1 Kɔlìŋ 1:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ Wùə ètɔfə se vâyn zə? Tyə̀ynsè èsaʼ vâyn? Nâʼà wùə vɛ ə è ke se wàmnè ə əghɛ ə mbi ghɨnə ghe nâʼà àchuŋ vàyn zə? Pîə Zhə̀fè ə nə̀yn tɔf eghaʼâ ə ghɨ mbi zɛ ze kɛse sè nyi ke ango ə?

1 Kɔlìŋ 1:20 ပူးပေါင်းရင်းမြစ်များ

Matyò 13:22

Ngwàʼ zɛ ə è tè tàynte əfètə̂m m̀sòlèndzɔŋ nyi kə wùə vɛ è zɨə ghɛ ə Fezhə̀zè, ghɛ mbiə è kɔŋè kûmə̀ èghaʼ ə mbize ə lwiynsə̂ ə̀təm ə vəynghe. Zɨnə mə ə nə̀ vəyn è vayn kaʼa è kwiyne ə və sepi.

Njɔyn 12:31

Shîŋə̀ kə pə̀yn kə Zhə̀fè saʼ mbi zɨ̀nə̀, ə tyaʼa fɔ̀yn vɛ ə è saʼa mbi zɨnə pfɨ.

Ətefɨ̂aʼ 17:18

Nɔ̂yn əghɨ̀ ə Epikulùskè è Sètoyìkè ə zhə̀tə̀ se saʼnê əghɛ yî ghə̀ Pɔ̂l. Yîghe e pfɨfə nə, “Wùə vɨ̀nə mɔ̀msə̀ se pì nə ghe, keva nâʼà èghɛ zhî zə?” Yîghe ə pə̀ynsə̀ nə, “È mɔ̀msə̀ sə̂ wàmnə̀ eghɛ kûmə̀ m̀zhə̀ mə ghɨatumə̀m.” Ghənə tè wàmnə̀ nyî kûmə̀ nə Pɔ̂l tè ndàʼa tom èchùŋ kûmə̀ Njisə̀s è kɨsè zômə̀ ə Vəynze.

Ŋwàʼlè ə̀ Pɔ̂l sê ghɨə Lûmghè 1:20

Ə zhə̀te kə Zhə̀fè tè pom mbi, fɨa vɛ ə è tè pom, ve tyə̂nə̀ ndò se ghɨə nâʼà àchûŋ nə, fɨa ə Fezhə̀ vɛ ə ghɨə nyi ndɔ̀ʼɔ fe, nə ve nyi ndô səmɔʼ. E chwîtə̀ kəpî nə tyaʼa vəynke nyîə tsɨ̂ə tsɛ̂ ə̀ghɛ ə̀kɨ̂m mə ke vayn tə mì. Zɨnə mə chwîtə̀ nə ghənə kiva ghɛ zhîze se pì kə kaʼa lɛse fo ghənə

Ŋwàʼlè ə̀ Pɔ̂l sê ghɨə Lûmghè 1:22

Ghənə kwâʼtə̀ kə nə ə tɔfə ndò pîza nyi engô.

1 Kɔlìŋ 1:19

Ze nyi ke èghɨ kə̂ ə nyaʼ ə ŋwàʼlè ə̀ Fezhə̀ nə: “M nə̀ pofsə̂ ètɔf eghaʼâ zɛ əghɨ ə tɔfəghe kyi, m nə̀ nə̂ ə ŋwàʼlè əghɨ̀ ə ŋwàʼlèghè ə va nâʼà eghɛ zhize.”

1 Kɔlìŋ 1:26

Ghɛ zɛ ə m pîə ə ghɔnyì ghɨmə nyi nə, ghàyn kɛse kwaʼtè kə̂ ghàyn tè nyi tsɔ̀fə kə Zhə̀fè tɔŋə ghàyn. Ə ghàyn tè nayne ə ghàyn əfètəyn, mə ghàyn ə tə fe nə ghɨ ghɛ ə ghɨ msɔ̀ŋghe tè njîə sə ghɨ ə tɔfə tè tsɨə va, ghɛ ə tè fe nə ə̀ nyi əghɨ atyaʼa e tsɨ̂ə va, ghɛ ə tè fe nə ghe fɨ ətesas tə ndɛte tɛte e tsɨ̂ə va.

1 Kɔlìŋ 1:27

Pîza Zhə̀fè ə chɔʼ ghɛ ghɛ ghɨ mbiə fe nə ə̀ nyi ango se nə̀yn nə ghɨ tɔfə ghomə, ə fɨnə chɔʼɔ ə̀ghɛ ghɛ əghɨ ə mbi ghɨnəghe njîə nə ghe va eghɛ se nə̀yn nə ghɨ atyaʼa ghomə.

1 Kɔlìŋ 1:28

Zhə̀fè ə chɔʼ ghɛ ghɛ ə ghɨ mbi ghɨnə ghe njîə nə ghe va eghɛ, kyi va shîŋə̀kè ətəyn, kə ghɛ zɛ ə ghɨ ə mbi ghɨnə njìə nə ze kyi m̀kɔʼnè, ə zə va èghɛ zhize,

1 Kɔlìŋ 11:32

Pîza Pɛ̂pɛ saʼa è və pɔynsə̂ ghâsènì kə shîŋə̀kè tə pəyn ə è tàʼa tsɨ̀yntə pofsə ghâsènì paʼsə̂ kə è mbi.

1 Kɔlìŋ 2:6

Pî kə ze nyi nyiə mə, ghàs ndàʼà tomə̀ ètɔf eghaʼâzè sê ghɨ ghɛ ə ghənə nyi mə ghəʼnê ə ghənə epomə̂, pîza ə̀ vachi ètɔf eghaʼâ ə mbi zɨnə ze kɨ̀se etɔf engaŋtə əghɨ̀ ghɛ ə ghe saʼa mbi zɨ̀nə̀, ə ghɨ mə tyaʼa ghənə̂kè sè mîə ndò.

1 Kɔlìŋ 2:8

Nâʼà wùə e saʼa emɔ̀ʼ fa mbi tè keva tɔf eghaʼâ nə zɨ̂nə̀. Ə tè nyi nə ghənə ke, mə ghənə tè paʼà paynte Pɛ̂pɛ vɛ ə è kyi pomsê ə Fezhə̀zè.

1 Kɔlìŋ 3:18

Kə wùə tə lesê ngɨŋə̂ vəyn. Ə wùə nyi ə ghàyn əfètəyn kwaʼtə̀ nə zhi nə tɔfə endom vɛ ghɨ mbiə fâ njîə ətəyn, ə è pɨl kə̂mnè sə ango kə̂ è kyi kàyntè ètɔf.

1 Kɔlìŋ 3:19

È kyi se nə̀yn nyî kûmə̀ nə tɔf zɛ ə ghɨ mbiə ghɨnə kyi nyi ango sê Zhə̀fè, kè kə nyi mə ə nyàʼ ə ŋwàʼlè ə̀ Fèzhə̀ nə, “Zhə̀fè njìə ètɔf eghaʼâ ə ghɨ̀ ə tɔfəghe kè se ko ghənə ətəyn.”

1 Kɔlìŋ 6:2

Pîə e za nyi nə ghàyn keva nə ə̀ tə saʼa əghɨ Fezhə̀ mbi mə? Ə za se nyi mə ə̀ tə saʼa ghàyn mbi, ə ghàyn nə fɨmə zàyn se saʼa m saʼtə̀ me pɔ mə?

Njə̂m 4:4

Ghàyn ghɨ ghɨ̀nə̀ ə nyi mə ə zà Zhə̀fè nyi! Ghàyn ke va nə ə ghàyn nyi sesoyn sê mbi, ə ghàyn ə nyi sèpàyn se Zhə̀fè ə? m pîə kwəynsə̂ nə ə ghàyn kyiŋə sə̂ nyi èsoynve sê mbi, ə ghàyn nəyn ngɨŋ saynse sə̂ nyi sèpàyn se Zhə̀fè.