रोमी 5:2 - बारेली पावरी

² जिनान लारे भुरसान वजहसी तिना दया तोक जीनामा आमु बोनला छे, जा आमु पुग बी गोया एने परमेश्वरोन महिमान आसोपोर मोटाय कोरे.

रोमी 5:2 ပူးပေါင်းရင်းမြစ်များ

मत्ती 25:21

तेरु माहाराज तिना काजे कोयू, “सोयावा वारला एने भुरसान लायक पावोर, तू थुलाकमा भुरसान लायक रोयू; मे तुसेक घोणा सोवटा चीजोन अधिकारी बोनावीस, आपना महाराजोन खुशीमा सहभागी होय जा.”

योहान 10:7

तेत्यार येसु तीनु काजे ओवी कोयू, “मे तुमु काजे छाचलीन-छाचलीन कोयो कि गाडरान झोपलु मी छे,

योहान 10:9

झोपलु मी छे अगर कुदू मारे झोपले माइन भोराये ती छुटकारू जोळसे एने माही-बारथे आव जाव कोरसे एने चारू जोळसे.

योहान 14:6

येसु तीनु काजे कोयू, “वाट एने खोरलु एने जीवन मेत छे; बिना मारे विगुर कुदू बासोनचा नि पुग सोकतलु.

योहान 5:24

मे तुमु काजे छाचलीन-छाचलीन कोयो, यु मारू बुल सोमवीन मारा मुकलने वावा पोर भुरसू कोरतेलू छे, ओमोर जीवन तेरोत छे; एने तिना पोर दोंडोन आग्या नि होयतेली बाकीन चू मोरनेमा गोथू पार होयीन जीवनमा भोराय गोयलु छे.

प्रेषित 14:27

चा पुगीण चे मंडवी काजे एखठा कोऱ्या एने जो काहीन परमेश्वर तिंदरे साते कोरलु होतु तीनाक कोयीन सोमवाळ्या एने यो बी कि काहना भातीन परमेश्वर दिसरा जातीन कोरता विस्वासोन झोपलु उगाळलो छे.

रोमी 11:20

वारलो छे, चे ते अविस्वासीन वजेसी काटाय गोया, बाकीन तू भुरसू सी पाकु रोयतलु इनान कोरता अभिमानी मा होये, बाकीन बिक मान.

रोमी 12:12

आसमा खुश रोयू; दुखोमा नी बिहीता उबरोयू, प्रार्थना हमेशा कोरता रोयू.

रोमी 14:4

तू कून छे जू दिसरान सेवक पोर गुणू लागाळतलु? तेरो सुदो होयनो नि ते पोड जाणो तेरा मालिक साते रीसतो मेकतलु; बाकीन चू सुधू कोराय जासे, काहाकि प्रभू तीनाक पाकु कोर सोकतेलु.

रोमी 15:13

परमेश्वर जू आसोन दाता छे तुमुक भुरसू कोरणेमा आखा रितीन खुशी एने शांतीसी पुरेपूर कोरे, कि पवित्र आत्मान ताकतसी तुमरी आस बोढती जाय.

रोमी 2:7

जू वारला कामोन एकुत जागे उबो रोयीण, महिमा एने, आदर, एने ओमोर हेरेमा छे तीनुक चू ओमोर जीवन आपसे;

रोमी 3:23

इनान कोरता कि आखा पाप कोरतेला छे एने परमेश्वरोन महिमासी छेटा छे,

रोमी 5:5

एने आस सी लाज नी आवतेली काहाकि पवित्र आत्मा जू आमु काजे आपलो छे तिनान लारे परमेश्वरोन मोंग आमरा मोनोन भोर देदला छे.

रोमी 8:1

आखरीमा हिमी जे येसु मसिहमा छे तीनु पोर दोंडोन आग्या नी होय काहाकि चे डीलोन अनसारे नी बाकीन आत्मान अनसारे चालतला.

रोमी 8:24

आखान लारे आमरो छुटकारू होयलो छे; बाकीन जिना चीजोन आस कोराय जातली छे, जेतार चो देखणेमा आवे ती ओवतेन आस का रोयी? काहाकि जिना चीजो काजे कुदू देख रोयू तेरी आस काय कोरसे?

1 कुरीन्थियो 15:1

हे भाशो हिमी मे तुमुक काजे वारली खोबरोन प्रचार देखाळो जो पेहेले सोमवाळ देदलु छे, जीनाक तुमु स्वीकार बी कोर लेदला होता एने जिनामा तुमु पाका बी छे.

2 कुरीन्थियो 3:18

बाकीन जेतार आपनु आखान उगाळला चेहरासी प्रभून विजावो इना रितीसी छे, जिना रितीसी आरसामा प्रभून लारे जू आत्मा छे आपनु तीना विजावा रुपमा थुलो-थुलो कोरीन बदलता जातला छे.

2 कुरीन्थियो 4:17

काहाकि आपनो थुलोक वारोन कोरलो दुख आपनेन कोरता जुदो महत्वान एने ओमोर महिमा पोयदा कोरतेला;

इफिसीयो 2:18

काहाकि तिनान लारे आमु दुयू एक आत्मामा बासोनचा पुगाळतलो.

इफिसीयो 3:12

जीनामा आमु काजे तीना पोर भुरसू कोरणेसी हिंमत भुरसासी परमेश्वर साते आवनेन होक छे.

इफिसीयो 6:13

इनान कोरता परमेश्वरोन आखा हत्यार बांध लेवू कि तुमु काठला दाहळामा लोळाय सोकसू, एने आखो काहीन पुरो कोरीन बोनला रोय सोकू.

2 थिस्सलुनीकियो 2:16

आमरू प्रभू येसु मसिह आपसुत, एने आमरू बास परमेश्वर जू आमरेपोर मोंग कोऱ्यु एने ओमोरकाई शांती एने वारली आस आपलु छे.

इब्रानियो 3:6

बाकीन मसिह ते पुऱ्यान रुपमा परमेश्वरोन घोरोमा अधिकारी छे, एने तेरो घोर आमु छे ओगर आमु आपना धीरोन एने आसोन मोटाय काजे आखरी तोक पाका रोये.

इब्रानियो 6:18

कि आपनु दुय पाका वातोन लारे जीना बारामा परमेश्वरोन झूट ठरण नि होयने वावो छे, आपनो हिंमतसी वातळो बांदाय जा शरण लेनेन कोरीन एरेन कोरता दोवळे कि तिनी आस काजे ली लेये.

1 पतरस 3:18

एरेन कोरता मसिह भी, मतलब अधोरमीन कोरता धोरमी, पापोन वजेसी एक कावा दुख झेललु तेत्यार आमु काजे परमेश्वरोनचा पुगाळे, चू डीलोन भाव से ती माराव देदा, बाकीन आत्मान भावमा जीवतु होय जासे.

प्रकाशित वाक्य 21:11

परमेश्वरोन गौरव हिंदरेमा होतो, एने तेरो विजावो जादात किमती वानी दोगळू, मतलब बिलोराण तोसलु योशोबोन तोसु चुखलु होतु.

प्रकाशित वाक्य 21:23

तिना गावमा सूर्यान एने चांदोन विजावान गोरोज नी होय, काहाकि परमेश्वरोन तेजोसी तिनामा विजावो होयलो छे, एने गाडरु हिंदरु दिवू छे.

प्रकाशित वाक्य 21:3

पोछु मे सिहासन मा गोथू काहनास काजे उचला बुलोसी यो कोयतेलू सोमव्यू, “देख, परमेश्वरोन डेरू माणसोन इचमा छे चू हिंदरे साते डेरू कोरसे, एने चे हीना माणसे होयसे, एने परमेश्वर खुद हिंदरे साते रोयसे एने तिंदरू परमेश्वर होयसे.

प्रकाशित वाक्य 3:21

जो जय हासील कोरे, मे तीनाक मारे पुठी मारा सिहासन पोर बोसाळीस, जोसू मे बी जय हासील कोरीन मारा बासो पुठी तेरा सिहासन पोर बोठ गोयू.