तीतुस 2:11 - बारेली पावरी

¹¹ कि परमेश्वरोन दया प्रगट छे, जो आखा माणसोन छुटकारान वोजा छे,

तीतुस 2:11 ပူးပေါင်းရင်းမြစ်များ

मत्ती 28:19

इनान कोरता तुमु जावू, आखा जात्यान माणसो काजे चेला बोनावू; एने तीनुक बास, एने पुऱ्यु, एने पवित्र आत्मान नावोसी बाप्तिस्मा आपु.

मरकुस 16:15

एने येसु तीनु काजे कोयू, “तुमु आखा जोगोमा जायीन आखा कोवीन माणसो काजे वारली खोबरोन प्रचार कोरू.

लुका 24:47

एने यरुशलेम गोथो आखा जात्यामा मोन फिरावोन एने पापोन माफी प्रचार तिनान नावसी कोराय जासे.

लुका 3:6

एने होर एक माणूस परमेश्वरोन छुटकारा काजे देखसे.’”

योहान 1:14

एने वचन देहधारी होयो; एने दया एने खोरलायसी पुरो होईन आमरे इचमा वस्ती कोऱ्यु, एने आमु तेरी ओसी महिमा काजे देख्या, जोसो बासोन एखला जून महिमा.

योहान 1:9

खोरलो विजावो जो हर एक माणसोक विजावो आपतेलो छे, जोगोमा आवने वावु होतु.

प्रेषित 11:23

जेतार चू चा पुगीण परमेश्वरोन मोंगोक देखिन चू खुश होय गोयू एने चू तीनु आखा काजे उत्साहित कोरणे बाज गोयू कि चे पुरा मोनोसी प्रभूनचा चीटकिन रोये.

प्रेषित 13:43

जेतार आराधना सोर गोयी ती घोन सोवटा यहुदिवावा आवला एने भोक्तीवावान गोथा घोणा सोवटा माणसे पौलुस एने बरनाबास पोछोव चाल पोळ्या चे वाते कोयता जायीन तीनु काजे सोमजाड्या कि परमेश्वरोन दयामा टीकिन रोयजू.

प्रेषित 13:47

काहाकि प्रभू आमु काजे जी आग्या आपलु छे कि, “मे तुसे काजे दिसरा जातीन कोरता विजावा ठेरावलु छे, तू धोरतीन धोळे तोक छुटकारू कोरने वावू बोनीस.”

प्रेषित 17:30

इनान कोरता परमेश्वर आग्यान टेमोमा ध्यान नि लागाळतलु बाकीन हिमी आखा जागा पोर आखा माणसो काजे मोन फिरावनेन आग्या आपलु छे जीनामा चू तिना माणसोन लारे जोगोन नियाव कोरिस जीनान कोरता तिंदरू ठेरावलु छे एने तीना काजे मोरलामा गोथू जीवाळीन जी वात आखापोर मालूम कोर देदलु छे.

प्रेषित 20:24

बाकीन मे मारा जीव काजे काय नी सोमज्यु कि तीनाक मोंगावू जाणो, बाकीन यो कि मे मारा दोवळना काजे एने तिनी सेवा काजे पुरी कोरो, जो मे परमेश्वरोन दयान वारली खोबर पोर गोवायी आपनेन कोरता प्रभू येसु जुव गोथू ली लेदलु छे.

रोमी 10:18

बाकीन मे कोयो कि काय चे नी सोमव्या? सोमवे ती वारू छे; काहाकि लिखलो छे “तिंदरा आवाजे आखा धोरती पोर एने तिंदरो वचन जोगोन कुपरे तोक पुग गोयला छे.”

रोमी 5:15

बाकीन जोसी गुणावावान हाल छे तोसोत दयान वरदानोन नि, काहाकि जेतार एक माणसोन गुणासी घोणा माणसे मोऱ्या, ती परमेश्वरोन दयासी एने तेरो यो दान एक माणसोन मतलब येसु मसिहन दयासी होयो घोणा माणसो पोर छाचलीन घोन सोवटो होयो.

रोमी 5:2

जिनान लारे भुरसान वजहसी तिना दया तोक जीनामा आमु बोनला छे, जा आमु पुग बी गोया एने परमेश्वरोन महिमान आसोपोर मोटाय कोरे.

2 कुरीन्थियो 6:1

आमु जे परमेश्वरोन सहकारी छे यो बी सोमजतेला छे कि तेरी दया जी तुमरे पोर होयी, तिनी काजे वायबार मा जाणे देवू.

गलातियों 2:21

मे परमेश्वरोन दया काजे वायबार नी ठेरावतू; काहाकि ओगर नियम शास्त्रान लारे धोरमी होयता ती मसिहन मोरनो वायबार होयतो.

इफिसीयो 2:5

जेतार आपनु गुणान वजेसी मोरला होता ती आपनुक मसिह साते जीवाळ्यु (मोंगसी तुमरो छुटकारू होयलो छे).

इफिसीयो 2:8

काहाकि भुरसान लारे दयासी तुमरो छुटकारू होयलो छे; एने यो तुमरे भूनी गोथा नी बाकीन परमेश्वरोन दान छे.

कुलुस्सि 1:23

अगर तुमु भुरसान पाया पोर पाका उबरोय रोये एने तीना वारली खोबरोन आस काजे जिनाक तुमु सोमवला छे मा छुळू, जिनान वारली खोबर सोरगोन नेळो आखो जोगोमा कोराय गोयो एने जेरू मे पौलुस सेवक बोन्यू.

कुलुस्सि 1:6

जो तुमरेनचा पुगलो छे एने जोसो जोगोमा बी फोव लावे एने बोढतो जातलो छे, तोसोत जिने दाहळे गोथो तुमु तीनाक सोमव्या एने खोरायसी परमेश्वरोन दया उवखी लेदा तुमरेमा बी ओसोत कोरतेला छे.

2 थिस्सलुनीकियो 2:16

आमरू प्रभू येसु मसिह आपसुत, एने आमरू बास परमेश्वर जू आमरेपोर मोंग कोऱ्यु एने ओमोरकाई शांती एने वारली आस आपलु छे.

1 तीमथी 1:14

एने आपना प्रभून अनुग्रह तिना भुरसान एने मोंग साथे जू मसिह येसुमा छे, घोनो सोवटा सी होयो.

1 तीमथी 2:4

जो यु चाहतलु कि आखा माणसोन छुटकारू होये एने खोरला काजे वारू रितीसी जान लेये.

2 तीमथी 1:10

बाकीन हिमी छुटकारू कोरता मसिह येसुन प्रगट होयनेन बारामा विजावो जू मोतोन नाश कोरन्यू जीवन एने ओमोर काजे इना वारली खोबरोन बारामा विजावो कोर देदु.

2 तीमथी 4:17

पुन प्रभू मारे साते रोयलु एने मेसेक ताकत आपलु काहाकि मेसेक पुरान पुरा प्रचार होये एने सोब जातोन सोमवी लेये मी सिहान मुयोम गोथू छुळावलु होतु.

इब्रानियो 12:15

ध्यानसी देखता रोयू कि कुदू परमेश्वरोन दयासी छेटू नी रोय जाय, नीती कुदु कोळोवालो थुळ फुटीन तोकलीत आपे, एने लारे घोना सोवटा माणसे भुंडली होय जाय.

इब्रानियो 2:9

बाकीन आमु तीना काजे मतलब येसु काजे जू थुलाक टेमोन कोरीन सोरग दूतो सी कोम कोराय गोयू, मोरोनोन दुख हाकेलनेन कोरीन महिमा एने आदरोन मुकुट पेहेरलु देखला, काहाकि परमेश्वरोन मोंगसी चू आखान मोरोनोन चव चाखे.