1 Kɔlìŋ 1:18 - Ŋwàʼlè ə̀ Fèzhə̀ Mkâyn Mə̂ Fèm

¹⁸ Ghâsènì ə ke nə tom èkwu ə̀ Klâys awâmnè nyi kə eghɛ angôze sê ghɨ ghɛ ə ghe njisə̀ ndûə, pîza se ghâsènì ghɛ ə Klâys tè sɔ̀zâ, ze tyə̂nə̀ àtyaʼ ə Fezhə̀kè.

1 Kɔlìŋ 1:18 ပူးပေါင်းရင်းမြစ်များ

Ətefɨ̂aʼ 13:41

Fekə ‹Ghàyn ghɨnə, ə ghàyn wàmnə̀ va achûŋ kûmə̀ Fèzhə̀! Ghàyn tə pə̂ ə nyi èkaynze, ə ghàyn kwu, kûmə̀ nə ghɛ zɛ m nə̀ nə̂ fa mtuʼ, ə nyi eghɛ mə ghàyn tə pomə̂ va ə wùə tsàyn paynse pî se ghàyn.›”

Ətefɨ̂aʼ 17:18

Nɔ̂yn əghɨ̀ ə Epikulùskè è Sètoyìkè ə zhə̀tə̀ se saʼnê əghɛ yî ghə̀ Pɔ̂l. Yîghe e pfɨfə nə, “Wùə vɨ̀nə mɔ̀msə̀ se pì nə ghe, keva nâʼà èghɛ zhî zə?” Yîghe ə pə̀ynsə̀ nə, “È mɔ̀msə̀ sə̂ wàmnə̀ eghɛ kûmə̀ m̀zhə̀ mə ghɨatumə̀m.” Ghənə tè wàmnə̀ nyî kûmə̀ nə Pɔ̂l tè ndàʼa tom èchùŋ kûmə̀ Njisə̀s è kɨsè zômə̀ ə Vəynze.

Ətefɨ̂aʼ 17:32

Ə tè nyi kə ghənə zɨ kə Pɔ̂l wàmnè ghɛze kûmə̀ èzômə̀, ghɨə mɔ̀ʼɔghe e sè chaʼa vəyn, pîza yîghe e pîə nə ghənə kɔ̀ŋɔ̀ ndò se zɨə kwəynsê ekyì ewàmnè nə zɛ mə.

Ətefɨ̂aʼ 2:47

Ghənə e fɨnə kɔʼsə̂ Fèzhə̀, ghɨghe əkɨ̂m e kyi ə̀təm əchûŋə̀ sê ghənə. Pɛ̂pɛ e kwəynsə̂ ə̀ghɨ ghɛ ə È sɔ̀zâ ə ghənə anɔ̀yn tuʼmè m̀kɨ̂m.

Ŋwàʼlè ə̀ Pɔ̂l sê ghɨə Lûmghè 1:16

M ghomə̂ va se ndàʼa tom èchùŋ kûmə̀ nə è nyi atyaʼ ə Fezhə̀ kɛ ə ke nyi mə kə pə̀yn èsɔzaze sê ghɨ ghɛ ə ghe pomə sê vəyn, se zhə̀tə pə̀yn se ghɨə Njûsə̀ se nduə fɨ sê ghɨ ghɛ ə̀ va əghɨ ə Njûsghè.

1 Kɔlìŋ 1:21

Kûmə̀ nyiə mə, Zhə̀fè tɔynə̂ ə vəyn etɔf eghaʼâzè ə nə̀yn nə wùə vayn ndə̀ʼə kê vəyn tɔynə̂ ə vəyn etɔf eghaʼâ ə ngɨŋze. Zhə̀fè tè nyîə pɨlə saŋnə̂ tɔynə̂ əfètə̂ ‘àngo’ kɛ ə tè ndàʼa, è və sɔ̀zâ ə̀ghɨ ghɛ ə tè pomə.

1 Kɔlìŋ 15:2

Ə̀ nyi tom èchùŋ nə zɨ̂nə̀ m ndaʼà sê ghàyn. Ə̀ sɔ̀zâ tom èchùŋ nə zɨnə̀ ghàyn ezhoghɛ ə ghàyn fɛte tyəm kə təyn, ə puzâ ə zə nyi nə pomə̂ zaynze tè nyì ke sə ndô.

1 Kɔlìŋ 2:14

Nâʼàpî ndè vɛ ə è kyi va Zuʼse vayn fi èfɨa vɛ ə Zuʼse fo kûmə̀ nə fɨa ətəynve nyi engô se vəyn. È vayn kàʼa è zɨ kê kûmə̀ nə ə̀ kàʼa ə nəyn ke Sèzuʼ nə è zɨ kê.

1 Kɔlìŋ 2:2

Kûmə̀ nə m tè nyi mə mə ndə̀m nə m nə keva ghɛ zhîze kə m tè nyi ə ghàyn əfètəyn, ə̀ tsɛ̂ kə va sə̂ wâmnə̀ kûmə̀ Njisə̀s Klâys, nâʼà èkwu ə vəynze awâmnè.

1 Kɔlìŋ 3:19

È kyi se nə̀yn nyî kûmə̀ nə tɔf zɛ ə ghɨ mbiə ghɨnə kyi nyi ango sê Zhə̀fè, kè kə nyi mə ə nyàʼ ə ŋwàʼlè ə̀ Fèzhə̀ nə, “Zhə̀fè njìə ètɔf eghaʼâ ə ghɨ̀ ə tɔfəghe kè se ko ghənə ətəyn.”

1 Kɔlìŋ 4:10

Ghàs nyi ekɔyn kûmə̀ Klâys, pîza ghàyn e nyi əghɨ tɔfə əghɛ Klâysə̀! Ghàs nyîə zɔlə̂ pîza ghàyn e tɛ! Ghɨ kɔʼsə̂ ghàyn pîza njîə va ghàs sə eghɛ!

2 Kolìŋ 10:4

Fɨa eghɔ̀ŋ vasve nyi mə ə̀ paʼà fɛtê wùə. Pîza ə̀ nyi efɨa eghɔ̀ŋ ə Fezhə̀ vɛ ə è fo nə ghâsènì fɨ̂aʼ ətəyn se pofsê ə te luʼtə atyaʼte.

2 Kolìŋ 4:3

Ə tom zɛ ə ghàs ndàʼà nyi mə ə ndə̀tè, ə nyi mə ə ndəte ke sê ghɨ ghɛ ə ghənə njisə̀ ndûə.

1 Tèsàlonikà 1:5

kûmə̀ nə ghàs tè zaʼlə va tom èchùŋ sê ghàyn kè etùə ècho, ghàs ə tə ndàʼà kepî è tyaʼa, è Zuʼse Ŋwaʼase, è pomə̂ etɛze nə ze nyi səmɔʼ. Ghàyn ke ndô kə ghàs tè ndamə ə ghàyn ə fètəyn. Ndam nə zɨ̂nə̀ tè nyi se tsàmtə ghàyn.

2 Tèsàlonikà 2:10

È tə fɨaʼà nâʼàpî endom epi èkwə̀ se lesê əghɨ ghɛ ə ghe njisə̀ ndûə. Ghənə tə njisə̀ kûmə̀ nə ghənə ə tə tə se kɔ̀ŋə səmɔʼ, kə è sɔza ghənə.

Ipilù 12:2

Ə ghâsènì ə naynə̂ ndûə kə sê Njisə̀s. Ə̀ nyi vəyn vɛ ə è pùʼ ndom ekyî epomə̂ ə ghasènìze, ə fɨyn nyi ke vəyn ə è chisə pomə ətəynze se ndùə tânə̀ əkwùŋse. È və tə pomə̂ se kwu awâmnè ə tàʼa njì eghomə zɛ ə ze tè nyi e kyì ekwu nə zɨ̂nə̀ sə eghɛ kûmə̀ nə è tè nyiə ke nə ə̀ tə nyi epàm ətəyn, ə è və saŋnə̂. È nyi zôyn, tsɨs ekɔyn e twɔ ə fekyə̀ efɔ̀yn ə Fezhə̀vè.

Ipilù 4:12

Ghɛ zɛ ə Zhə̀fè pì nyi kə ze nyîə ndamə, kyi àtyaʼ, tɔfə tsɛ̂ efɛ̂ eghɔ̀ŋ zɛ ə ze tɔfə pɨ̂asvè èpɨ̀a. E nyîə se njiə ndûə nâʼà ə fètəyn, se nduə tàyn elùʼ vɛ ə təmə yî zuʼse kə̂mnə̀ fɨnə ndûə tânə̀ elùʼ vɛ ə fɔmze yî zhûŋəke pə̂ kə̂mnə̀. Ze ke ndô ghɛ ghɛ ə ghɨ kwâʼtə̀, è ghɛ ə ghənə kyiŋə.