तीतुस 3:2 - बारेली पावरी

² कुदा काजे बोदनाम झुन कोरता, झोगळावा नि जुवे; बाकीन नोरमन स्वभाव जुवे, एने आखा माणसो पुठी, मोटी नम्रता पुठी रोये.

तीतुस 3:2 ပူးပေါင်းရင်းမြစ်များ

मत्ती 11:29

मारो जुवळो आपनेपोर हाकली लेवू, एने मारेसी सीकू; काहाकि मे नम्र एने मोनोन गोरीब छे एने तुमु काजे आपना आत्मामा आराम जोळसे.

प्रेषित 23:5

पौलुस कोयू “हे भाशो, मेसेक नि मालूम कि यु महायाजक छे काहाकि लिखलो छे, आपना माणसोन अधिकारी काजे बुरो नि कोयनो.”

1 कुरीन्थियो 6:10

नी चुरी, नी लोभी, नी मोंदळ्यु, नी लोळने वावू, नी तकलिप आपनेवावू परमेश्वरोन राजोन वारीस बोने.

1 कुरीन्थियो 9:19

काहाकि आखासी स्वतंत्र होयने पोर बी मे खुदो काजे आखान दास बोनाव लेदलु छे कि जादा माणसो काजे हापकी लावो.

2 कुरीन्थियो 10:1

मे चू पौलुस जू तुमरे सामने नम्र छे बाकीन तुमरे पोछोव तुमरेसी कोळक रोयतेलु, तुमु काजे मसिहन नम्रता एने नोरमाईन वजेसी सोमजतेलु.

2 कुरीन्थियो 12:20

काहाकि मेसेक बिक छे, कोदि ओसो नी होयनो जुवे कि मे आवीन जोसो जुवे, तोसो तुमुक नी देखो; एने तुमरेमा झोगळू, डाहा, रीस, खिलाप, रीस, चुगली, अभिमान एने झुटा छे.

गलातियों 5:22

बाकीन आत्मान फोव, मोंग, खुशी, शांती, धीर, दया, भोलाई, भुरसू.

गलातियों 6:1

हे भाशो अगर कुदु माणूस काहना गुणामा धोराय बी जाय ती तुमु जे आत्मिक छे, नम्रता पुठी ओसला काजे सोमावू, एने खुद बी हुशारीमा रोयू कि तुमु बी परीक्षामा नी पोळे.

गलातियों 6:10

इनान कोरता जा तोक टेम जोळे, आपनु आखा पुठी वारू कोरु, खास कोरीन भाशो साते.

इफिसीयो 4:2

मतलब आखरी नम्रतासी एने धीर धोरीन मोंगसी एक दिसरान वेठ लेवू.

इफिसीयो 4:31

आखा भातीन कोळवो एने रीस एने प्रकोप एने कळ एने बुराई एने आखो भेदभाव सी तुमरेसी नांबे मेकाय जाये.

फिलिप्पि 4:5

तुमरी नोरमाय आखा माणसोमा प्रगट होये. प्रभू साते छे.

1 थिस्सलुनीकियो 2:7

बाकीन जिना रितीसी आश आपना पुऱ्या काजे देख भाव कोरतेली, तोसाच आमु बी तुमरा इचमा रोयीण नरमाय देखाळतला छे.

1 तीमथी 3:11

इनान कोरता बायोर काजे बी वातळी होयनो जुवे; चुगली लागाळने वावी नी जुवे, पुन चतरावी एने आखी वातोमा भुरसू मेके ओसी जुवे.

1 तीमथी 3:3

दारकुट्यू या ठूकने वावू नि रोयनो जुवे; बाकीन सुवावू रोये, एने नी झगळावू, नी पोयशान लालची रोये.

याकुब 3:17

पुन जो ग्यान उपोर गोथो आवतेलो चो पेहेले चुखला होयतेलो छे ओवतेन मिलनसार, कोमल एने सोमोजनेन एने दया एने वारला फोवो गोथो लागलो एने पक्षपात एने कोपट रोहित होयतलु छे.

याकुब 4:11

हे भाशो, एक दिसरान बोदनामी मा कोरु, जू आपना भाशोन बोदनामी कोरतेलू छे, चू नियम शास्त्रान बोदनामी कोरतेलू छे एने नियम शास्त्र पोर गुणू लागाळतलु छे; एने ओगर तू नियमशात्रापोर दोष लागाळतलु छे, ती तू नियम शास्त्र पोर चालने वावू नि बाकीन तेरे पोर हाकिम ठेरावसे.

1 पतरस 2:1

एरेन कोरता आखा भातीन भेदभाव एने छोळ एने ढोंग एने खोर एने बुराई काजे नांबे कोरीन,

1 पतरस 3:10

काहाकि जू कुदु जीवनोन आस राखतलु छे, एने वारला दाहळा देखनेन मोर्जी छे, चू आपनी जीब काजे भुंडली वातोसी, एने आपना हुठो काजे तोकलीतोन वाते कोरनेसी रुक रोये.

1 पतरस 3:8

आखरी, आखा एक मोन एने दयामय एने भाशो पोर मोंग कोरणे वावु, एने दयावान एने नम्र बोनु,

1 पतरस 4:4

इनासी चा नोवलाय कोरतेला कि तुमु ओसा मोटी लुचळायमा तिंदरू साथ नि देतला, एने एरेन कोरता चे भुंडला कोयतेला छे;

2 पतरस 2:10

विशेष कोरीन तीनु काजे यो खिलाप लालचोन पोछोव, डीलोन लारे चालतला एने ओसोर काजे विटोव मानतला चे ठीक एने हट्टी छे एने उचला पोदो वावा काजे भुंडला कोयनासी नि बिहीतेला.

यहुदा 1:10

बाकीन ये माणसे जिनी वातो काजे नि उवख तेला तीनुक भुंडो-वारू कोयतेला, एने जिनी वातो काजे उचला लाव डीलोन जोनावरे सारको स्वभाव सी जानतला लाव छे, तिनामा आपना खुदो काजे नाश कोरतेला छे.

यहुदा 1:8

तिना रितीसी जे सोपनो देखणे वावा बी आपना-आपना डीलो काजे विटोव कोरतेला, एने प्रभूता काजे विटोव जानतेला छे, एने उचला पोदो वावा काजे वारु भुंड कोयतेला छे.