रोमी 15:7 - बारेली पावरी

⁷ इनान कोरता, जोसू मसिह परमेश्वरोन महिमान कोरता तुमुक स्वीकार कोरलु छे, तोसोच तुमु बी एक दिसरा काजे स्वीकार कोरु.

रोमी 15:7 ပူးပေါင်းရင်းမြစ်များ

मत्ती 10:40

“जू तुमु काजे स्वीकार कोरतेलु छे, चु मेसेक स्वीकार कोरतेलू छे, चू मेसेक मुकलने वावा काजे स्वीकार कोरतेलू छे.”

योहान 13:34

मे तुमु काजे एक नोवली आग्या आपो कि एक दिसरा पोर मोंग कोरु; जोसू मे तुमरे पोर कोरतेलू, तोसोच तुमु बी एक दिसरा पोर मोंग कोरु.

रोमी 5:2

जिनान लारे भुरसान वजहसी तिना दया तोक जीनामा आमु बोनला छे, जा आमु पुग बी गोया एने परमेश्वरोन महिमान आसोपोर मोटाय कोरे.

इफिसीयो 1:18

एने तुमरे मोनोन डूवा विजावो बोने कि तुमु सोमजी लेवू कि बुलावनेन आस काय छे एने चुखला माणसोमा तेरो भागीदार महिमान धोन कोसो छे.

लुका 9:48

एने तीनु काजे कोयू, “जू कुदू मारे नावोसी ओसला पुऱ्या काजे स्वीकार कोरतेलू चू मेसेक स्वीकार कोरतेलु; एने जू कुदू मेसेक स्वीकार कोरतेलु, चू मेसेक मुकोलने वावान स्वीकार कोरतेलु, काहाकि जू तुमरेमा आखान नानामा गोथू नानू छे, चू मोटलु छे.”

मरकुस 9:37

“जू कुदू मारे नावोसी ओसा पुऱ्यामा गोथू कुदा एका काजे बी स्वीकार कोरतेलू, चू मेसेक स्वीकार कोरतेलू छे; एने कुदू मेसेक स्वीकार कोरतेलू, चू मेसेक नी, बाकीन मेसेक मुकलने वावा काजे स्वीकार कोरतेलु.”

लुका 15:2

फरुशी एने शास्त्री कुरकुर कोरता जायीन कोयने बाज गोया, “यु ते पापी काजे मेवतलु एने तिंदरे साते खातलू बी.”

इफिसीयो 1:12

कि आमु जे पेहेलेसी मसिह पोर आस मेकला होता तेरी महिमान स्तुतीन वजेसी छे.

रोमी 15:9

एने दिसरा जात्या बी दयान वजेसी परमेश्वरोन स्तुती कोर; जोसो लिखलो छे, “इनान कोरता मे जाती-जातीमा तारू धन्यवाद कोरीस, एने तारा नावोन भजन कोरिस.”

योहान 6:37

जो काहीन बास मेसेक आपतलु छे चो आखो मारेनचा आवसे, एने जू कुदू मारेनचा आवसे तीना काजे मे कोबी बी नी निकावो.

कुलुस्सि 3:13

एने अगर काहनास काजे गुणू लागाळनेन काय मतलब होय, ती एक दिसरान सोहोन कोर लेवू एने एक दिसरान गुणू माफ कोरु, जोसू प्रभू तुमरा गुणाक माफ कोऱ्यु तोसोत तुमु बी कोरु.