1 Kɔlìŋ 1:21 - Ŋwàʼlè ə̀ Fèzhə̀ Mkâyn Mə̂ Fèm

²¹ Kûmə̀ nyiə mə, Zhə̀fè tɔynə̂ ə vəyn etɔf eghaʼâzè ə nə̀yn nə wùə vayn ndə̀ʼə kê vəyn tɔynə̂ ə vəyn etɔf eghaʼâ ə ngɨŋze. Zhə̀fè tè nyîə pɨlə saŋnə̂ tɔynə̂ əfètə̂ ‘àngo’ kɛ ə tè ndàʼa, è və sɔ̀zâ ə̀ghɨ ghɛ ə tè pomə.

1 Kɔlìŋ 1:21 ပူးပေါင်းရင်းမြစ်များ

Matyò 11:25

Fumə ashìŋə̀ Njisə̀s ə pìə nə, “Pɨ̀a vɨ̂m, Pɛ̀ àwulə è chike, m fo àzɔ̀ŋnè sê ghò kûmə̀ kə ò ndə̀tə̀ ghɛ ghɨ̀yn sê ghɨ ghɛ ə ghənə kwâʼtə̀ nə ghe tɔfə ndò ə tyə̀nə̀ ə̀ghɛ ətəynghe sê mɨ̀ətə̀ mê tətə̂m.

Tom èchùŋ kè kə Lûk tè nyaʼ 10:21

Ə tè nyi kepî ashìŋə̀ nə kɛ, Zuʼ se Ŋwaʼase ə nə̀, Njisə̀s è saŋnə̂ nâʼà sə ŋaŋ ə ke tsə̀m nə, “Pɨ̀a vɨm, Pɛ̂pɛ vɛ ə ò saʼa wuləke è chia, m fo àzɔ̀ŋnè sê ghò kûmə̀ nə ò ndə̀tə̀ ghɛ ghɨyn sê ghɨ ghɛ ə ghənə kwâʼtə̀ nə ə tɔfə ndò ə tyə̀nə̀ sê ngou. Səmɔʼ ə Pɛ̂, ə̀ kɔ̀ŋ kê ghò se nə̀yn nyiə mə.”

Tom èchùŋ kè kə Lûk tè nyaʼ 12:32

Kə ghàyn ə fânə̀, nâʼàpî kə nɔ̂nə̀ faynfe tətə, kûmə̀ nə Pɨ̀a vâynvè ə kɔ̀ŋ se fo eluʼ əfètə̂ èfɔ̀yn ə vəynve sê ghàyn.

Njɔyn 12:31

Shîŋə̀ kə pə̀yn kə Zhə̀fè saʼ mbi zɨ̀nə̀, ə tyaʼa fɔ̀yn vɛ ə è saʼa mbi zɨnə pfɨ.

Ŋwàʼlè ə̀ Pɔ̂l sê ghɨə Lûmghè 1:28

Se kwəynsê, kûmə̀ nə ghənə ə tə se pomə Fezhə̀, Zhə̀fè ə njì tsɨsè kwaʼtè ə Vəyn se ghənə, nə ghənə ndu èshike ə ghənə ə tekwàʼtè tepite, sə nə̂ ə̀ghɛ mə ghənə fe kiva sə̂ nə̂.

Ŋwàʼlè ə̀ Pɔ̂l sê ghɨə Lûmghè 11:33

Ghàyn fe kə Zhə̀fè kyi ghaʼze ə! Ghàyn fe kə è ke ghɛghe əkɨ̂m, kyi ètɔf eghaʼâzè ə. Wùə vîvè vayn kàʼa è ke kə Zhə̀fè nə̀ ghɛghe. Wùə vîvè vayn kàʼa è ke ndom vɛ ə Zhə̀fè nə̀ ghɛghe ətəyn.

1 Kɔlìŋ 1:18

Ghâsènì ə ke nə tom èkwu ə̀ Klâys awâmnè nyi kə eghɛ angôze sê ghɨ ghɛ ə ghe njisə̀ ndûə, pîza se ghâsènì ghɛ ə Klâys tè sɔ̀zâ, ze tyə̂nə̀ àtyaʼ ə Fezhə̀kè.

1 Kɔlìŋ 1:23

pîza ghàs e pɨlə ndaʼà kə nə ə tè payntê Klâys, ə tom mə ghɨə Njûsghè kɔ̀ŋə̀ va, è ze va nâʼà eghɛ zhîze sê ghɨ ghɛ ə ghənə va əghɨ ə Njûsghè.

1 Kɔlìŋ 1:24

Pîza sê ghɨ ghɛ ə Zhə̀fè tɔŋə, kɨ̀sə ə̀ nyi əghɨə Njûsə̀, kɨ̀sə ə̀ va əghɨ ə Njûsə̀, ghənə ke nə Zhə̀fè tyə̀nə̀ àtyaʼ ə vəynke è tɔf eghaʼâ ə vəynze tɔynə̂ ə Klâys.

1 Kɔlìŋ 1:25

Kûmə̀ nə ghɛ ə Fezhə̀ zɛ ə ze nyi kə ango nyîə kyi ètɔf eghaʼâzè tsɨ̂ə tsɛ̂ ètɔf eghaʼâ ə wûə m̀sɔ̀ŋze, mə ghɛ zɛ ə ze kyaʼà kə ze kyi va tyaʼa se Zhə̀fè nyîə kyi àtyaʼ tsɛ̂ àtyaʼ ə wûə m̀sɔ̀ŋke.

1 Kɔlìŋ 1:27

Pîza Zhə̀fè ə chɔʼ ghɛ ghɛ ghɨ mbiə fe nə ə̀ nyi ango se nə̀yn nə ghɨ tɔfə ghomə, ə fɨnə chɔʼɔ ə̀ghɛ ghɛ əghɨ ə mbi ghɨnəghe njîə nə ghe va eghɛ se nə̀yn nə ghɨ atyaʼa ghomə.

1 Kɔlìŋ 11:32

Pîza Pɛ̂pɛ saʼa è və pɔynsə̂ ghâsènì kə shîŋə̀kè tə pəyn ə è tàʼa tsɨ̀yntə pofsə ghâsènì paʼsə̂ kə è mbi.

1 Kɔlìŋ 2:14

Nâʼàpî ndè vɛ ə è kyi va Zuʼse vayn fi èfɨa vɛ ə Zuʼse fo kûmə̀ nə fɨa ətəynve nyi engô se vəyn. È vayn kàʼa è zɨ kê kûmə̀ nə ə̀ kàʼa ə nəyn ke Sèzuʼ nə è zɨ kê.

1 Kɔlìŋ 4:10

Ghàs nyi ekɔyn kûmə̀ Klâys, pîza ghàyn e nyi əghɨ tɔfə əghɛ Klâysə̀! Ghàs nyîə zɔlə̂ pîza ghàyn e tɛ! Ghɨ kɔʼsə̂ ghàyn pîza njîə va ghàs sə eghɛ!

1 Kɔlìŋ 6:2

Pîə e za nyi nə ghàyn keva nə ə̀ tə saʼa əghɨ Fezhə̀ mbi mə? Ə za se nyi mə ə̀ tə saʼa ghàyn mbi, ə ghàyn nə fɨmə zàyn se saʼa m saʼtə̀ me pɔ mə?

Ngàleshyà 1:15

Pîza, Zhə̀fè tɔynə̂ ə və afùʼ, ə chɔʼɔ mi tsɔ̀fə kə piə mi, ə tɔŋɔ mi sə wûə èfɨ̀aʼa ə̀ vəyn. Kə è chɔʼne

Ngàleshyà 4:8

Ə̀ tè nyi sə shi kə ghàyn tè pa nyi ndɔʼɔ ke Zhə̀fè, ghàyn e nyi èkɔ̂s sê fɨave, mə ve va pî m̀zhə̀.

Ɛfesùs 1:9

Zhə̀fè ə nə̀yn nə ghâsènì ke ghɛghe mə Fe ə tè pɨaʼte, ə̀ ke ke Fəynfe. Fe tè nəyn nyi kûmə̀ nə Fe ke kə ə̀ghɛ ə̀kɨ̂m. È tè pɨaʼte əghɛ nə ghɨynə nə ghe kyayn tɔynə̂ ə Klâys, mə ə̀ kɔ̀ŋ ke vəyn nə ze ə nyi endom nə vɨ̂yn.

Ɛfesùs 3:10

ə fe nəyn ə zuʼse è twɔʼ vɛ ə ve tàyntə̀ tsɛ̂ ekwùtwəyn nə ke ètɔf eghaʼâ ə Fezhə̀ zɛ ə fe tyə̀nə̀ kə ə tendom ə tendom tɔynə̂ endəmə̂ ə ndɛ ə̀ Fezhə̀zè,

Kòlosè 1:19

E nyi nyî kûmə̀ nə Zhə̀fè ə tə kɔ̀ŋ Vəyn ə ndə̀mə̀ Vəyn nə È və nyi èghɨ kə̂ Vəyn nâʼàpi ə ghe.

Ipilù 1:14

E za tyə̀nə̀ nə, tsìsè nyi kə sezuʼ kə se fɨaʼà sê Zhə̀fè, tsâmtə̀ ə̀ghɨ ghɛ ə Zhə̀fè nyì se sɔzà.

Ipilù 2:3

E za tyə̀nə̀ nə, kə ghâsènì se nyi mə zɨə ghɛze kûmə̀ èsɔza ekayntə zɛ ə Zhə̀fè fo, ə ghâsènì tàʼa zɨ, ə ghâsènì tə tàʼa tə fɨ ə ngəʼ zɛ ə Zhə̀fè nyi se tə fo. Tom nə zɨ̂yn nyi mə ə̀ tè ndàʼa ke nâʼà Pɛ̂pɛ sə shi, ghɨ ghɛ ə ghe tè zɨ, ə tə tyə̀yn paynsê sê ghàs nə ze nyi ke nâʼà səmɔʼ.

Ipilù 7:25

Ə̀ za nyi eghɛ zɛ ə è nyi pî ashìŋə̀ àkè mə è kàʼa è sɔza ə̀ghɨ ghɛ ə ghe pə̀ sê Zhə̀fè mə ə tɔyne tsɛ̂ ə və gho kûmə̀ nə è nyîə ndamə faŋə, chyatə̂ Fèzhə̀ ə ghənə elùʼ.

Njə̂m 4:4

Ghàyn ghɨ ghɨ̀nə̀ ə nyi mə ə zà Zhə̀fè nyi! Ghàyn ke va nə ə ghàyn nyi sesoyn sê mbi, ə ghàyn ə nyi sèpàyn se Zhə̀fè ə? m pîə kwəynsə̂ nə ə ghàyn kyiŋə sə̂ nyi èsoynve sê mbi, ə ghàyn nəyn ngɨŋ saynse sə̂ nyi sèpàyn se Zhə̀fè.

Njə̂m 5:15

Ə ghənə piə ə tsə̂mə̀ ndò ə kyîə èkyî pomə̂zè nə Pɛ̂pɛ nə̀ tsuʼə wùə ə̀təyn, ə Pɛ̂pɛ tsuʼ vəyn ə e ndwise vəyn ekwì ezafəve, ə̀ nyi pî mə è tè nəyn pi, ə lɛse fo vəyn.

Njə̂m 5:20

è və kê nə ə naʼapi ndè nə̀yn nə wùə èpi kɛse ə è və fɨnə zɨtə̂ səmɔʼ, ə è sɔse vəyn se kwuze ə è nəyn nə Zhə̀fè lɛse fo sèpi sə vəyn sɛ ə è nyi mə è və nə̀yn.