रोमी 8:9 - बारेली पावरी

⁹ बाकीन जेतार परमेश्वरोन आत्मा तुमरेमा बोसतलु छे ती तुमु डीलोन रितीन नी बाकीन आत्मिक रितीमा छे अगर काहनामा येसु मसिहन आत्मा नी होय ती चू तेरु नी होय.

रोमी 8:9 ပူးပေါင်းရင်းမြစ်များ

लुका 11:13

आखरी जेतार तुमु भुंडला होयीन बी तुमरा पुऱ्या काजे वारली चीज आपने जानतला, ती सोरगो मायलु बास आपना मांगणे वावा काजे पवित्र आत्मा काहा नी आपे.’”

योहान 14:17

बाकीन खोरलु आत्मा, जिना काजे संसार स्वीकार नि कोर सकतला काहाकि चे तीनाक नि जानतेला; तुमु तीनाक जानतला, काहाकि तुमरे साते रोयलू, एने चू तुमरेमा रोयसे.

योहान 14:23

येसु तीनाक जोवाब आप्यू, “ओगर कुदु मार पोर मोंग कोरसे ती चू मारा वचन काजे माणसे, एने मारू बास तीना पोर मोंग कोरसे, एने आमु तेरेनचा रोयसू.”

योहान 3:34

काहाकि जीनाक परमेश्वर मूकललु छे, चू परमेश्वरोन वाते कोयतेलु काहाकि चू आत्मा माप-मापीन नि आपतलु.

योहान 3:6

काहाकि जे डीलोसी जन्म होयला छे, चे डील से एने आत्मासी जन्म होयलो छे, चे आत्मा छे.

प्रेषित 16:7

चे मुसियान साते पुगीण बिथुनीयामा जाणेन कोऱ्या बाकीन येसुन आत्मा तीनु काजे नि जाणे देदु.

रोमी 7:5

काहाकि जेतार आमु डीलोमा होता ती पापोन लालच जे शास्त्रनियमोन लारे होतो मोरनोन फोव पोयदा कोरनेन कोरता आमरा डीलोमा काम कोरती होती.

रोमी 8:1

आखरीमा हिमी जे येसु मसिहमा छे तीनु पोर दोंडोन आग्या नी होय काहाकि चे डीलोन अनसारे नी बाकीन आत्मान अनसारे चालतला.

रोमी 8:11

अगर काहनासोन आत्मा जू येसु मसिह काजे मोरलामा गोथू जीवाळ्यु चू तुमरा नाश होयने वावा डीलो काजे बी आपना आत्मान लारे जू तुमरेमा बोस रोयू जीवाळसे.

रोमी 8:2

काहाकि जीवनोन आत्मान शास्त्रनियमोन जो येसु मसिहमा मेसेक पापोन एने मोतोन शास्त्रनियम सी आजाद कोर देदू.

1 कुरीन्थियो 15:23

बाकीन होर एकोन आपना-आपना वाडी पोर पेहेलो फोव येसु मसिह, ओवतेन येसुन आवने पोर तेरा माणसे.

1 कुरीन्थियो 3:16

काय तुमु नी जानता कि तुमु परमेश्वरोन मंदीर छे, एने परमेश्वरोन आत्मा तुमरेमा रोयतलु छे?

1 कुरीन्थियो 6:17

एने जू प्रभून संगतीमा रोये, चू हेरे साते एक आत्मा होय जातलु छे.

1 कुरीन्थियो 6:19

काय तुमु नी जानतला कि तुमरो डील पवित्र आत्मान मंदीर छे, जू तुमरेमा बोसलु छे एने तुमुक परमेश्वरोनचा गोथू जोळलु छे; एने तुमु खुदोन नी होय?

2 कुरीन्थियो 10:7

तुमु इनी वातो काजे देखू, डूवा ओगोव छे ओगर कुदा काजे आपने खुदो पोर यु भुरसू होये कि मे मसिहन छे, ती चू यो बी जान लेनो कि जोसू चू मसिहन छे तोसाच आमु बी छे.

2 कुरीन्थियो 6:16

एने मुर्त्यान साते परमेश्वरोन मंदीरोन काय रीसतो? काहाकि आमु ते जीवतला परमेश्वरोन मंदीर छे; जोसू परमेश्वर कोयलु छे, “मे तिंदरेमा बोसीस एने तिंदरेमा चाल्या फिऱ्या कोरिस; एने मे हेरु परमेश्वर होयीस, एने चे मारा माणसे होयसे.”

गलातियों 4:6

एने तुमु जा पुऱ्या छे एरेन कोरता परमेश्वर आपना पुऱ्यान आत्मा काजे, जो छे हे अब्बा, हे बास कोयीन आयेळतेलु; आमरा मोनमा मूकल्यु.

गलातियों 5:24

एने जो मसिह येसुन छे, तिंदरा मोर्जी काजे एने भुंडली मोर्जी पुठी ख्रुस पोर चोळाय गोयला छे.

इफिसीयो 1:13

एने तीनामा तुमरे पोर बी, जेतार तुमु खोरलो वचन सोमव्या जो तुमरे छुटकारान वारली खोबर छे एने जीना पोर तुमु भुरसू कोऱ्या, वायदा कोरला एने पवित्र आत्मान छापू लाग्यू.

इफिसीयो 2:22

जीनामा तुमु बी आत्मान लारे परमेश्वरोन रोयनेन जागा कोसा एखठा बोनावला होता.

इफिसीयो 3:17

एने भुरसान लारे मसिह तुमरे मोनोमा बोसे कि तुमु मोंगोक वातडो धोरीन एने पायु घालीन.

फिलिप्पि 1:19

काहाकि मेसेक मालूम छे कि तुमरी प्रार्थनान लारे, एने येसु मसिहन आत्मान दानोन लारे, एरो प्रतीफोव मारो छुटकारू होयसे.

2 तीमथी 1:14

इनी पवित्र आत्मान लारे जो आमरेमा बोसलो छे, इना वारला सेवा राखवावी कोर.

1 पतरस 1:11

हीनु काजे इना वातोन हेर कोऱ्या कि मसिहन आत्मा जी तिंदरेमा होती, एने पहेले गोथो मसिहन दुखोंचा तेरेन ओवते होयने वावी महिमान गोवायी आपतू होतु, चू कानला एने काहना टेमोन इशारू कोरलु होतु.

1 योहान 3:24

जू तेरा आग्या काजे पावतलु चू तेरेमा एने चू तीनामा बोनीन रोयतलु, एने इनामा मतलब तिना आत्मा जुव गोथो जो चू आमुक आपलु छे कि चू आमरेमा बोनीन रोयतलु.

1 योहान 4:13

इनासी आमु उवेखतला कि आमु तेरेमा बोनला रोयतला, एने चू आमरेमा; काहाकि चू आपना आत्मामा गोथो आमुक आपलु छे.

1 योहान 4:4

हे पुऱ्या, तुमु परमेश्वरोन छे, एने तुमु तीना पोर जीत गोयला छे; काहाकि जो तुमरेमा छे चू तेरेमा जो जोगोमा छे मोटलु छे.

प्रकाशित वाक्य 13:8

कोवीन चे आखा रोयने वावा, जिंदरे नावे तिना गाडरा काजे जीवनोन किताबमा लिखाय नी गोयो जू जोगोन पेहलेत टेमे घात होयलू छे, तिना चिल्लान पूजा कोरसे.

प्रकाशित वाक्य 20:15

एने जेरो कुदान नाव जीवनोन किताबमा लिखायलो नि जोळ्यो, चू आगठान झीलमा घालाय गोयू.