रोमी 7:5 - बारेली पावरी

⁵ काहाकि जेतार आमु डीलोमा होता ती पापोन लालच जे शास्त्रनियमोन लारे होतो मोरनोन फोव पोयदा कोरनेन कोरता आमरा डीलोमा काम कोरती होती.

रोमी 7:5 ပူးပေါင်းရင်းမြစ်များ

मत्ती 15:19

काहाकि भुंडला विचार, खुन, सिनावो, भुंडला विचार, चुरी, झुटी गोवायी एने बुराई, मोनोसी निकवतली छे.

योहान 3:6

काहाकि जे डीलोसी जन्म होयला छे, चे डील से एने आत्मासी जन्म होयलो छे, चे आत्मा छे.

रोमी 1:26

इनान कोरता परमेश्वर तीनु काजे भुंडला कामोमा छुळ देदु; न्या तोक कि तिंदरा बायराबी वारला व्यहवार काजे तीनासी जो स्वभावोन खिलापमा छे बोदली नाख्या.

रोमी 3:20

काहाकि शास्त्रनियम कामोसी काहनो प्राणी तेरे सामने धोरमी नी ठेराये, इनान कोरता कि शास्त्रनियमोन लारे पापोन उवखोन होयतलो.

रोमी 4:15

शास्त्रनियम ते रीस उपजावेतली, एने जा शास्त्रनियम नी होय, चा तेरो नियम तुडनो बी नी होय.

रोमी 5:20

शास्त्रनियम इचमा आव लागी कि गुणा घोन सोवटा छे बाकीन जा पाप जादा छे, चा दया तेरे गोथी बी जादा होई.

रोमी 6:13

एने नी आपना डीलो काजे धोरमोन हत्यार होयने कोरता पापोन होवाले कोऱ्या एने आपना खुदो काजे मोरलामा गोथा जीव उठनेन जानीन परमेश्वरोन होवाले कोऱ्या एने आपना डीलो काजे अधोरमोन हत्यार होयनेन कोरता परमेश्वर काजे आप देदा.

रोमी 6:19

मे तुमरे डीलोन कोमजूरी पोरसी माणसोन रिती पोरसी कोयो कि जोसो तुमु आपना डीलोक भुंडला कामोन गुलाम कोरीन होवाले कोरलो होतो तोसोत हिमी चुखलान कोरता धोरमीन गुलाम कोरीन सोप देवू.

रोमी 6:21

आखरी जिनी वातोसी हिमी तुमु लाजवायतला, तीनु काजे तिनी टेमे तोक काय फोव जोळतलो? काहाकि तेरो आखरी ते मुसा छे,

रोमी 6:23

काहाकि पापोन दाहाळकी ते मोत छे बाकीन परमेश्वरोन वरदान आपना प्रभू येसु मसिहमा ओमोर जीवन छे.

रोमी 7:23

बाकीन मेसेक आपना डीलोमा दिसरे भातीन शास्त्रनियम देखाय देतली छे, जी मारे बुद्धीन नियमोसी लोळायतली छे एने मेसे काजे पापोन शास्त्रनियमोन बंधनमा नाखतेली जी मारे डीलोम छे.

1 कुरीन्थियो 15:56

मोतोन डंक पाप छे, एने पापोन ताकत नियम शास्त्र छे.

2 कुरीन्थियो 10:3

काहाकि हांजू तोक आमु डीलोसी चालतला फिरतेला, ते बी डीलोन अनसारे नि लोळतेला.

गलातियों 3:10

इनान कोरता जोत्रा माणसे नियम शास्त्रान कामो पोर भुरसू कोरलामा चे आखा पापोन ताबामा छे, काहाकि लिखलो छे “जू कुदू नियम शास्त्रान किताबमा लिखला आखा वातो काजे पावनेमा चात नी रोयतलु चू शापित छे.”

गलातियों 5:24

एने जो मसिह येसुन छे, तिंदरा मोर्जी काजे एने भुंडली मोर्जी पुठी ख्रुस पोर चोळाय गोयला छे.

इफिसीयो 2:11

इना वजेसी फोम कोरु कि तुमु जे डीलोन रितीमा दिसरा जातीन छे एने जे माणसे डीलोन हातोसी कोरला सुंतान सुंता वावा कोवायता होता चे तुमु काजे बिगर सुंता वावा कोयतेला.

इफिसीयो 2:3

इनामा आमु बी आखान आखा पेहेले आपना डीलोन मोर्जीमा दाहळा जावाळता होता एने मोनोन मोर्जी पुरी कोरता होता एने दिसरा माणसो सारखो स्वभाव सी रीसोन पुऱ्या होता.

कुलुस्सि 3:5

इनान कोरता आपना इना डीलो काजे मार देवू, जो धोरती पोर छे मतलब व्यभिचार, भुंडला काम, दुष्कामना, बुरी लालच एने लोभ काजे मूर्ती पूजान बराबर छे.

तीतुस 3:3

काहाकि आमु बी पेहेले बिन ओकल्या, एने आग्या नि मानने वावा, एने शंकामा पोळला एने भाती-भातीन लालच एने सुखविलासन गुलामीमा होता, एने भेदभाव, एने रीस कोरनेमा जीवन जीवता होता, एने भुंडला होता एने एक दिसरा पुठी सिगी कोरता होता.

याकुब 1:15

तेत्यार लालच भारपाये होईन पापो काजे जन्म आपे, एने पाप जेतार जाफा होय जातलो छे तेत्यार मोत काजे पोयदा कोरतेला छे.

याकुब 4:1

तुमरेमा लोळाय एने झोगळू का गोथा आव लाग्या? काय तीना सुख एने विलासो मा नि जो तुमरे डीलोमा लोळायतला एने कुटायतला छे?

1 योहान 3:4

जू कुदु पाप कोरतेलु छे चू नियम शास्त्रण खिलाप कोरतेलू छे; एने पाप ते नियम शास्त्रण खिलाप छे.