रोमी 2:4 - बारेली पावरी

⁴ काय तू तेरी दया एने सहन शीलता एने धीरोज रूपी धोन काजे गोलोत सोमोजतलु? काय यो नी सोमोजतलु कि परमेश्वरोन दया तुसेक मोन फिरावने सीकाळे?

रोमी 2:4 ပူးပေါင်းရင်းမြစ်များ

रोमी 10:12

यहुदि एने युनानीमा काहनास भेदभाव नी होय, इनान कोरता कि चू आखान प्रभू छे एने आपना आखान नाव लेणे वावा सपन्न कोरे.

रोमी 11:22

इनान कोरता परमेश्वरोन मोंग एने काठलो पण देख, जे पोड गोया तिंदरे पोर काठलो छे बाकीन तारे पोर मोंग, हिमी तू तिनामा पाकु रोय, नीती तुसेक बी काट नाखसे.

रोमी 11:33

आहा, परमेश्वरोन धोन एने ओकोल इनी ग्यान काय योत उंडा छे, तेरा विचार कोसा महान एने तेरी वाट कोसी अगम्य छे!.

रोमी 3:25

तीना काजे परमेश्वर तेरो लुयसी एक ओसू पोस्तावू ठेराव्यू, जू भुरसू कोरणेसी ठेरायतलु छे, कि जो पाप पेहेल कोराय गोयलो एने जीना पोर परमेश्वर तेरी सहन शीलतान लारे ध्यान नी लागाळ्यु तेरे बारामा चू तेरी धारमिकता सामने लावे.

रोमी 6:1

ती आमु काय कोयजे? काय आपु पाप कोरता रोयजे कि दया जादा होये?

रोमी 6:15

ती काय होयो? काय आपु इनान कोरता पाप कोरजे कि आपु शास्त्रनियमोन ताबामा नी बाकीन दयान ताबामा मा छे? कोदि बी नी,

2 कुरीन्थियो 8:2

दुखोन मोटली परीक्षामा तिंदरी मोटली खुशी एने जुदो काम गोरीबी तिंदरो मोनमोकवा जादा बोढ गोयो.

इफिसीयो 1:18

एने तुमरे मोनोन डूवा विजावो बोने कि तुमु सोमजी लेवू कि बुलावनेन आस काय छे एने चुखला माणसोमा तेरो भागीदार महिमान धोन कोसो छे.

इफिसीयो 1:7

आमु ते तिनान लुयोन लारे छुटकारू मतलब पापोन माफी एने परमेश्वरोन दयान धोनोन अनसारे जोळतो कि.

इफिसीयो 2:4

बाकीन परमेश्वर जू दयान मालिक छे, आपना तिना मोटला मोंगोन वजेसी जीनामा चू आमरेपोर मोंग कोऱ्यु.

इफिसीयो 2:7

कि चू आपनी तिना दयासी जू मसिह येसुमा आमरेपोर छे आवने वावा टेमोन आपना दयान घोन सोवटो धोन देखाळे.

इफिसीयो 3:16

कि चू आपना महिमान धोनोन अनसारे तुमुक यो दान आपे कि तुमु तेरी आत्मासी आपना डीलोमायलो माणसोन रूपमा ताकतसी बोनता जावू.

इफिसीयो 3:8

मारे पोर जे चुखला माणसो मायला नानासी ते नानू यो मोंग होयो कि मे दिसरा जातीन काजे मसिहन घोन मोटो धोनोन वारली खोबर सोमवाळे.

फिलिप्पि 4:19

मारू परमेश्वर बी आपना तीना धोनोन अनसारे जी महिमा साते मसिह येसुमा छे तुमरी होर एक कोमी काजे पुरो कोरसे.

कुलुस्सि 1:27

जीनु पोर परमेश्वर प्रकट कोरणेन कोऱ्यु तीनुक ग्यान जोळे कि दिसरा जातीमा तीना भेदोकाजे महिमान किमोत काय छे, एने चू जो छे कि मसिह जू महिमान आस छे तुमरेमा रोयतलु छे.

कुलुस्सि 2:2

काहाकि तिंदरे मोनोमा शांती जोळे एने चे मोंगसी आपसामा जुळायीन रोये एने चो पुरा समाजोन आखो धोन ली लेये एने परमेश्वर बासोन भेद काजे, मतलब येसु मसिह काजे उवखी लेये.

1 तीमथी 1:16

पुन मार पोर इनान कोरता दया होई कि मारेन तोसलू आखान मोटू पापीमा येसु मसिह तेरी पुरी सोहोन कोरणे वावू देखाळे, कि जे माणसे हिनापोर ओमोर जीवनोन कोरता भुरसू कोरसे हिंदरेन कोरता मे एक नमुना बोनो.

1 तीमथी 6:17

इनी संसारन मालदार माणसोक आग्या आप कि होया लालची नी होय एने चूलबुल धोनोपोर आस नी कोरे, पुन परमेश्वर पोर जू आमरे सुखोन कोरता आखो एने घोनो सोवटो आप देतलु.

1 पतरस 3:20

जो तीने टेमे आग्या नि मान्या, जेतार परमेश्वर नुहान दाहळामा धीर धोरीन रोयू एने चू ढोंड्यो बोनावतू होतु, तिनाम बोठीन थुलाक माणसे मतलब आठ जनावरे पाणीन लारे वाच गोया.

2 पतरस 1:11

नि तेत्यार इना रितीसी तुमु आमरा प्रभू एने छुटकारू आपने वावु येसु मसिहन ओमोर राजमा मोटला आदोर साते जासु.

2 पतरस 3:15

एने आमरा प्रभून धीरोज काजे छुटकारू सोमजू, जोसू आमरू मोंगावा भाश पौलुस बी तिना ग्यानोन ओनसारे जो तीनुक जोळलो छे, तुमुक लिखलो छे.

2 पतरस 3:3

पेहेले यो जान लेवू कि आखरी दाहळामा हासी मोजाक उळावने वावा आवसे जो आपनी भुंडली मोर्जीन लारे चालसे.

2 पतरस 3:9

प्रभू आपना वायदान बारामा वार नि लागतलु, जोसी वार कानलाक माणसे सोमजतला छे; बाकीन तुमरा बारामा धीर धोरतलु छे एने नि जुवे कि कुदू नाश होय जाय, नि तेत्यार यो कि आखा काजे मोन फिरावनेन टेम जोळे.

प्रकाशित वाक्य 2:21

मे हिनी काजे मोन फिरावनेन कोरीन टेम आप्यू, बाकीन ची तेरा व्यभिचारसी मोन फिरावने नी कोरे.

प्रकाशित वाक्य 3:20

देख, मे झोपला पोर उब रोयीण ठूकने बाज रोयू, अगर कुदू मारो ओवाज सोमवीन झोपलू उगाळसे, तेत्यार मे तेरेनचा माही आवीन तेरे पुठी खाणो खाइस एने चू मारे पुठी.