6 चू होर एक जोना काजे तिंदरे कामोन अनसारे बदलू देसे;.
माणसोन पुऱ्यु आपना सोरग दूत पुठी आपना बासोन महिमा आवसे, एने तिनी टेमे चू होर एक काजे तिंदरा कामोन अनसारे प्रतीफोव आपसे.
तारू जू भुरसू होय तीनाक परमेश्वरोन सामने आपनात मोनोमा राख. सोयावा चे छे इनी वातोमा, जीनाक चू वारू सोमोजतलु, खुदो काजे गुणावू नि ठेरावतेलु.
वेरणेवावू एने एखठो कोरणे वावू दुयू एकुत छे; बाकीन होर एक जोन तिंदरी मेहनतोन अनसारे तिन्दरीत दाहाळकी जोळसे.
इनान कोरता जेतार तोक प्रभू नी आवे, टेमोन पेहेले काहणी वातोन नियाव मा कोरू; चू आंदारलाम डूकायली वाते विजावामा देखाळसे, एने मोनोन अभीप्राय काजे प्रकट कोरसे, तेत्यार परमेश्वरोनचा गोथो होर एकोन बोळाय होयसे.
इनान कोरता तेरा सेवक भी धोरमान सेवकोन सारखो रूप लेये, ती काय मोटी वात नी होय, बाकीन तिंदरो आखरी तिंदरा कामोन अनसारे होयसे.
काहाकि गोरोजोन छे कि आपना आखान हाल मसिहन नियावोन खुर्ची ओगोव उगळी जासे कि होर एक जोन आपना-आपना वारलो, भुंडला कामोन बोदलु जू चू डीलोन लारे कोरला होय जाय.
सिकनदर थोठरु मारा पुठी जुदु बुराई कोरलु छे; प्रभू हिनाक हेरा कामोन अनसारे बदल देसे.
मे हेरा पुऱ्या काजे मार नाखीस; तेत्यार आखा मंडव्या जान लेसे कि मोन एने मोन पारखने वावू मेत छे, एने मे तुमु होर एक काजे तेरे कामोन अनसारे बोदलु आपीस.
पोछु मे नानला मोटला आखा मोरला काजे सिहासनोन सामने उभरोहलू देख्यू, एने किताबे उगळी गोया; एने ओवी पोछि एक किताब उगळाय गोयी; मतलब जीवनोन किताब; एने जोसो तिना किताबमा लिखायलो होतो, तोसोच हिंदरा कामोन अनसारे मोरलान नियाव कोराय गोयू.
“देख, मे तेतारुत आवने वावू छे; एने होर एकोन कामोन अनसारे बोदलु आपनेन कोरता प्रतीफोव मारजुव छे.
