1 Kɔlìŋ 1:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Ə̀ za nyi nə ə chyate ndô Klâys mə? Ə̀ nyi Pɔ̂l kə è tè kwu awâmnè mə? Ə tè fo mmo sê ghàyn nə ghàyn ə nyi sèchùmtè èpàm sɨmse mə?

1 Kɔlìŋ 1:13 ပူးပေါင်းရင်းမြစ်များ

Matyò 28:19

Ghàyn ndu zôyn sê ndaʼà tekɨ̂m nâʼàpî ghayn ə nəyn nə ghɨghe ə nyi sèchùmtè èpàm sɨmse. Ghàyn fo môm se ghənə ezə ə pɨ̀aze, è zə vaynze è zə ə Sezuʼse Ŋwaʼase.

Matyò 3:6

Ə pə̀ kə ghənə tsɛ̂ fɨ̀aʼtè tə ghənə̂tè, è və fo m̀mo sê ghənə ə tsô Njondàyn.

Ətefɨ̂aʼ 10:48

È və wàmnə̀ za ə ke pì nə ə fo môm sê ghənə ezə Njisə̀s Klâyszè. Ghənə ə pìə sê Pità nə è ndamte yîghə̀ ghənə sə mtuʼlə̂.

Ətefɨ̂aʼ 19:5

Ə pə̀ kə ghənə zɨ zɨnə mə, ə fo m̀mo sê ghənə ezə ə Pɛ̂pɛ Njisə̀szè.

Ətefɨ̂aʼ 2:38

Pità ə pə̀ynsə̀ sê ghənə nə, “Nâʼà ghàyn ə̀kɨ̂m kwiyne təm ghaynghe ə ghɛ ə pi, ə ghàyn fi môm se tyə̀yn nə ghàyn ə pomə sê Njisə̀s Klâys kə Zhə̀fè lɛse fo ə̀ghɛ ə pi ghaynghe, ə È fo ghàyn è fo ə Vəynze, mə za nyi se Zuʼse Ŋwaʼase.

Ətefɨ̂aʼ 8:16

Zuʼse Ŋwaʼase tè pa nyi ndɔ̀ʼɔ se nyiəm pəyn sê ghənə; ə̀ tè nyi mə ghənə fi kə m̀mo ə Pɛ̂pɛ Njisə̀s ezə.

Ŋwàʼlè ə̀ Pɔ̂l sê ghɨə Lûmghè 14:9

Ghɛ zɛ ə ze tè nəyn kə Klâys kwu, ə è zomə, ə è və nyi ètwɔ, nyi kə è və nyi Pɛ̂pɛ se ghɨ ghɛ ə nyi mə ə kwu è ghɛ ə ghe nyi etwɔ.

1 Kɔlìŋ 1:15

E za tyə̂nə̀ nə wùə sê ghàyn vayn kàʼa è pi nə ə fo mmo sê zhi nə zhi ə nyi chùmtè èpàm zɨ̂mè.

1 Kɔlìŋ 10:2

Shîŋə̀ kɛ ə ghənə tè nyì fumə əfètə̂ sèmbàʼ è kɨsè ə enjwì ə fengwaŋve, ə tə fo môm se ghənə kə se chùmtè èpàm sə Mosîsè.

2 Kolìŋ 11:4

M pîə zɨnə̀ kûmə̀ nə mə fe nə tyə̀ynsè sə akaŋse nə̀ pə̂ zaʼlə̂ ghàyn kûmə̀ Njisə̀s ə̀ ndò, ə̀ va chi vɛ ə ghàs tè zaʼle ghàyn kûmə̀ vəyn, ə ghàyn za ke ndò. Wùə nə̀ pə̂, ə ghàyn fi ke ndò zuʼse sê vəyn, ə̀ va chi Sèzuʼ se Ŋwaʼa sɛ ə ghàs tè fo sê ghàyn, ə fɨyn pomə̂ ke ndò tom zɛ ə è ndâʼà, ə̀ vachi tom è chùŋ zɛ ə ghàs tè ndàʼa sê ghàyn.

Ngàleshyà 1:7

Se pì səmɔʼ, ‘tom èchùŋ zhîzè kɛse va,’ pîza m pîə zɨnə̀ kûmə̀ nə ghɨ yîghe nyiə nyi ə ghe mômsə̀ se sàʼtè atu kaynke se kwiynê ə tom ə̀ Klâys ə ghàyn ətəm.

Ɛfesùs 4:5

Ghâsènì kyi ke Pɛ̂pɛ emɔ̀ʼ, kyî epomə̂zè emɔ̀ʼ, fiə m̀mo kè atu eghɛ èmɔ̀ʼ.

Taytùs 2:14

È və tə fo ngɨŋ ə vəyn se sɔ̀sè ghâsènì ə sepi sekɨ̂m, se fɨnə nə̀yn nə ghâsènì zo kwəyne sə̂ nyi ə̀ghɨ vəyn ghə ngɨŋghe, mə ə fo ngɨŋ sə ghənə̂sè sə̂ nə̂ èfɨaʼ echûŋzè.