तीतुस 3:11 - बारेली पावरी

¹¹ यो समजीन कि असलु माणूस खुवाय गोयलु छे, एने आपना खुदो काजे गुणावू कोयीन पाप कोरतू रोयतलू छे.

तीतुस 3:11 ပူးပေါင်းရင်းမြစ်များ

लुका 19:22

चू तीना काजे, “हे रीसावा पावोर, मे तारे मुखोसी तुसेक गुणावू ठेरावो चू मेसेक जानतू होतु कि मे रीसावू माणूस होतु, जा नि मेको चा मी चूट लेतलु एने जा नि वेरो चा काटतेलु;”

लुका 7:30

बाकीन फरुशी एने शास्त्रध्यापक तेरेसी बाप्तिस्मा नि लीन परमेश्वरोन विचार काजे आपना खुदोन बारामा टाव देदा.

योहान 3:18

जू कुदू तेरे पोर भुरसू कोरे तेरे पोर दोंडोन आग्या नि होये, बाकीन जो तेरे पोर भुरसू नि कोरे चू गुणावू ठेराय गोयलु छे एरेन कोरता कि चू परमेश्वरोन पुऱ्यान नाव पोर भुरसू नि कोऱ्या.

प्रेषित 13:46

तेत्यार पौलुस एने बरनाबास हिंमतसी कोया, “यो होयनोत होतो कि परमेश्वरोन वचन पेहेले तुमु काजे सोमवाळ देता बाकीन इनान कोरता कि तुमु तेरी नि सोमवतला एने आपना खुदो काजे ओमोर जीवनोन जाणेन लायकी नी कोरतेला ती आमु दिसरा देसोमा जाता होता.”

प्रेषित 15:24

जेतार आमु सोमव्या कि आमरे मायला काहनास आमरे आदेश बिगुर आमरी वातोसी तुमु काजे बिगाळ देदा, एने तुमरा मोनो काजे कोमजुर कोर देदला छे.

प्रेषित 23:25

चू इना रितीन चिट्ठी बी लिख्यू.

रोमी 3:19

आमु काजे मालूम छे कि शास्त्रनियम जो काय कोये चो, तीनु काजे कोये जे शास्त्रनियमोन अधीन छे; इनान कोरता कि हर एक मूय बोंद कोराय जाय एने आखो जोग परमेश्वरोन दोंडोन लायक होये.

2 तीमथी 2:14

इनी वातोन फोम तीनुक आप एने प्रभून सामने जोताळ दे कि बुली पोर जोखळी नी कोरजू जीनासी काहीन फायदु नी होयतलु बाकीन सोमवने वावा विसरी जातला.

तीतुस 1:11

इंदरा मूय बंद कोरनो जुवे, ये माणसे भुंडली कोमायीन कोरता गलत वाते सिकाळीन घोर ने घोर बिगाड देतला छे.

तीतुस 1:14

एने यहुदिन काहानी एने तीनु माणसोन आग्या पोर मनमा लागाळू, जे खोरलासी भोटकी जातला छे.

इब्रानियो 10:26

अगर खोरलान उवखान हासील कोरनेन बादमा बी आपु जानीन पाप कोरे ती पापोन कोरता कानलो बलिदान नी होय.