रोमी 12:3 - बारेली पावरी

³ काहाकि तिना दयान वजेसी मेसेक जोळलो छे, तुमरे माईन होर एक जोना काजे कोयो कि जोसो सोमजनो जुवे तिनासी बोढीन कुदू बी खुदो काजे नि सोमजनो जुवे; बाकीन जोसू परमेश्वर होर एक भुरसान परिणामन अनसारे वाट देदलु छे, तोसुत वारला दिमाक साते आपनु काजे सोमजू.

रोमी 12:3 ပူးပေါင်းရင်းမြစ်များ

लुका 18:11

फरुशी उबु रोयीण आपना मोनोमा प्रार्थना कोरणे बाज गोयू, ‘हे परमेश्वर मे तारू धन्यवाद कोरो कि मे दिसरा माणसो सारकू भुंडू बुलने वावु अधोरमोन कोरणे वावु छिनावो कोरणे वावु नि होय एने नि इना फावू लेणे वावा सारखु छे.

योहान 3:34

काहाकि जीनाक परमेश्वर मूकललु छे, चू परमेश्वरोन वाते कोयतेलु काहाकि चू आत्मा माप-मापीन नि आपतलु.

रोमी 1:5

तिनान लारे दया एने प्रेषितोन सेवा जोळी कि तेरा नावोन वोजेसी आखा जातीन माणसे भुरसू कोरीन तेरो माने,

रोमी 11:20

वारलो छे, चे ते अविस्वासीन वजेसी काटाय गोया, बाकीन तू भुरसू सी पाकु रोयतलु इनान कोरता अभिमानी मा होये, बाकीन बिक मान.

रोमी 11:25

हे भाशो, कांखुर माइन ओसो होये कि तुमु खुद काजे एक ग्यानी सोमजी लेये; इनान कोरता मेसेक नि लागतो कि तुमु इना भेदो सी ओनजानला रोये कि जेतार तोक दिसरा जाती पुरा रितीसी आवे नि तेत्यार तोक इस्राईलोन एक हिस्सू ओसुत काठलु रोयसे.

रोमी 12:16

आपसमा एक सारखो मोन मेकू; मोटमोटी वातो पोर मोन मा लागाळू बाकीन गोरीबोन साते; रोयू; आपनी नोजोरमा बुद्धिमान मा बोनु.

1 कुरीन्थियो 15:10

बाकीन मे जो कायबी छे, परमेश्वरोन दयासी छे. हेरी दया जी मार पोर होई, चो वायबार नी होयो; बाकीन मे हिमी आखा गोथू बोळीन मेहनत बी कोऱ्यु, तीबी यो मारे भूनी गोथो नी होयो बाकीन परमेश्वरोन दयासी जो मार पोर होतो.

1 कुरीन्थियो 3:10

परमेश्वरोन तीना दयान अनसारे जो मेसेक आपाय गोयलो छे, मे बुद्धिमान राजमिश्री सारखो पायु नाख्यो, एने दिसरू तिना पोर कोरतेलू छे बाकीन होर एक माणूस हुशारीमा रोये कि चू तिना पोर पोसु कोसू रद्दा मेकतलु छे.

1 कुरीन्थियो 7:17

जोसू प्रभू होर एक काजे वाटलु छे, एने जोसू परमेश्वर होर एक काजे बुलावलु छे, तोसत चू चाले एने मे आखा मंडव्यामा ओसुत गीनायतेलु छे.

2 कुरीन्थियो 10:13

आमु ते हदसी बारथे मोटायकी कोदि नि कोरजे, बाकीन तीना हद तोक यो परमेश्वर एरेन कोरता ठेरायलु छे, एने तीनामा तुमु बी आव गोयला छे, एने तिनान अनसारे मोटायकी बी कोरसू.

2 कुरीन्थियो 12:13

तुमु काहणी वातोमा दिसरी मंडवीमा गोथा कोम होता निस्ता इनाम कि मे तुमरे पोर आपनु भार नी नाख्यू मारो यो अन्याय माफ कोरु.

2 कुरीन्थियो 12:7

इनान कोरता कि देखाळला वातोसी मे जादासी फुल नी जाम, मारा डीलोमा एक काटू गुपाय गोयू, मतलब भुतडान एक दुत मेसेक धुमा देदू काहाकि मे फुल नी जाम.

गलातियों 6:3

काहाकि ओगर कुदू काहीन बी नी होयने पोर बी खुदो काजे काहीन सोमजतलु छे, ती खुदो काजे धोकू देतलु छे.

इफिसीयो 3:2

अगर तुमु परमेश्वरोन तीना मोंगोन व्यवस्थान वारली खोबर सोमेवला छे, जो तुमरेन कोरता मेसे काजे आपलो होतो.

इफिसीयो 3:4

जीना काजे तुमु भोनीन सोमजी सोकतला कि मे मसिहन चू भेद का तोक सोमोजतलो.

इफिसीयो 4:16

जीनासी आखो डील होर एक जूळीन सहायतासी एखठा गाळायन तीना प्रभाव अनसारे जो होर एक डीलोन ठीक-ठीक कोरनेन लारे तीनुमा रोयतला छे आपना खुदो काजे बोढावता ती चा मोंगसी बोढती कोरतेली छे.

फिलिप्पि 2:13

काहाकि परमेश्वर ओतरू छे जू तेरी खुदोन मोर्जीन कोरता तुमरा मोनोमा मोर्जी एने काम, दुयू वातो काजे कोरनेन ओसोर नाख्यू.

कुलुस्सि 1:29

इनान कोरता मे तेरी तिनी ताकतोन अनसारे जू मारेमा ताकत साते ओसोर पाळे, ती तनमोन लागाळीन मेहनत बी कोरतेलू छे.

कुलुस्सि 2:13

चू तुमु काजे जे आपना पापे एने आपना डीलोन बिना सुंतान दशामा मोरला होता, परमेश्वर तीनु पुठी जीवाळ्यो एने आपना आखा पापो काजे माफ कोऱ्यु,

1 तीमथी 1:14

एने आपना प्रभून अनुग्रह तिना भुरसान एने मोंग साथे जू मसिह येसुमा छे, घोनो सोवटा सी होयो.

1 तीमथी 2:15

ती भी बायर पुऱ्या काजे जन्मो आपनेने लारे छुटकारू हासील कोरसे, अगर ची धीर साते भुरसू, मोंग, एने चुखलामा एक जागे रोये.

1 तीमथी 2:9

तोसात बायराबी शंका एने धीर साते वारला कापळासी हीनु खुदो काजे सजाळे; नी कि झोटा गुथने एने सोनो एने मोती एने मोहोंगा कापळासी.

तीतुस 2:12

एने आमुक चेतावनी आपे कि आमुक अभक्ती एने संसारन भुंडली मोर्जीसी मन फिरावनीन इना जोगोमा संयम एने धर्म एने भक्तीसी जीवन जिवू.

तीतुस 2:2

मतलब डाहला माणसे जागता एने गंभीर एने संयमी होय, एने तिंदरू भुरसू एने मोंग एने धीर पाकु रोये.

तीतुस 2:4

काहाकि चे जुवान्या बायरा काजे जोताळता रोये कि आपना ओदमी पुठी एने पुऱ्यान पोर मोंग कोर;

तीतुस 2:6

ओसुत जुवान्या माणसो काजे बी सोमजाड्या कर कि हदमा रोयू.

याकुब 4:6

होयु ते एने भी दया आपतलु छे एरे वोजेसी यो लिखलो छे, परमेश्वर मोटाय वावान खिलाप राखतेलु छे, पुन गोरीब पोर दया कोरतेलु छे.

1 पतरस 1:13

इना कोरनेसी आपनी-आपनी दिमाकसी कोड्यो बांधीन, एने शुद्धीम रोयीण, तिना दयान आखी आस राखू जी येसु मसिहक प्रकट होयनेन कोरता, टेम तुमु काजे जोळनाय छे.

1 पतरस 4:11

जू भी आदेश आपे, चू ओसो आपे माणू परमेश्वरो जून वचन आपलु छे, जू सेवा कोरे तिना ताकत से कोरु जो परमेश्वर आपतलु छे, जीनासी आखा वातोमा येसु मसिहन लारे परमेश्वरोन महिमा होयसे, महिमा एने होक कायम तेरोत छे. आमेन.

1 पतरस 4:7

आखा चीजोन नाश होयन्यो छे; एरेन कोरता एक मोन होयीन प्रार्थना कोरता रोयू.

1 पतरस 5:5

इना प्रोकारसी हे नोवला जुवान्या, तुमु बी डाह-डाहान अधीन रोयू, एने तुमु आखान-आखा एक दिसरान कोरता दीनतासी कोळ्याक बांदला राखू, काहाकि परमेश्वर अभिमानीन खिलाप कोरतेलू छे, बाकीन गोरीबोपोर दया कोरतेला छे.

1 पतरस 5:8

शांत एने सावध रोयू, तुमरु दुष्मोन भुतडा डोखारनेवावा नाहारो सारखो इना हेरमा रोयतलु छे, कि कुदा काजे फाडीन खाम.

3 योहान 1:9

मे मंडवी काजे काहीन लिखलू होतु, बाकीन दियुत्रिफेस जू तिंदरेमा मोटू बोनने कोरतू होतु आमुक स्वीकारने कि कोरतेलू.