1 Kɔlìŋ 1:12 - Ŋwàʼlè ə̀ Fèzhə̀ Mkâyn Mə̂ Fèm

¹² Ghɛ zɛ ə m pîə nyi nə nâʼàpî ndè ə ghàyn ə fètəyn wâmnə̀ kə sə nɨŋ. Ghɨ yîghe pìə nə, ghənə nyi əghɨ ə Pɔ̂lghè; yîghe pîə nə, ghənə nyi əghɨ ə Àpolòsghè; ghəmɔ̀ʼghe e pìə nə, ghənə nyi əghɨ ə Sefàsghè, yîghe pîə nə, ghənə nyi əghɨ ə Klâysə̀.

1 Kɔlìŋ 1:12 ပူးပေါင်းရင်းမြစ်များ

Matyò 23:8

Pîza kə ghàyn za nə ə tɔŋtə̂ ghàyn nə, ‘Setyə̀ynsè’ kûmə̀ nə ghàyn kyi ke tyə̀ynsè èmɔ̀ʼ, mə ghàyn əkɨ̂m nyi əghɔnyì ə Və.

Njɔyn 1:42

Andɨ̀lò ə ke njìə ndùə è Shimùyn sê Njisə̀s. Njisə̀s ə naynə̂ vəyn ə pìə nə, “Zə zɛze nyi Shimùyn, ə va Njɔyn, pîza ə nə̀ nə̂ ə tɔŋtə̂ ghò zôyn nə Sefàs.” (Sefàs è Pità nyì ke è zə èmɔ̀ʼ, ze tyə̂nə̀ nə, anayn.)

Ətefɨ̂aʼ 18:24

Ə̀ tè nyì fumə ashìŋə̀, wùə ə Njûs vîvè e tɔŋtə̂ nə Àpolòs mə ə tè piə vəyn endaʼ ə Àlèksandilyà, ə pə̀ ə Ɛfesùs. È tè nyi wùə ke se fɛtə wàmnè, kyi kepî ètɔf ə ŋwàʼlè ə̀ Fèzhə̀zè nâʼà àchûŋ.

Ətefɨ̂aʼ 19:1

Ə̀ tè nyi kə Àpolòs nyi endaʼ ə Kolìnzè, Pɔ̂l ə kwìə tɔynə̂ apàs endaʼ nə kɛ ə ndùə ə Ɛfesùs, ə fe ə̀ ghɨə pomə əmɔ̀ʼɔ̂ fumə,

1 Kɔlìŋ 1:11

M pîə nyî ə ghɔnyì ghɨmə kûmə̀ kə̂ ghɨ ndɛ Kɨ̀lowè tsàyn sê mi nə zɔ̂zè nyi ə ghàyn əfètəyn.

1 Kɔlìŋ 15:5

È və tə fɨ ə Pità ekyàʼ, ə fɨə ghɨətom ghə shi njòse pɛ̀.

1 Kɔlìŋ 15:50

Ghɛ zɛ m pîə ə ghɔnyì ghɨmə nyi nə, ə fɨa kɛ ə ke fîə ə kiva ghɛze se nə̀yn yî kɛ ə ke fîə va.

1 Kɔlìŋ 16:12

Sê ànyìə ghâsènì Àpolòs, mə chatê vəyn nâʼà sə ŋaŋ kə teshìŋə̀ teshìŋə̀ nə, yî ghɔnyiə mɔʼɔ pəyn môtè ghàyn pîza è nyîəmə̀ kɔ̂ŋɔ̀ va se pə̀yn zôyn. Pi zɨ̂yn ə è tə kyiə zhəmke, ə è pəyn.

1 Kɔlìŋ 4:6

M wàmnə̀ əghɛ nə ghɨnə̀ ə ghɔnyì ghɨmə kûmə̀ ngɨŋ zə̀m ghasè Àpolòs kə̂ ze tsamte ghàyn, kə ghàyn zaʼle se ghàs sə nə̂ kə èghɛ zɛ ə nyaʼ ə ŋwàʼlè ə̀ Fezhə̀. Famə endom kə wùə sê ghàyn tə ghaŋsê èwiyn nə wùə vîvè ə ghàs ə fètəyn tsɛ̂ ndò və mɔ̀ʼɔ.

1 Kɔlìŋ 7:29

Nâʼà èghɛ zɛ ə m pîə ə ghɔnyì ghɨmə, nyi nə, shîŋə̀ kɛ ə ndə̂m se nyi mə kə paʼse, se zhə̀tè zôyn se ndù əshi, ghɨ ghɛ ə ghe kyi zənə kyi sə̂ ndamə kəpiə ghənə kyi va,

1 Kɔlìŋ 9:5

E za nyi nə ə̀ va eluʼ vasve se njiə wùzhɔyn è pomə sə zhwi, sə̂ kwîə è vəyn kepî kə̂ əghɨtom ə mɔ̀ʼɔghe, è ghɔnyì ə Pɛ̂pɛghe, è Sefàs mə?

2 Kolìŋ 10:7

Ghàyn nji shîŋə̀kè ə ghàyn fɛte naynê ə̀ghɛ. Ə wùə pìə nə e nyi wùə ə̀ Klâys, ə è tɔʼ kwàʼtè èghɛ zɛ ə è pìə kûmə̀ nə̀ ghàs pɔŋ nyi kepî ə̀ghɨ Klâysə̀ kə vəyn.

2 Kolìŋ 9:6

Ghàyn kyi sə̂ ke nə ə̀ zho pî ndè se tətê, ə è tə kwi kepî se tətê, ə zho pî ndè se tsɨ̀, ə è tə kwi kepî se tsɨ̀.

Ngàleshyà 2:9

Shîŋə̀ kɛ ə Njə̂m, pità è Njɔyn, ghɨ ghɛ ə tè fe sə etu, kə ghənə tè fe kê nə Zhə̀fè ə fo fɨaʼə m̀kɔʼnè kɨnə se mi, ghənə ə tɔŋtə̂ mi ghasè Pànapàs se tyə̀yn nə ghasè ghə̀ ghənə fɨaʼà sə eghɛ èmɔ̀ʼ. Ghâsè ghənə ə ke ndə̂m nə, ghàs nə ndàʼà tom èchùŋ sê ghɨ ghɛ ə̀ vachi ə̀ghɨ ə Njûsghè, ghənə e ndàʼà sê ghɨ Njûsə̀.

Ngàleshyà 3:17

Ghɛ zɛ ə m mɔmsə̀ se pì nyi nə, Zhə̀fè ə tə zhi kàynə̀m yî Aplàghâm ə tsɨ̀nə̀ nə è nə̀ faŋə va se nə̀yn kə è tsɨ̀nè. Lâŋ kɛ ə tè fɛte epàm ə sèpìŋ ghɨte kyàʼ è pìŋsè m̀ghɨm mta vayn kàʼa ə ke kəʼse kàyn nə mɛ, vayn kàʼa ə ke zəs tsɨ̂sè ètsɨnè ə Fezhə̀zè.