1 Kɔlìŋ 1:26 - Ŋwàʼlè ə̀ Fèzhə̀ Mkâyn Mə̂ Fèm

²⁶ Ghɛ zɛ ə m pîə ə ghɔnyì ghɨmə nyi nə, ghàyn kɛse kwaʼtè kə̂ ghàyn tè nyi tsɔ̀fə kə Zhə̀fè tɔŋə ghàyn. Ə ghàyn tè nayne ə ghàyn əfètəyn, mə ghàyn ə tə fe nə ghɨ ghɛ ə ghɨ msɔ̀ŋghe tè njîə sə ghɨ ə tɔfə tè tsɨə va, ghɛ ə tè fe nə ə̀ nyi əghɨ atyaʼa e tsɨ̂ə va, ghɛ ə tè fe nə ghe fɨ ətesas tə ndɛte tɛte e tsɨ̂ə va.

1 Kɔlìŋ 1:26 ပူးပေါင်းရင်းမြစ်များ

Tom èchùŋ kè kə Lûk tè nyaʼ 1:3

Mə fe nə ze tsɔ̀fə̀ ndò ə Pɛ̂ àpɨəyn èghaʼâ, kə mî mi pɔŋ nyaʼ tsayn ə̀ghɛ tə kə mbaŋə mbaŋə sê ghò kûmə̀ nə mə fɨ̀əytè kɔʼɔ ndu ghəynghe kè kə ghe tè zhə̀te se kyànə̂ kɔʼɔ pə̂.

Tom èchùŋ kè kə Lûk tè nyaʼ 10:21

Ə tè nyi kepî ashìŋə̀ nə kɛ, Zuʼ se Ŋwaʼase ə nə̀, Njisə̀s è saŋnə̂ nâʼà sə ŋaŋ ə ke tsə̀m nə, “Pɨ̀a vɨm, Pɛ̂pɛ vɛ ə ò saʼa wuləke è chia, m fo àzɔ̀ŋnè sê ghò kûmə̀ nə ò ndə̀tə̀ ghɛ ghɨyn sê ghɨ ghɛ ə ghənə kwâʼtə̀ nə ə tɔfə ndò ə tyə̀nə̀ sê ngou. Səmɔʼ ə Pɛ̂, ə̀ kɔ̀ŋ kê ghò se nə̀yn nyiə mə.”

Ətefɨ̂aʼ 13:12

Ə pə̀ kə tu apàs endaʼ kɛ fe ghɛ zɛ ə ze kyâyn, ə pomə sê Njisə̀s. È tè nyi èkaynze nâʼà sə ŋaŋ əte èzaʼlê zɛ Pànapàs yî Pɔ̂l tè zaʼlə kûmə̀ Pɛ̂pɛ Njisə̀s.

Ətefɨ̂aʼ 13:7

È tè nyi so ə̀ Senjus Polùs, ə wùə vɛ ə è tè saʼa pâs endaʼ nə kɛ ə ke tè nyi mə tsò ə kyìŋ ka. È tè nyi wùə tɔfə nâʼà àchûŋ. Senjus Polùs ə tɔŋɔ Pànapàs yî Sɔ̂l ə və shi kûmə̀ nə è tè nyîə kɔ̂ŋɔ̀ se zɨ eghɛ ə Fezhə̀zè.

Ətefɨ̂aʼ 17:34

Ghɨ yîghe ə ndùə paʼsə̂ sê Pɔ̂l ə pomə tom zɛ ə è tè tsâ. Ghɨ nə ghɨ̂yn tè nyi Ndyɔ̀nishùs, mə za nyi wùə əfètə̂ ànɔ̀yn esaʼke, è wùzhɔyn vîvè, zə vəynze e nyi Ndàmalis è ghɨə mɔ̀ʼɔghe.

Ŋwàʼlè ə̀ Pɔ̂l sê ghɨə Lûmghè 11:29

Zɨnə mə nyi nyî kûmə̀ nə ə Zhə̀fè chite wùə ə pɔsə̂ vəyn, fe vayn fɨnə kwiynê ətəm ə vəynghe.

1 Kɔlìŋ 1:20

Wùə ètɔfə se vâyn zə? Tyə̀ynsè èsaʼ vâyn? Nâʼà wùə vɛ ə è ke se wàmnè ə əghɛ ə mbi ghɨnə ghe nâʼà àchuŋ vàyn zə? Pîə Zhə̀fè ə nə̀yn tɔf eghaʼâ ə ghɨ mbi zɛ ze kɛse sè nyi ke ango ə?

1 Kɔlìŋ 2:13

E za nyi nə ghàs nə piə zaʼlə ndò, ghàs e zaʼlə̂ va ghɛ etɔf eghaʼazè mə ze ndo sê ghɨ, pîza zaʼlə̂ ètɔf eghaʼâzè mə ze ndo sê Zuʼse. Ghàs tsà paynsə̂ səmɔʼ ghɛ kûmə̀ Sèzuʼ se ghɨ ghɛ ə ghənə kyi Zuʼ sə təynse.

1 Kɔlìŋ 2:8

Nâʼà wùə e saʼa emɔ̀ʼ fa mbi tè keva tɔf eghaʼâ nə zɨ̂nə̀. Ə tè nyi nə ghənə ke, mə ghənə tè paʼà paynte Pɛ̂pɛ vɛ ə è kyi pomsê ə Fezhə̀zè.

Filìpây 4:22

Ghɨə pomə əmɔ̀ʼɔ ghɛ ə ghe nyi fâyn pi nə m pɔŋ tɔŋte sê ghàyn nâʼà àchûŋ, è sas ə ndɛ Kaysàzè.

Njə̂m 2:5

Ghàyn zɨte ə ghɔnyì ghɨm ghe chûŋə̀! Piə ghàyn ke ndô nə Zhə̀fè ə tə chɔʼ ghɨ ghɛ ə ghɨ ə mbighe njîə nə nyi əghɨ afɨfə, ə nə̀ nə ghənə ə kyi èkyî èpomə̂ eghaʼâzè, ə ghənə kyi luʼ efɔ̀yn vɛ ə Zhə̀fè tè tsɨ̀nè sê ghɨ ghɛ ə ghe kɔ̂ŋə̀ vəyn.

2 Njɔyn 1:1

Ə̀ nyàʼà mi chəʼ ə ndɛ ə̀ Fèzhə̀, sê wùzhɔyn vɛ Zhə̀fè chɔʼ yî ghɔ vəyn ghe. M kɔ̂ŋə̀ ghàyn è təm ghɨm ghe əkɨ̂m, ə̀ kɔ̂ŋɔ̀ kə va mi ghàyn, pîza ghɨ əkɨ̂m ghɛ ə ghe ke ghɛ zɛ ə ze nyi səmɔʼ kɔ̂ŋɔ̀ kəpi ndò ghàyn.