रोमी 7:6 - बारेली पावरी

⁶ बाकीन हिमी जिनान बंधनमा आमु होता तिनान कोरता मोरीन हिमी शास्त्रनियमोन नुसार ओसा छुट गोया कि लिखलान जूनली रितीन अनसारे नि बाकीन आत्मान नोवली रितीसी सेवा कोरतेला छे.

रोमी 7:6 ပူးပေါင်းရင်းမြစ်များ

रोमी 1:9

परमेश्वर जेरी सेवामा आपनी आत्मा काजे तेरा पुऱ्यान वारली खोबरोन बारामा कोयतेला छे होयुत मारू गोवा छे कि मी तुमु काजे काहना रितीसी हमेशा फोम कोरतू रोयतेलू.

रोमी 12:2

इना संसारोन तोसा मा बोनु, बाकीन तुमरो मोन नोवला होयनेसी तुमरी चाल-चलन बी बोदेलतो जाय, जिनासी तुमु परमेश्वरोन वारली एने गोवणे वावो, एने पाकी मोर्जी अनुभव सी मालूम कोरता रोयू.

रोमी 6:11

ओसात तुमु बी आपना खुदो काजे पापोन कोरता ते मोर गोयू बाकीन परमेश्वरोन कोरता मसिह येसुमा जीवतला सोमजू.

रोमी 6:19

मे तुमरे डीलोन कोमजूरी पोरसी माणसोन रिती पोरसी कोयो कि जोसो तुमु आपना डीलोक भुंडला कामोन गुलाम कोरीन होवाले कोरलो होतो तोसोत हिमी चुखलान कोरता धोरमीन गुलाम कोरीन सोप देवू.

रोमी 6:2

कोबी नि, आपु जेतार पापोन कोरता मोर गोया ती ओवतेन ओवी तीनामा कोसा जीवन जोगजे?

रोमी 6:22

बाकीन हिमी पापोमा गोथा छुटकारू होयीन एने परमेश्वरोन दास बोनीन तुमु काजे फोव जोळे जीनासी चुखलाय जोळतली छे तेरो ओमोरकाईन जीवन छे,

रोमी 6:4

आखरी, तीना मोरनोन बाप्तिस्मा होयनेसी आपु तीना साते गाळाय गोया काहाकि जोसो येसु मसिह काजे बासोन महिमान लारे मोरलामा गोथू जीवाळाय गोयो तोसोत आपु बी नोवला जीवनोन चाल चालजे.

रोमी 7:1

हे भाशो काय तुमुक नी मालूम होय, मे नियम जानणे वावा काजे कोयो कि जत्यार तोक माणूस जीवतलु रोयतलू तेत्यार तोक तीना पोर नियमोन होक रोयतलु छे?

रोमी 7:2

काहाकि वियाव कोरला बायर नियमोन अनसारे आपना ओदमी काजे जीवतलेन बांधायली छे बाकीन लाडूस मोर जाय ती ची तेरा घोरवावान नियमोन अनसारे छुट जाय.

रोमी 7:4

तोसोत हे मारा भाशो, तुमु बी येसु मसिहन डीलोन लारे शास्त्रनियमोन कोरीन मोरला बोन गोया कि तिना दिसरान होय जाय, जू मोरलामा गोथू जीव उठ्यू; काहाकि आपु परमेश्वरोन कोरीन फोव लावे.

2 कुरीन्थियो 3:6

जू आपनु काजे नोवला वायदान सेवक बोननेन लायक बी बोनाव्यू बुलनोन सेवोक नी बाकीन आत्मान, शब्द मारतलु छे एने आत्मा जीवाळतलु छे.

2 कुरीन्थियो 5:17

इनान कोरता अगर कुदू मसिहमा छे ती चा नोवला पोयदाईश छे, जूनला वाते जाता रोया देखू आखा वाते नोवला होय गोया.

गलातियों 3:13

मसिह जू आमरेन कोरीन शापित बोन्यू, आमुक मुले लीन नियम शास्त्रान श्रापमा गोथू छुळाव्यू काहाकि लिखलो छे “जू कुदु ख्रुस पोर चोळावतला चू शापित छे.”

गलातियों 6:15

काहाकि सुंता एने नी सुंता होयला काहीन छे, बाकीन नोवली कोव.

इफिसीयो 4:24

एने नोवला माणसो काजे पेहेर लेवू जो परमेश्वरोन अनसारे खोरलान धारमिकता एने पवित्रतामा बोनावलु छे.

फिलिप्पि 3:3

काहाकि सुंता वावा ते आमुत छे जी परमेश्वरोन आत्मान ओगवाईसी आराधना कोरतेला, एने मसिह येसु पोर मोटाय कोरतेला छे, एने डीलोपोर भुरसू नी कोरतेला.

कुलुस्सि 3:10

एने नोवला माणूस काजे पेहेर लेदला छे, जे आपना बोनावने वावान सारकु ग्यान हासील कोरनेन कोरता नोवलो बोनतो जातलो छे.