रोमी 7:8 - बारेली पावरी

⁸ बाकीन पाप टेम हेरीन आग्यान लारे मारेमा आखा भातीन लालूच पोयदा कोऱ्यु काहाकि बिना शास्त्रनियमोसी पाप मोरलो छे.

रोमी 7:8 ပူးပေါင်းရင်းမြစ်များ

मरकुस 7:22

चुरी, खुन, दिसरी बायरी पुठी संसार, लोभ, दोगु, कपट, लालच, भुंडली नोजोर, चाहाळी, मोटायकी एने बिन ओकली निकवतेली छे.

योहान 15:22

ओगर मी नि आवतू एने तिंदरे पुठी वाते नि कोरतु, ती चे पापी नि ठेरायता; बाकीन हिनुक हिंदरा पापोन कोरता कहाणलु बहानु नि होय.

योहान 15:24

कोदि मे तिंदरेमा जो काम नि कोरतु जो एने कुदु नि कोऱ्या, ती चे पापी नि ठेरायता; बाकीन हिमी ते चे मेसेक एने मारू बास दुयू काजे देख्या एने दुयू पुठी दुष्मोनी कोऱ्या.

रोमी 3:20

काहाकि शास्त्रनियम कामोसी काहनो प्राणी तेरे सामने धोरमी नी ठेराये, इनान कोरता कि शास्त्रनियमोन लारे पापोन उवखोन होयतलो.

रोमी 4:15

शास्त्रनियम ते रीस उपजावेतली, एने जा शास्त्रनियम नी होय, चा तेरो नियम तुडनो बी नी होय.

रोमी 5:20

शास्त्रनियम इचमा आव लागी कि गुणा घोन सोवटा छे बाकीन जा पाप जादा छे, चा दया तेरे गोथी बी जादा होई.

रोमी 7:11

काहाकि पाप टेम देखीन आग्यान लारे मेसे काजे बहकव्यू, एने तिनान लारे मेसेक मारी बी देदु.

रोमी 7:13

ती काय जी वारली होती, ची मारेन कोरता मोत बोन गोयी? कोदि नी, बाकीन पाप तिनी वारला चीजोन लारे मारेन कोरता पोयदा कोरणे वावू आव्यु कि तेरो पाप होयनो सामने आवे एने आग्यान लारे पाप घोन सोवटो ठेराय.

रोमी 7:17

ती ओसली दोशामा तिनान कोरणे वावू मे नी होय, बाकीन पाप जू मारेमा बोस रोयू.

रोमी 7:9

मे ते बिना शास्त्रनियोम पेहेले जीवतलु होतु, बाकीन जेतार आग्या आवी, ती पाप जीव गोयो, एने मे मोर गोयू.

1 कुरीन्थियो 15:56

मोतोन डंक पाप छे, एने पापोन ताकत नियम शास्त्र छे.