रोमी 2:8 - बारेली पावरी

⁸ बाकीन जू विवादी छे एने खोरला काजे नि मानतेलु बाकीन अधोरमोन काजे मानतलु तीनु पोर रीस पोळसे,

रोमी 2:8 ပူးပေါင်းရင်းမြစ်များ

रोमी 1:18

परमेश्वरोन रीस ते तीनु माणसोन विभक्ती कोरणे वावा एने अधोरमी पोर सोरगसी प्रगट होयतेलो छे, जे खोरला काजे अधोरमीसी दाबीन राखतला छे,

रोमी 10:16

बाकीन आखा, तिना वारली खोबर प्रचार पोर कानटा नी लागाळ्या यशयाह कोये कि “हे प्रभू कून आमरे वारली खोबर पोर भुरसू कोरतेला छे.”

रोमी 15:18

काहाकि इनी वातो काजे छुळीन मेसेक ओवी काहणी वातोन बारामा कोयनेन हिंमत नि, जो मसिहमा दिसरा जात्यान ताबान कोरता वचन, एने कर्म,

रोमी 6:17

बाकीन परमेश्वरोन धन्यवाद होये कि तुमु जे पापोन गुलाम होता हिमी मोनोसी तीना प्रचार मानने वावा होय गोया जिनान विचारोमा चाल रोया होता.

रोमी 9:22

जी इनामा काहनली नोवलाय वात छे कि परमेश्वर आपनो रीस देखाळने एने आपनी ताकत देखाळनेन मोर्जीसी रीसोन ठाहरा काजे जे नाशोन कोरता तीयार कोरीन बोनावला होता जुवे धीर धोरीन सोहोन कोरे;

1 कुरीन्थियो 11:16

बाकीन ओगर कुदु वाद विवाद कोरणे हिंडे, ती यो जान लेये कि नी आमरी एने नी परमेश्वरोन मंडव्यान ओसली रिती छे.

2 कुरीन्थियो 12:20

काहाकि मेसेक बिक छे, कोदि ओसो नी होयनो जुवे कि मे आवीन जोसो जुवे, तोसो तुमुक नी देखो; एने तुमरेमा झोगळू, डाहा, रीस, खिलाप, रीस, चुगली, अभिमान एने झुटा छे.

गलातियों 5:20

मूर्ती पूजा जादू कुहराय, दुष्मोनी, झोगळा, रीस, खिलाप, भेदभाव, अधोरमी.

फिलिप्पि 1:17

एने कुदू एक ते सूदला तोरोफसी नी बाकीन खिलापसी मसिहन काहानी सोमवाळतला छे, यो सोमजीन कि मारे साते बंदीमा मारेनन कोरता दुख पोयदा कोरे.

फिलिप्पि 2:3

विरोध नीती झुटी बोढाईन कोरता काय मा कोरु, बाकीन एक दिसरा काजे आपनेसी वारू सोमजू.

2 थिस्सलुनीकियो 1:8

एने जे परमेश्वरोक नि उवेखतला एने आमरा प्रभू येसुन वारली खोबर नि मानतला तिंदरो हिसाब लेसे.

तीतुस 3:9

बाकीन बिन ओकोलोन विवाद एने पोयदावारी एने खिलाप एने झोगळासी जी आग्यान बारामा होय, वाचीन रोय; काहा चे बिना फोवोन एने वायबार छे.

इब्रानियो 10:27

बाकीन शिक्षान भयानक वाट एने आगठो तीयार छे जो दुष्मोन काजे धोपाळ देसे.

इब्रानियो 11:8

भुरसासी अब्राहाम जेतार बुलवाय गोयू ती आग्या मानीन ओसली जागे जात रोयू जो तीना काजे होकदारसी जोळने वावो होतो तीना काजे नी मालूम होतो कि मे कां जाणे बाज रोयू, ते बी जात रोयू.

इब्रानियो 5:9

चू पाकु बोनीन तेरी आग्यान पालन कोरने वावान कोरता ओमोर जीवनोन छुटकारान झोर बोन गोयू.

याकुब 3:14

पुन ओगर तुमु आपने-आपने मोनमा कोळवी रीस एने खिलाप राखतला छे, ती खोरो खिलापमा मोटाय नि कोरनो, एने नि झूट बुलनो.

याकुब 3:16

काहाकि जा रीस एने हर भातीन भुंडला कामे रोयतला छे.

1 पतरस 3:1

हे बायरा, तुमु भी आपना ओदमीन अधीन रोयू, एरेन कोरता कि ओगर इनामा गोथो कुदू ओसू होसे जू वचन काजे नि मानतू होसे,

1 पतरस 4:17

काहाकि टेम आव लागली छे, कि परमेश्वरोन घोरोमा गोथो सुरवात छे, आखरी नियावोन सुरवात आमरे गोथो होयसे ती तिंदरू काय पोरीनाम होयसे जे परमेश्वरोन वारली खोबरोक नि मानतेला?

प्रकाशित वाक्य 14:10

चू परमेश्वरोन रीसोन आंगुरोन रोस, जो तेरा वाटकामा घालाय गोयलो छे, पिसे एने चुखला सोरग दूतोन सामने एने गाडरान सामने आगठो एने गंधकोण वेलामा पोळसे.”

प्रकाशित वाक्य 16:19

इनासी तिना मोटला सोहोरोन तीन तुकडा होय गोया, एने जाती जातीन गावे पोड गोया; एने मोटला बाबेलोन फोम परमेश्वर काजे आवी कि चू तेरी रीसोन जलजलाहाटोन, आंगुरोन रोस हिनाक पियाळे.