रोमी 5:1 - बारेली पावरी

¹ आखरी, जेतार आमु भुरसासी धोरमी ठेराया, ती आपना प्रभू येसु मसिहन लारे परमेश्वर साते मेव राखे.

रोमी 5:1 ပူးပေါင်းရင်းမြစ်များ

लुका 19:38

“सोयावा छे चू राजा, जू प्रभू नावोसी आवतेलो छे, सोरगोमा शांती एने सोरगोमा महिमा होये”

लुका 19:42

एने कोयू, “काय यो वारू होयतो कि तू, होय तूच, इना दाहळामा वारली वाते जान्तु, हिमी जी तारा डूवामा गोथी डूकाय गोयली छे.

लुका 2:14

“सोरगोमा परमेश्वरोन महिमा एने धोरती पोर जीना माणसोमा चु खुश छे, शांती होये.”

योहान 14:27

मे तुमुक शांती आप दोम, मारी शांती तुमुक आप दोम; जोसो जोग आपतला छे, तोसो मे तुमुक नि आपो, तुमरो मोन कासावीस नि होये एने मा बिहू.

योहान 16:33

मे जे वाते तुमु काजे इनान कोरता कोयलु छे कि तुमुक मारेमा शांती जोळे जोगोमा तुमुक दुख होयतलो छे, बाकीन हिंमत धरु, मे जोगो काजे जीक लेदलु छे.

योहान 20:31

बाकीन जे इनान कोरता लिखाय गोयला छे कि तुमु भुरसू कोरे कि येसु परमेश्वरोन पुऱ्यु मसिह छे, एने भुरसू कोरीन हेरे नावोसी जीवन लेये.

योहान 5:24

मे तुमु काजे छाचलीन-छाचलीन कोयो, यु मारू बुल सोमवीन मारा मुकलने वावा पोर भुरसू कोरतेलू छे, ओमोर जीवन तेरोत छे; एने तिना पोर दोंडोन आग्या नि होयतेली बाकीन चू मोरनेमा गोथू पार होयीन जीवनमा भोराय गोयलु छे.

प्रेषित 10:36

जो वचन चू इस्राईलोन चा मूकल्यु, जेतार चू येसु मसिहन लारे (यो आखो काहीन प्रभू छे) शांतीन वारली खोबर सोमवाळ्यु.

रोमी 1:17

काहाकि तीनामा परमेश्वरोन धोरमी विश्वासी सी एने भुरसान कोरता प्रगट होयतेली छे; जोसो लिखलो छे “विश्वासी धोरती पोर जीवतला रोयसे.”

रोमी 1:7

तीनु आखान नावे जे रोममा परमेश्वरोन मोंगावा छे एने चुखला होयनेन कोरीन बुलावला छे; आखान बास परमेश्वर एने प्रभू येसु मसिहनचा गोथो तुमु काजे दया एने शांती जोळतली.

रोमी 10:10

काहाकि धारमिकतान कोरता मोनोसी भुरसू कोराय जातलो छे, एने छुटकारान कोरता मुयोसी स्वीकार कोराय जातलो छे.

रोमी 10:15

एने अगर मुकले नीती कोसा प्रचार कोरे? जोसो लिखलो छे “तिंदरा पाय कोतरा घाटावा छे जे वारली वातोन वारली खोबर प्रचार सोमवतला छे.”

रोमी 14:17

काहाकि परमेश्वरोन राज खाणा-पिनान नि होय, बाकीन धोरमी एने हिव मेवीन एने जो खुशीमा छे जू पवित्र आत्मासी रोयतलु.

रोमी 15:13

परमेश्वर जू आसोन दाता छे तुमुक भुरसू कोरणेमा आखा रितीन खुशी एने शांतीसी पुरेपूर कोरे, कि पवित्र आत्मान ताकतसी तुमरी आस बोढती जाय.

रोमी 15:33

शांतीन परमेश्वर तुमरे आखान साते रोये. आमेन.

रोमी 3:22

मतलब परमेश्वरोक जी धारमिकता जो येसु मसिह पोर भुरसू कोरणेसी आखा भुरसू कोरनेवावान कोरता छे. काहाकि काहीन भेद नि होय;.

रोमी 3:30

काहाकि एकुत परमेश्वर छे, जू सुंता वावा काजे भुरसासी एने सुंता नि कोरला काजे बी भुरसान लारे धोरमी ठेराव्यू.

रोमी 4:5

बाकीन जो काम नी कोरे बाकीन बिना भोक्तीन धोरमी ठेरायने वावा पोर भुरसू कोरतेलू, तेरु भुरसू तेरेन कोरता धोरमी गीनाय जातलो.

रोमी 5:11

निस्तो योत नी, बाकीन आमु आपना प्रभू येसुन मसिहन लारे आमरू मेव होयतलु छे एने परमेश्वरमा खुश होयला से.

रोमी 5:18

इनान कोरता जोसो एक गुणू आखा माणसोन कोरता मोतोन मतलब बोने, तोसोत एक धोरमोन काम बी आखा माणसोन कोरता जीवनोन कोरता धोरमी ठेरायसे.

रोमी 6:23

काहाकि पापोन दाहाळकी ते मोत छे बाकीन परमेश्वरोन वरदान आपना प्रभू येसु मसिहमा ओमोर जीवन छे.

रोमी 9:30

आखरी आमु काय कोयजे? यो कि दिसरा जाती बी धारमिकताक नी हेरता होता धारमिकता लीन तीना धारमिकता काजे भुरसासी छे.

गलातियों 2:16

ते बी यो सोमजीन कि माणूस नियम शास्त्रान कामोसी नी पुन निस्तु येसु मसिह पोर भुरसू कोरणेन लारे धोरमी गीनायतेलु छे, आमु ते खुद भी येसु मसिह पोर भुरसू कोरणेसी धोरमी ठेहऱ्या; इनान कोरता नियम शास्त्रान कामोसी कुदू प्राणी धोरमी नी ठेराये.

गलातियों 3:25

बाकीन जेतार भुरसू आव लाग्यू, ती आपनु आखा हिमी मास्तोरोन ताबामा नी रोयजे.

गलातियों 5:22

बाकीन आत्मान फोव, मोंग, खुशी, शांती, धीर, दया, भोलाई, भुरसू.

इफिसीयो 2:7

कि चू आपनी तिना दयासी जू मसिह येसुमा आमरेपोर छे आवने वावा टेमोन आपना दयान घोन सोवटो धोन देखाळे.

फिलिप्पि 3:9

एने तीनामा जोळो नी कि आपना धारमिकता साते जी शास्त्रनियमोसी छे बाकीन तिना धारमिकता साते जू मसिह पोर भुरसू कोरनेन वोजेसी एने परमेश्वरोन भूनी गोथो भुरसू कोरनेसी जोळतली छे.

कुलुस्सि 1:20

एने तेरे ख्रुस पोर वोयलो लुयोन लारे मेवाळने कोरीन आखा चीजोन तेरेत लारे आपने साते मेवाय जाय चाहे चे धोरती पोरला होय कि सोरगो मायला होय.

कुलुस्सि 3:15

मसिहमा शांती जिनान कोरता तुमु एक डील होयीन बुलावला छे तुमरा मोनमा राज कोरे, एने धन्यवाद कोरता रोये.

1 थिस्सलुनीकियो 5:23

शांतीन परमेश्वर तुमु काजे आखी रितीसी चुखलो कोरे; एने तुमरी आत्मा एने जीव एने डील आपना प्रभू येसु मसिहन आवने तोक पुरो पूर एने निरदोष, एने वारला रोये.

2 थिस्सलुनीकियो 3:16

हिमी प्रभू जू शांतीन झोरू छे खुद ते तुमुक कायम एने होर एक भातीन शांती आपे. प्रभू तुमरे आखा साते रोये.

इब्रानियो 13:20

हिमी शांती दाता परमेश्वर, जू गाडरान महान राखवाव आपना प्रभू येसु काजे ओमोरकाईन वायदान कोरता लुयोन लारे मोरलामा गोथू जीवतु कोर देदु.