तीतुस 1:2 - बारेली पावरी

² तीना ओमोरकाईन जीवनोन आस पर जेरी वायदू परमेश्वर, जी झूट नि बुल सोकतलु सनातनसी कोरलु छे,

तीतुस 1:2 ပူးပေါင်းရင်းမြစ်များ

मत्ती 25:34

तेत्यार राजा तेरे जेवळे धोळे वावा काजे कोयसे, “हे मारा बासोन सोयावा माणसे आवू इना राजोन अधिकारी बोन जावू, जो जोगोन पेहेले गोथो तुमरेन कोरता तियार कोरलु छे.”

मत्ती 25:46

एने जे ओमोरकाई दोंड भुगसे, बाकीन धोरमी ओमोर जीवनोमा जासे.’”

मरकुस 10:17

जेतार चू चा गोथू निकवीन वाटे जातु होतु, ती एक माणूस तेरेनचा दोवळीन आव्यु, एने तेरे ओगोव मांडा टेकविन तीना काजे पुछु, “हे वारला गुरु, ओमोर जीवनोन ओधीकारी होयनेन कोरता मे काय कोरो?”

मरकुस 10:30

एने हिमी इनी टेमे सोव गुणा नि जोळे, घोरे एने भाशे एने बहोनिशा एने आया एने पुऱ्या-पारी एने खेतो काजे, एने तोकलीतो साते एने आवने वावा संसारमा ओमोर जीवन.

योहान 10:28

एने मे तीनु काजे ओमोर जीवन आपलो छे चे कोबी नाश नि होये, एने कुदु तीनुक मारा हातोमा गोथो हापकीन नि लीजाय.

योहान 17:2

काहाकि तू तिना काजे आखा जोनावर पोर होक आप्यू, कि जीनुक चू तीनुक आपलु छे तीनु आखा काजे ओमोर जीवन आपे.

योहान 17:24

हे बासो, मे चाहो कि जीनुक तू मेसेक आपलु छे, चे जा मे छे चा चे बी मारे साते रोये, ती चे मारी तिनी महिमा काजे देखे जो तू मेसेक आपलु छे, काहाकि तू जोगोन पेहेले गोथू मार पोर मोंग कोऱ्यु.

योहान 5:39

तुमु पवित्र शास्त्रामा हेरतेला छे, काहाकि सोमोजतेला कि तीनामा ओमोर जीवन तुमुक जातला छे; एने यो चोत छे जो मारी गोवायी आपतलु छे;.

योहान 6:54

जू मारो मास खातलु एने मारो लुय पितलु छे, ओमोर जीवन तीरोत छे; एने मे तीनाक आखरी दाहळे एने जीव उठाळीस.

योहान 6:68

शिमोन पतरस तीना काजे जोवाब आप्यू, “हे प्रभू, आमु कुनीनचा जाजे? ओमोर जीवनोन वाते ते तारे पास छे;.

प्रेषित 15:18

यो चू प्रभू कोये कि प्राचीन काव गोथू इना वातो काजे सामने लावतू गोयलु छे.

रोमी 1:2

जेरी चू पेहेलेसी आपना भविष्य कोरतान लारे पवित्र शास्त्रामा

रोमी 16:25

हिमी जो तुमु काजे मारी वारली खोबर मतलब येसु मसिहन सोंदेसोन प्रचार अनसारे पाको कोरतू रोयतलु छे, तिना भेदोन विजावान अनसारे जो ओमोरकाईसी डूकाय रोयो,

रोमी 2:7

जू वारला कामोन एकुत जागे उबो रोयीण, महिमा एने, आदर, एने ओमोर हेरेमा छे तीनुक चू ओमोर जीवन आपसे;

रोमी 5:2

जिनान लारे भुरसान वजहसी तिना दया तोक जीनामा आमु बोनला छे, जा आमु पुग बी गोया एने परमेश्वरोन महिमान आसोपोर मोटाय कोरे.

रोमी 5:21

कि जोसो पाप मोत काजे फैलावतू जायीन राज कोऱ्यु, तोसोत आमरू प्रभू येसु मसिहन लारे दया बी, ओमोर जीवनोन कोरीन धोरमी ठेरावती जायीन राज कोरे.

रोमी 5:4

एने धीरसी खोरलो निकवनो एने खोरलो निकवनेसी आस पोयदा होयतेली छे;.

रोमी 6:23

काहाकि पापोन दाहाळकी ते मोत छे बाकीन परमेश्वरोन वरदान आपना प्रभू येसु मसिहमा ओमोर जीवन छे.

कुलुस्सि 1:27

जीनु पोर परमेश्वर प्रकट कोरणेन कोऱ्यु तीनुक ग्यान जोळे कि दिसरा जातीमा तीना भेदोकाजे महिमान किमोत काय छे, एने चू जो छे कि मसिह जू महिमान आस छे तुमरेमा रोयतलु छे.

1 थिस्सलुनीकियो 2:15

एने चे प्रभू येसु काजे एने भविष्य कोरता काजे मार नाखला एने आमु काजे वेला पाळावला, एने परमेश्वर तिंदरे पोर खुश नी होय, एने चे आखा माणसोन खिलाप कोरतेला,

1 थिस्सलुनीकियो 5:8

बाकीन आपनु जे दाहळान छे, भुरसान एने मोंगोन झीलम पेहेरीन एने छुटकारान आसोन टूपी पेहेरीन सावधान रोयू.

1 तीमथी 6:12

भुरसान वारली कुस्ती लोळाय; एने इना ओमोरकाईन जीवन काजे धोर ले, जिनान कोरता तू बुलाय गोयू एने घोणा सोवटा गोवान सामने वारलु अंगीकार कोरलु होतु.

1 तीमथी 6:19

एने ओगलान कोरता एक वारलु पायु राखे कि खोरला जीवन काजे ताबामा कर लेये.

2 तीमथी 1:1

पौलुसोन तोरोफसी जू, इना जीवनोन वायदू ओनसारे मसिह येसुमा छे परमेश्वरोन मोर्जीसी मसिह येसु प्रेषितोन छे.

2 तीमथी 1:9

जू आमरू छुटकारू कोऱ्यु एने चुखला आत्मान बुलाहट सी बुलाव्यू, एने जो आमरा कामन ओनसारे नी बाकीन तेरो मतलब एने तेरी दया ओनसारे छे चू मसिह येसुमा ओमोरकाईसी आमरेपोर होयली छे.

2 तीमथी 2:10

इनान वोजेसी मे नेवाळला माणसोन कोरता आखो काय सोब देदलु छे, कि चे बी इना छुटकारू काजे मसिह येसुमा छे, ओमोर महिमा पुठी जोळे.

2 तीमथी 2:13

अगर आमु बिन भुरस्या ते बी चू भुरसान लायक बोनलू रोयतलू काहाकि चू खुदोन नकार नी कोर सोकतलु.

2 तीमथी 2:15

खुदो काजे परमेश्वरोक स्वीकार कोरनेन लायक एने ओसा कामे कोरने वावू ठेरावनेन कोशिश कोरतेला जू लोजित नी होये एने जुवे खोरला वचन काजे वारला रितीसी काममा लावतलु.

तीतुस 2:13

एने इनी सोयावा आसोन मतलब आपना मोटला परमेश्वर एने छुटकारू आपने वावु येसु मसिहन महिमा प्रगट होयनेन वाट जुवता रोयू.

तीतुस 2:7

आखा वातोमा खुद काजे वारला कामोन नमुना बोनु. तारा प्रचारमा सापसूत्र एने खोरलो,

तीतुस 3:7

जीनासी आमुक तेरा दयासी धोरमी ठोरायू, ओमोर जीवनोन आसोन अनसारे वारीस बोन्या.

1 योहान 2:25

एने जिंदरी होयू आमरे कोरता वायदू कोऱ्यु, होयो ओमोर जीवनोन छे.

1 योहान 5:20

एने यो बी जाणेजे, परमेश्वरोन पुऱ्यु आव रोयू एने चू आमुक सोमज आपलु छे, हिमी तिनी खोराइ काजे जानजे, एने आमु तीना माइली जी खोराइ छे, मतलब परमेश्वरोन पुऱ्यु येसु मसिहमा रोयतला. खोरलू परमेश्वर ओमोरकाईन जीवाय यित छे.

यहुदा 1:21

आपना खुदो काजे परमेश्वरोन मोंगसी बोनावीन राखू; एने ओमोर जीवनोन कोरता आमरा प्रभू येसुन मसिह दयान वाट जुवता रोयू.

प्रकाशित वाक्य 13:8

कोवीन चे आखा रोयने वावा, जिंदरे नावे तिना गाडरा काजे जीवनोन किताबमा लिखाय नी गोयो जू जोगोन पेहलेत टेमे घात होयलू छे, तिना चिल्लान पूजा कोरसे.

प्रकाशित वाक्य 17:8

जो जोनावर तू देखलू छे चू पेहेले ते होतु बाकीन हिमी नी होय, एने उंडा खाडामा गोथू निकवीन विनाशमा पोळसे; एने कोवीम रोयने वावा जिंदरो नाव जोगोन घोडनेन टेमे जीवनोन किताबमा लिखाय नी गोयो, तिना जोनावरोन जी दशा देखीन कि पेहेले होतु एने हिमी नी होय एने पोछु आव लागसे, नोवलाय कोरसे.”