तीतुस 3:1 - बारेली पावरी

¹ माणसो काजे कोय, कि प्रधान एने अधिकारीन कोयामा रोयू एने तिंदरी आग्या माणू एने होर एक वारला कामोन कोरता तीयार रोयू.

तीतुस 3:1 ပူးပေါင်းရင်းမြစ်များ

मत्ती 22:21

चे तीना काजे कोया, “केसरोन छे” तेत्यार चू तीनुक कोयू, “जो केसरोन छे, चो केसर काजे आपु; एने जो परमेश्वरोन छे, चो परमेश्वर काजे आपु.”

1 कुरीन्थियो 15:58

इनान कोरता हे मारा मोंगावा भाशो, पाका एने जागेत रोयू, एने प्रभून कामोमा आखामा बोढता जावू, काहाकि यो जानतला छे कि तुमरो मेहनत वायबार नी होय.

इफिसीयो 2:10

काहाकि आपनु तेरा बोनावला एने मसिह येसुमा तिना वारला कामोन कोरता बोनवाय गोयला जीनु काजे परमेश्वर पेहेले गोथो आपना काजे कोरणेन कोरता तीयार कोऱ्यु.

फिलिप्पि 1:11

एने तीना धारमिकतान फोवोसी यो येसु मसिहन लारे होयतेली छे, पुरा कोरता जावू जीनासी परमेश्वरोन महिमा एने बोढाई होयती रोये.

कुलुस्सि 1:10

काहाकि तुमरी चाल चलन प्रभून लायक जुवे, एने चे आखा चीजोसी खुश होये, एने तुमरेमा आखा चीजोन वारला कामोन फोव लावे, एने तुमु परमेश्वरोन उवखानमा बोढता जावू.

1 तीमथी 2:2

राजा एने आखा उचा पोद पोरलान कोरता एरेन कोरता कि आमु आराम एने नोरमाय पुठी आखी भोक्ती एने गंभीर से जीवन जीवजे.

1 तीमथी 4:6

अगर तू इनू भाशो काजे सोमजाडतू रोयसे, ती मसिह येसुन वारलु दास बोनसे; एने भुरसू एने हेरा वारला प्रचारोन वातो पोर, जो मानतू आव रोयु, तारू देख भाव होयतो रोयसे.

1 तीमथी 5:10

एने वारला कामोमा गीनाय रोई होसे, जीन पुऱ्यान राखवावी कोरी होसे; पाहांतऱ्यान चाकरी कोरी होसे, चुखला माणसोन पाय धुवी होसे, दुखी माणसोक मदत कोरी होसे, एने हर एक वारला काममा मन लागाळली होसे.

2 तीमथी 1:6

इनान वोजेसी मे तुसेक फोम देवाळो कि तू परमेश्वरोन इना वरदान काजे जे मारे हाते मेकनेन लारे तुसेक जोळला छे विजावो कोर दे.

2 तीमथी 2:14

इनी वातोन फोम तीनुक आप एने प्रभून सामने जोताळ दे कि बुली पोर जोखळी नी कोरजू जीनासी काहीन फायदु नी होयतलु बाकीन सोमवने वावा विसरी जातला.

2 तीमथी 2:21

ओगर कुदु आपना खुदो काजे इनुसी चुखो कोरसे, ती चू आदरोन ठाहरु एने चुखलो ठेहरसे एने मालकोन कामे आवसे एने हर एक वारला कामोन कोरता तीयार होयसे.

तीतुस 1:16

चे कोयतेला कि आमु परमेश्वर काजे उवेखतला, बाकीन आपना कामोसी तेरु नकार कोरे काहाकि सिगी एने आग्या नि मानने वावा छे, एने कानलात वारला कामोन लायक भी नि होय.

तीतुस 2:14

जू खुद काजे आमरेन कोरता आप देदू कि आमु होर एक भातीन पापोमा गोथू छुळाव लेय एने चुखा कोरीन आपनेन कोरता एक ओसी जात बोनाव लेये जे वारला-वारला कामोमा तीयार जुवे.

तीतुस 3:14

आमरा माणसेबी गोरोज काजे पुरा कोरनेन कोरता वारला कामोमा लागला रोयनो सिके ताकी बिना फोवोन नि रोये.

तीतुस 3:8

जी वात खोरली छे, एने मेसेक लागे कि, तू इनी बारामा नि बिहता बुले इनान कोरता कि जे परमेश्वर पोर भुरसू कोरला छे चे वारला-वारला कामोमा एने माणसोन फायदान होयो.

इब्रानियो 13:21

तुमरा आखा वारला गुणोसी पुरो कोरे, जीनासी तुमु तेरी मोर्जी पुरी कोरु, एने जो काहीन तेरी नोजोरमा मोंगावू छे चू येसु मसिहन लारे आमरे महाय पुरा कोरे, तेरीत महिमा कायम होयती रोये. आमेन.

2 पतरस 1:12

इनान कोरता कोदा माईन तुमु ये वाते जानतला छे, एने यो खोरलो वचन तुमु काजे जोळ रोयो तिंदरेमा बोनता रोयू, तीबी मी तुमु काजे इनी वातोन खोबर आपनेन कोरता हमेशा तियार रोईस.

यहुदा 1:5

बाकीन कोदापी तुमु आखा वाते एक कावार जान गोयला छे, ती भी मे तुमुक इनी वातोन फोम देवाळणे हिंडो कि प्रभू एक जात काजे मिसर देसोसी छुळावने बाद भुरसू नी मेकने वावा नाश कोर देदु.