रोमी 3:4 - बारेली पावरी

⁴ कोदि बी नी, बाकीन परमेश्वर खोरलू एने होर एक माणूस झुटू ठेरायसे, जोसो लिखलो छे “जीनासी तू आपनी वातोमा धोरमी ठेरावणे एने नियाव कोरनेन टेमे तुसेक जीत जोळे.”

रोमी 3:4 ပူးပေါင်းရင်းမြစ်များ

मत्ती 11:19

माणसोन पुऱ्यु खातू-पीतू आव्यु, एने कोयतेला, देखू, खादळ्यु एने मोंदळ्यु माणूस, फावू लेनेवावा एने पापी माणसोन दुस्तीदार बाकीन ग्यान तेरा काममा खोरलो ठेराय गोयलो छे.

लुका 20:16

चू आवीन तीनु खेत कोरने वावा काजे मार देसे, एने आंगुरोन वाळी दिसरा काजे आपसे, यो सोमवीन चे कोया “परमेश्वर कोरे ओसो नि होये.”

योहान 3:33

जू तेरी गोवायी मान लेदू चू इनी वातोपर छापू लागाळ देदू कि परमेश्वर खोरलू छे.

रोमी 11:1

इनान कोरता मे कोयो कि काय परमेश्वर आपनी प्रजा काजे छुळ देदू? कांखुर माईन नीती! मे बी इस्राईली छे; अब्राहाम पोयदावारी एने बिन्यामीनोन पिढीमा गोथू छे.

रोमी 11:11

आखरी मे कोयो कि काय चे इनान कोरता ठूकर खाईन हिट पोळ्या? कोबी नी, बाकीन तिंदरो पोळनेन वोजा दिसरा जातीक छुटकारू जोळे, कि इस्राईल काजे कुहराय आवे.

रोमी 3:31

ती काय आमु शास्त्रनियम काजे भुरसान लारे, बिन कामोन ठेरावतेला? कोदि नी, बाकीन शास्त्रनियोम काजे मजबूत कोरतेला.

रोमी 6:15

ती काय होयो? काय आपु इनान कोरता पाप कोरजे कि आपु शास्त्रनियमोन ताबामा नी बाकीन दयान ताबामा मा छे? कोदि बी नी,

रोमी 6:2

कोबी नि, आपु जेतार पापोन कोरता मोर गोया ती ओवतेन ओवी तीनामा कोसा जीवन जोगजे?

रोमी 7:13

ती काय जी वारली होती, ची मारेन कोरता मोत बोन गोयी? कोदि नी, बाकीन पाप तिनी वारला चीजोन लारे मारेन कोरता पोयदा कोरणे वावू आव्यु कि तेरो पाप होयनो सामने आवे एने आग्यान लारे पाप घोन सोवटो ठेराय.

रोमी 7:7

ती आमु काय कोयजे? काय शास्त्रनियम पाप छे? कोबी नि, बाकीन बिना शास्त्रनियमोन मे पापो काजे नी उवखी सोको, अगर शास्त्रनियम नी कोयती कि लालच मा कोरे ती मे लालच काजे नी जानतू,

रोमी 9:14

इनान कोरता आमु काय कोयजे? काय परमेश्वरोनचा अधोरमोन छे कांखुर मायीन नी.

1 कुरीन्थियो 6:15

काय तुमु नी जानता कि तुमरो डील परमेश्वरोन डील छे? ती काय मे मसिहन डील लीन तीनाक वेश्यान डील बोनावीस? कबी नी.

2 कुरीन्थियो 1:18

परमेश्वर खोरलु गोवा छे कि आमरा तीना वचनमा जो मे तुमु काजे कोयू “हाव एने नी दुयू नी जोळ जातला.”

गलातियों 2:17

आमुक मसिहमा धोरमी ठेहरनेन देखतला, ओगर आपनु खुद पापी निकव्या ती काय मसिह पापोन सेवक छे? कोबी नी.

गलातियों 2:21

मे परमेश्वरोन दया काजे वायबार नी ठेरावतू; काहाकि ओगर नियम शास्त्रान लारे धोरमी होयता ती मसिहन मोरनो वायबार होयतो.

गलातियों 6:14

बाकीन ओसो नी होयो दिसरा काहना वातोन मोटाय कोरे, निस्त आपनु प्रभू येसुन मसिहन ख्रूसोपोर जिनान लारे जोग मारा नोजोरमा एने मे जोगोन नोजोरमा ख्रुस पोर चाळाय गोयलु छे.

1 तीमथी 3:16

इनुमा शंका नी होय कि भोक्तीन फरक गंभीर छे, मतलब होयो जे डीलोमा प्रगट होयलो, आत्मामा धोरमी ठेरायू, सोरग दूत काजे देखायतू दिसरा जातीमा हेरा प्रचार होयलू, जोगोमा हेरे पोर भुरसू कोरलु होतु, एने महिमामा उपर चुटायलु होतु.

तीतुस 1:2

तीना ओमोरकाईन जीवनोन आस पर जेरी वायदू परमेश्वर, जी झूट नि बुल सोकतलु सनातनसी कोरलु छे,

इब्रानियो 6:18

कि आपनु दुय पाका वातोन लारे जीना बारामा परमेश्वरोन झूट ठरण नि होयने वावो छे, आपनो हिंमतसी वातळो बांदाय जा शरण लेनेन कोरीन एरेन कोरता दोवळे कि तिनी आस काजे ली लेये.

1 योहान 5:10

जे परमेश्वरोन पुऱ्या पोर भुरसू कोरे चु आपनेमा गोवायी राखतला, जे परमेश्वर पोर भुरसू नि कोऱ्या तीनुक चू झुटू ठेरावलू छे काहाकि चे तिनी गोवायी पोर भुरसू नि कोऱ्या जो परमेश्वर तेरा पुऱ्यान बारामा गोवायी आपलु से.

1 योहान 5:20

एने यो बी जाणेजे, परमेश्वरोन पुऱ्यु आव रोयू एने चू आमुक सोमज आपलु छे, हिमी तिनी खोराइ काजे जानजे, एने आमु तीना माइली जी खोराइ छे, मतलब परमेश्वरोन पुऱ्यु येसु मसिहमा रोयतला. खोरलू परमेश्वर ओमोरकाईन जीवाय यित छे.

प्रकाशित वाक्य 3:7

फिलादिलफियान मंडव्यान दूतो काजे यो लिख, “जे चुखला एने खोरला छे, एने जे दाऊदन कुच्या राखतलु छे, जेरा उगळला काजे कुदु बोंद नी कोर सोके एने बोंद कोरला काजे कुदू उगाळी नी सोकतो चू यो कोये कि,