रोमी 7:4 - बारेली पावरी

⁴ तोसोत हे मारा भाशो, तुमु बी येसु मसिहन डीलोन लारे शास्त्रनियमोन कोरीन मोरला बोन गोया कि तिना दिसरान होय जाय, जू मोरलामा गोथू जीव उठ्यू; काहाकि आपु परमेश्वरोन कोरीन फोव लावे.

रोमी 7:4 ပူးပေါင်းရင်းမြစ်များ

मत्ती 26:26

जेतार चे खाय रोया होता ती येसु रुटू लेदू एने आशिष मांगीन एने रुटू तुळीन चेलाक कोयू, “खावू यो मारो डील छे,”

मरकुस 4:20

एने जो वारले जागे वेराय गोयो, ये चे छे जे वचन सोमवीन स्वीकार कोरतेला एने फोव लावतेला काहनो तीस गुणा, काहनो साठ गुणा एने काहनो सोव गुणा.

योहान 15:8

मारा बासोन महिमा इनासी होयतेली छे कि तुमु घोनो सोवटो फोव लावे, तेत्यारुत तुमु मारा चेला ठरसु.

योहान 3:29

जेरी लाडी छे; चू लाडू छे बाकीन लाडान दुस्तीदार जू उभरोयीन तेरी सोमवतलु, लाडान बुलोसी घोनु खुश होयतलु; हिमी मारी जी खुशी पुरी होयली छे.

योहान 6:51

जीवनोन रुटू जो सोरगे गोथो उतऱ्यु, मी छे कोबी कुदू इना रुटाम गोथू खाय, ती कायम जीवतलु रोयसे; एने यु रुटू मे जोगोन जीवनोन कोरता आपीस, चो मारो मास छे.”

रोमी 6:11

ओसात तुमु बी आपना खुदो काजे पापोन कोरता ते मोर गोयू बाकीन परमेश्वरोन कोरता मसिह येसुमा जीवतला सोमजू.

रोमी 6:14

तेत्यार तुमरे पोर पापोन बंधन नी रोये काहाकि तुमु शास्त्रनियमोन ताबामा नी होय बाकीन दयान ताबामा छे.

रोमी 6:2

कोबी नि, आपु जेतार पापोन कोरता मोर गोया ती ओवतेन ओवी तीनामा कोसा जीवन जोगजे?

रोमी 6:22

बाकीन हिमी पापोमा गोथा छुटकारू होयीन एने परमेश्वरोन दास बोनीन तुमु काजे फोव जोळे जीनासी चुखलाय जोळतली छे तेरो ओमोरकाईन जीवन छे,

रोमी 7:3

इनान कोरता ओगर घोरवावान जीवतेलामा ची काहनास दिसरान लाडी बोन जाय ती चो व्यभिचार कोवायसे बाकीन अगर लाडूस मोर जाय, ती ची तिना शास्त्रनियमोन गोथो छुट जाय न्या तोक कि अगर काहनास दिसरा माणसोन होय जाय ते बी सिनावो नी कोवाये.

रोमी 7:6

बाकीन हिमी जिनान बंधनमा आमु होता तिनान कोरता मोरीन हिमी शास्त्रनियमोन नुसार ओसा छुट गोया कि लिखलान जूनली रितीन अनसारे नि बाकीन आत्मान नोवली रितीसी सेवा कोरतेला छे.

रोमी 8:2

काहाकि जीवनोन आत्मान शास्त्रनियमोन जो येसु मसिहमा मेसेक पापोन एने मोतोन शास्त्रनियम सी आजाद कोर देदू.

1 कुरीन्थियो 10:16

चे धन्यवादन वाटको जीना पोर आपनु धन्यवाद कोरतेला काय येसुन लुयोन सहभागीता नी होय? चू रुटू जिना काजे आपनु भांगतेला काय चो येसु मसिहन डीलोन सोहोभागीता नी होय?

2 कुरीन्थियो 11:2

काहाकि मे तुमरा बारामा परमेश्वरोन आवाजोन आस लागाळतलु, इनान कोरता मे एकुत ओदमी पुठी तुमरी जूळावनी कोरतेलू तुमु चुखला कुवारी सारखा मसिह काजे सोप देवू.

गलातियों 3:13

मसिह जू आमरेन कोरीन शापित बोन्यू, आमुक मुले लीन नियम शास्त्रान श्रापमा गोथू छुळाव्यू काहाकि लिखलो छे “जू कुदु ख्रुस पोर चोळावतला चू शापित छे.”

गलातियों 5:18

एने ओगर तुमु आत्मान चाल पोर चालता होसे ती नियम शास्त्रान ताबामा नी रोये.

इफिसीयो 2:15

एने आपना डीलोमा दुष्मोनी मतलब चे नियम शास्त्र जेरी आग्या नियमोपोर होती मिटाळ देदु कि दुयोसी आपनेमा एने नोवलु माणूस पोयदा कोरीन मेवाळ देदु.

फिलिप्पि 1:11

एने तीना धारमिकतान फोवोसी यो येसु मसिहन लारे होयतेली छे, पुरा कोरता जावू जीनासी परमेश्वरोन महिमा एने बोढाई होयती रोये.

फिलिप्पि 4:17

यो नी कि मेसेक दान जुवे बाकीन मेसेक ओसो फोव जुवे जो तुमरा फायदान कोरता बोढतो जाय.

कुलुस्सि 1:10

काहाकि तुमरी चाल चलन प्रभून लायक जुवे, एने चे आखा चीजोसी खुश होये, एने तुमरेमा आखा चीजोन वारला कामोन फोव लावे, एने तुमु परमेश्वरोन उवखानमा बोढता जावू.

कुलुस्सि 1:22

चू हिमी तेरो शारीरिक डीलोमा मोरोनोन लारे तुमरेसी मेव कोर देदू काहाकि तुमुक तेरे ओगोव चुखला एने बेगुना बोनावीन तिनाक उबराखसे.

कुलुस्सि 1:6

जो तुमरेनचा पुगलो छे एने जोसो जोगोमा बी फोव लावे एने बोढतो जातलो छे, तोसोत जिने दाहळे गोथो तुमु तीनाक सोमव्या एने खोरायसी परमेश्वरोन दया उवखी लेदा तुमरेमा बी ओसोत कोरतेला छे.

कुलुस्सि 2:14

एने नियमोन चू लेख जू आपना नावो पोर एने आपसे दुष्मोन होतो मिटाव देदा एने तीनाक ख्रुस पोर खिवा ठुकीन ओगोव गोथू छेटो कोर देदू.

कुलुस्सि 2:20

जेतार कि तुमु मसिह साते जोगो काजे पेहेलेन शिक्षा भूनी गोथा मोर गोया, ओवतेन काहा तिंदरे सारखा जे जोगोमा छे जीवन जोगतला छे? तुमु ओसली विधीन ताबामा काहा रोयतला.

इब्रानियो 10:10

इना मोर्जीन लारे येसु मसिहन डीलोन एकुत कावा हमेशान कोरता बलिदान चोळाव जाणेसी आपु चुखला कोराय गोयला छे.”

1 पतरस 2:24

चू खुद आपना पापो काजे, आपनी डील पोर लीन ख्रुस पोर चोळ गोयू, जेरेसी आमु पापोन कोरता मोरीन धारमिकतान कोरता जीवन जीवसु, तेरे मार खाणेसी तुमु वारला होया.

प्रकाशित वाक्य 19:7

आवू, आमु खुशी एने मोंगोन होयू, एने तेरी महिमा कोरु, काहाकि गाडरान वियाव आव लागलु छे, एने तेरी लाडी आपना खुदो काजे तीयार कोर लेदली छे.

प्रकाशित वाक्य 21:9

ओवतेन जीनु सात सोरग दूतो जुव सात आखरी पिळा सी भोरलो सात वाटका होता, तीनामा गोथो एक मारेंचा आव्यु, एने मारे पुठी वाते कोरीन कोयू, “उरू आव, मे तुसेक लाडी मतलब गाडरान लाडी देखाळीस.”