10

Mə tɨmə ə̀ngwuʼ ə və shi se ngɨmnə vəyn, pîza è zə pìə sê mi nə, “Kə ò mɔm! M fɨaʼà sê Zhə̀fè kèpi kə gho è ghɔnɛghè, è ghɨ ghəkɨ̂m ghɛ ə ghe fɛte kyi səmɔʼ zɛ ə Njisə̀s tè tyə̀yn paynsê. Ngɨmne Zhə̀fè! Kûmə̀ nə ghɛ zɛ ə Njisə̀s tyə̀ynə̀ paynsə̂ nyi zəynze ə ze nə̂ nə fɨ̀aʼtèsè ə nə̂ èfɨaʼ ə ghənə̂zè.”

Etyə̂yn ə paynsêzè 6:9

Vâ Ndzè vɛ ə zhòmə̀ àlɛ ə mɔ̀ʼɔke nə ve ə nyi ètwɔ̂yn. Mə tè fe etyə̂ àlaŋ efoke zuʼsə ghɨ̀ ghɛ ə tè zhwite kûmə̀ nə ghənə tè ndàʼa eghɛ Fezhə̀zè fɨyn tyəm kə tsɛ̀ èsaʼ è təm ə ghənə̂ghè əkɨ̂m.