तीतुस 3:14 - बारेली पावरी

¹⁴ आमरा माणसेबी गोरोज काजे पुरा कोरनेन कोरता वारला कामोमा लागला रोयनो सिके ताकी बिना फोवोन नि रोये.

तीतुस 3:14 ပူးပေါင်းရင်းမြစ်များ

मत्ती 21:19

सोड्कोन धोळे गुलोरोन एक झाड देखीन चू तेरेनचा गोयू, एने पाला विगुर तीनामा ओवी काहीन नी जोळ्यो ती तीना काजे कोयू, “हिमी गोथो तारेमा कोबी फोव नी लागे” एने गुलोरोन झाड तेत्यारुत सुख गोयो.

मत्ती 7:19

यो झाड वारलो फोव नि लावतलो, चो काटायीन आगठामा नाखायतलो.

योहान 15:16

तुमु मेसेक नि नेवाळ्या बाकीन मे तुमु काजे नेवाळलु छे एने तुमुक नेमलू छे कि तुमु जायीन फोव आपे एने तुमरो फोव जुळाय रोये, कि तुमु मारा नावोसी जो काहीन बास जू गोथा मांगु, चो तुमुक आपे.

योहान 15:8

मारा बासोन महिमा इनासी होयतेली छे कि तुमु घोनो सोवटो फोव लावे, तेत्यारुत तुमु मारा चेला ठरसु.

प्रेषित 18:3

तेरु एने तिंदरू एकुत उदेद्श होतु इनान कोरता चे तिंदरे साते एने चे काम कोरणे बाज गोया एने तिंदरू धंदू तंबू बोनावनेन होतु.

प्रेषित 20:35

मे तुमुक आखो कोरीन देखाळ्यू कि इना रितीसी मेहनत कोरतो जायीन कोम ताकत वावा काजे सोमावनो एने प्रभू येसुन वचन फोम राखणेन जोरुरी छे, जो चू खुदुत कोयलु छे “लेणे सी आपनो सोयावा छे.”

रोमी 12:13

चुखला माणसो काजे जो काहीन जरुरत होसे, तीनामा तिंदरी मदत कोरु; भोलाई कोरणे हमेशा तीयार रोयू.

रोमी 15:28

इनान कोरता मे यो काम पुरो कोरीन एने तीनु काजे जी वर्गणी होवाले कोरीन जाता-जाता तुमरेनचा गोथू स्पेनमा जायीस.

इफिसीयो 4:28

चुरी कोरणे वावू ओवी चुरी नि कोरे, बाकीन वारला कामे कोरणेमा आपनो हातसी मेहनत कोरु इनान कोरता कि जीनाक गोरोज से तीनाक आपनेन कोरता तेरे जुव काहीन रोये.

फिलिप्पि 1:11

एने तीना धारमिकतान फोवोसी यो येसु मसिहन लारे होयतेली छे, पुरा कोरता जावू जीनासी परमेश्वरोन महिमा एने बोढाई होयती रोये.

फिलिप्पि 4:16

इना रितीसी जेतार मे थेस्सलुनीका होतु तेत्यार बी तुमु मारी कोमी काजे पुरी कोरनेन कोरता एक कावा काय दुय कावा काहीन मुकेल्ला होता.

फिलिप्पि 4:17

यो नी कि मेसेक दान जुवे बाकीन मेसेक ओसो फोव जुवे जो तुमरा फायदान कोरता बोढतो जाय.

कुलुस्सि 1:10

काहाकि तुमरी चाल चलन प्रभून लायक जुवे, एने चे आखा चीजोसी खुश होये, एने तुमरेमा आखा चीजोन वारला कामोन फोव लावे, एने तुमु परमेश्वरोन उवखानमा बोढता जावू.

1 थिस्सलुनीकियो 2:9

काहाकि हे भाशो तुमु आमरा कामोन एने मेहनतोन फोम कोरतेला; आमु ते इनान कोरता रात दाहळू काम धोंदू कोरता जायीन तुमरेमा परमेश्वरोन वारली खोबरोन प्रचार कोऱ्या कि तुमरे मायला कुदा पोर भार नी पोळे.

2 थिस्सलुनीकियो 3:8

एने कुदान रुटू फुकोटोन नि खादा, बाकीन काम एने मेहनतसी रात दाहळू काम धोंदा कोरता होता कि तुमु काजे कुदासी भार नि होये.

तीतुस 2:8

एने ओसो खोरलो देखायनो जुवे कि कुदू इनाक कोय सके, जिनासी दुष्मोन आमरेपोर काहनु गुणू लागाळने टेमे नि हरीण लाजवाय जाय.

तीतुस 3:8

जी वात खोरली छे, एने मेसेक लागे कि, तू इनी बारामा नि बिहता बुले इनान कोरता कि जे परमेश्वर पोर भुरसू कोरला छे चे वारला-वारला कामोमा एने माणसोन फायदान होयो.

2 पतरस 1:8

काहाकि कोबी चे वाते तुमरेमा चालू कावोमा रोये एने बोढती रोये, ती तुमुक आमरे प्रभू येसु मसिहन उवखोमा रिकामा एने बिना फोवोन नि होयने देय.