तीतुस 1:4 - बारेली पावरी

⁴ तीतुसन नावे जू भुरसान जुळायला विचारसी मारू खोरलु पुऱ्यु छे; परमेश्वर बास एने आमरू छुटकारू आपने वावु मसिह येसुन अनुग्रह एने शांती जोळती रोये.

तीतुस 1:4 ပူးပေါင်းရင်းမြစ်များ

लुका 2:11

कि आज दाऊदन सोहोरोमा तुमरेन कोरता एक छुटकारू आपन्यु पोयदा होय रोयू, एने युत मसिह प्रभू छे.

योहान 4:42

एने तिनी बायर काजे कोया, “हिमी आमु तारा कोयना पोरसी भुरसू नि कोरता; काहाकि आमु खुद सोमवी लेदा, एने जानतला कि युत छाचलीन जोगोन छुटकारू आपन्यु छे.”

रोमी 1:12

मतलब यो कि जेतार मे तुमरे इचमा रोयो ती आमु इना भुरसान लारे जो मारेमा एने तुमरेमा छे एक दिसरा काजे उस्साहित कोरे.

रोमी 1:7

तीनु आखान नावे जे रोममा परमेश्वरोन मोंगावा छे एने चुखला होयनेन कोरीन बुलावला छे; आखान बास परमेश्वर एने प्रभू येसु मसिहनचा गोथो तुमु काजे दया एने शांती जोळतली.

2 कुरीन्थियो 12:18

मे तीतुस काजे सोमजाडीन हेरे साते तिना भाश काजे मूकल्यु, ती काय तीतुस छोळ कोरीन तूमरे सी काहीन लेदू? काय आमु एकुत आत्मान चालना पोर नी चाले? काय एकुत वातो पोर नी चाले?

2 कुरीन्थियो 2:13

ती मारा मोनोम आराम नी जोळ्यो इनान कोरता कि मे मारा भाश तीतुस काजे नी मेव्यू; इनान कोरता तीनुमा गोथू निकवीन मकीदुनीया जात रोयू.

2 कुरीन्थियो 4:13

इनान कोरता कि आपनोमा चू भुरसान आत्मा छे जेरे बारामा लिखलो छे; मे भुरसू कोरतेलू छे इनान कोरता मे कोयू आखरी, आमु बी भुरसू कोरतेला इनान कोरता कोयतेला,.

2 कुरीन्थियो 7:6

ते बी कोमजुर वावा काजे शांती आपने वावु परमेश्वर तीतुसोन आवनेसी आमु काजे शांती आप्यू;

2 कुरीन्थियो 8:16

परमेश्वरोन धन्यवाद होये, जे तुमरेन कोरता जीत खुशी तीतुसोन मोनोमा मेक देदलु छे,

2 कुरीन्थियो 8:23

ओगर काहनुस तीतुसोन बारामा पुछे, ती चू मारू साती एने तुमरेन कोरता मुकोलला मोदतगार छे एने आमरा भाशोन बारामा पुछे ती चे मंडवीन मुकलला एने मसिहन महिमा छे.

2 कुरीन्थियो 8:6

इनान कोरता आमु तीतुस काजे सोमजाड्या कि जोसो पेहेले चू सुरुवात कोरलु होतु, तोसोच तुमरे इचमा इना दानोन कामो काजे पुरो बी कोरले.

गलातियों 2:3

बाकीन तीतुस काजे भी जे मारे पुठी होतु एने यु युनानी छे, सुंता कोरणेन कोरीन जोबराइ नी कोरला होता.

गलातियों 3:26

काहाकि तुमु आखा तिना भुरसान लारे मसिह येसु पोर जे परमेश्वरोन पुऱ्या बोनसे.

गलातियों 3:28

हिमी नी कुदू यहुदि रोयू, नी युनानी, नी कुदू पावोर, नी स्वतंत्र, नी कुदु नोर, नी कुदु नारी, काहाकि तुमु आखा मसिह येसुमा एक छे.

इफिसीयो 1:2

आमरू बास परमेश्वर एने प्रभू येसु मसिहन भूनी गोथू तुमु काजे मोंग एने शांती जोळती रोये.

कुलुस्सि 1:2

मसिहमा तिना चुखला एने विश्वासी भाशोन नावे जे कुलुसोमा रोयतला आमरू बास परमेश्वर तोरोफसी तुमु काजे दया एने शांती जोळती रोये.

1 तीमथी 1:12

मे मारा प्रभू येसु मसिहन जू मेसेक ताकत आपलु छे, धन्यवाद आपो कि होयू मेसेक भुरसान लायक सोमजीन, हेरी सेवान कोरता ठेरावलु.

2 तीमथी 1:1

पौलुसोन तोरोफसी जू, इना जीवनोन वायदू ओनसारे मसिह येसुमा छे परमेश्वरोन मोर्जीसी मसिह येसु प्रेषितोन छे.

2 तीमथी 1:2

मोंगावा पुऱ्या तीमथीन नावे; परमेश्वर बास एने आत्मा प्रभू मसिहन येसुन तोरोफसी दया एने गिन एने शांती रोये.

2 तीमथी 4:10

काहाकि कि देमास इना संसार काजे मोंगावू जानीन मेसे काजे छुळ देदलु छे एने थेस्सलुनीकामा जात रोयलु छे. क्रेसकेस गलातियानचा एने तीतुस दलमतीया काजे जात रोयलू छे.

तीतुस 1:3

बाकीन सही टेमो पर तेरा वचन काजे तिना प्रचारन लारे प्रगट कोऱ्यु, जू आमरू छुटकारू आपनेवावा परमेश्वरोन आग्यान अनसारे मेसेक सोपायलो छे.

तीतुस 2:13

एने इनी सोयावा आसोन मतलब आपना मोटला परमेश्वर एने छुटकारू आपने वावु येसु मसिहन महिमा प्रगट होयनेन वाट जुवता रोयू.

2 पतरस 1:1

शिमोन पतरसोन जुव गोथो, जू येसु मसिहन पावोर एने प्रेषितोन छे, तीनु माणसोन नाव जे आमरू परमेश्वर एने छुटकारू आपने वावु येसु मसिहन धारमिकतान लारे आमरेन तोसो किमतीन भुरसू हासील कोर लेदू.

2 पतरस 1:11

नि तेत्यार इना रितीसी तुमु आमरा प्रभू एने छुटकारू आपने वावु येसु मसिहन ओमोर राजमा मोटला आदोर साते जासु.

2 पतरस 2:20

जेतार चे प्रभू एने छुटकारू आपनेवावू येसु मसिहन उवोखन लारे जोगोन भाती भातीन विटोवायला सी वाचीन निकव्या, एने ओवी तीनामा कोरीन हार गोया ती तिंदरी पोछली हालत पेहेले गोथी बी भुंडी होय गोयली छे.

2 पतरस 3:18

बाकीन आमरा प्रभू एने छुटकारू आपने वावु येसु मसिहन दयामा बोढता जावू, तिनान महिमा हिमी बी छे एने कायम होयती रोयसे. आमेन.

2 पतरस 3:2

कि तुमु इनी वातो काजे जू चुखला भविष्य कोरता पेहेलेत कोयला छे, एने प्रभू एने छुटकारू आपन्या तिनी आग्या काजे फोम कोरुजू तुमरे प्रेषितोन लारे आप देदलु होतु.

1 योहान 5:14

आमु उवेखतला कि आमु मोरनेमा गोथा निकवीन जीवनोमा पुग रोया; काहाकि आमु भाशोसी मोंग कोरतेला छे जू मोंग नी कोरतेलू चू मारनेन दशामा रोयतलु.

यहुदा 1:3

हे मोंगावा, जेतार मे तुमुक तिना छुटकारान बारामा लिखनेमा जादा मेहनतसी प्रयत्न कोर रोयू होतु जीनामा आमु आखा भागीदार छे, ती मे तुमुक यो सोमजाडनो जोरुरी जान्यू कि तिना भुरसान कोरता पुरो कोयीन कोरु जो चुखला माणसो काजे एकुत कावार सोपाय गोयलो होतो.