रोमी 1:1 - बारेली पावरी

¹ पौलुसोनचा गोथो जू येसु मसिहन दास छे, एने प्रेषित होयनेन कोरता बुलावलु छे, एने परमेश्वरोन तिना वारली खोबरोन कोरीन ओलोग कोराय गोयलु छे,

रोमी 1:1 ပူးပေါင်းရင်းမြစ်များ

मरकुस 1:14

योहान काजे धोरावनेन ओवतेन येसु गलीलमा आवीन परमेश्वरोन राजोन वारली खोबरोन प्रचार कोऱ्यु,

योहान 12:26

ओगर कुदु मारी सेवा कोरसे ती, मारे पोछोव चालू; एने चा मे छे, चा वारू सेवक बी रोयसे ओगर कुदु मारी सेवा बी कोरसे ती, बास तेरु मान कोरसे.

योहान 15:15

हिमी गोथू मे तुमुक मारू गुलाम नि कोयो, काहाकि गुलाम नि जानतलु कि तेरु मालिक काय कोरतेलू छे; बाकीन मे तुमु काजे दुस्तीदार कोयलु छे, काहाकि मे ये वाते मारा बासो जूव गोथू सोमव्यू चे आखा तुमु काजे कोय देदू.

योहान 15:20

जे वाते मे तुमु काजे कोयलु होतु, गुलाम आपना मालिक गोथू मोटलु नि रोयतलु, “इनाक फोम राखू. ओगर चे मेसेक तोकलीत आप्या, ती तुमु काजे बी तोकलीत आपसे, ओगर चे मारी वात मानता, ती तुमरी बी माणसे.”

प्रेषित 13:9

तेत्यार शाउल जेरो नाव पौलुस बी होतो पवित्र आत्मा भोरायीन तेरे भूनी टोक लागाळीन देख्यू एने कोयू.

प्रेषित 20:24

बाकीन मे मारा जीव काजे काय नी सोमज्यु कि तीनाक मोंगावू जाणो, बाकीन यो कि मे मारा दोवळना काजे एने तिनी सेवा काजे पुरी कोरो, जो मे परमेश्वरोन दयान वारली खोबर पोर गोवायी आपनेन कोरता प्रभू येसु जुव गोथू ली लेदलु छे.

प्रेषित 21:40

जेतार चू होव कोयू ती पौलुस पायत्र्या पोर उबरोयीन आपना हातोन इशारासी माणसो काजे एने जेतार न्या आखा हुगा रोय गोया ती चू माणसो काजे इब्री भाषामा कोयू.

प्रेषित 22:21

एने चू मेसे काजे कोयू, “जा मे तुसेक दिसरा जातीन नांबे-नांबे तोक मुकली.”

प्रेषित 22:7

एने मे धोरती पोर पोळ गोयू एने एक आवाज काजे सोमव्यू, “हे शाउल, हे शाउल, तू मेसेक काहा तोकलीत आपे?”

प्रेषित 26:1

अग्रिप्पा राजा पौलुस काजे कोयू, “तुसेक आपना बारामा बुलनेन होक छे” इनापोर पौलुस हात ओगोव कोरीन आपना बारामा कोयने बाज गोयू.

प्रेषित 26:14

जेतार आमु आखा धोरती पोर पोळ गोया ती मेसेक इब्री भाषामा जी आवाज सोमवायी शाउल-शाउल तू मेसे काजे काहा वेला पाळे?

प्रेषित 27:23

काहाकि परमेश्वरोन जू मे छे एने जेरी सेवा कोरतेलू तेरु सोरग दूत आज राती मारेंचा आवीन उबरोय गोयू.

प्रेषित 9:15

बाकीन प्रभू कोयू, “तू जात रोय; काहाकि यो ते दिसरा जातीन एने राजान एने इस्राईलोन सामने मारो नाव लेनेन मार नेवाळलु ठहरुलु छे.”

रोमी 1:16

काहाकि मे वारली खोबरोन प्रचारोन कोरनेन कोरता नी लाजवायतू, इनान कोरता कि चू होर एक जे भुरसू कोरणे वावान कोरता पेहेले ते यहुदि ओवतेन युनानीन कोरता छुटकारू वोजेसी परमेश्वरोन ताकत छे.

रोमी 1:5

तिनान लारे दया एने प्रेषितोन सेवा जोळी कि तेरा नावोन वोजेसी आखा जातीन माणसे भुरसू कोरीन तेरो माने,

रोमी 1:9

परमेश्वर जेरी सेवामा आपनी आत्मा काजे तेरा पुऱ्यान वारली खोबरोन बारामा कोयतेला छे होयुत मारू गोवा छे कि मी तुमु काजे काहना रितीसी हमेशा फोम कोरतू रोयतेलू.

रोमी 11:13

मे तुमु दिसरा जातीन माणसो काजे ये वाते कोयो कि जेतार कि मे दिसरा जातीन कोरता सेवक छे ती मे आपनी सेवान बोढाई कोरणे बाज रोयू.

रोमी 15:16

कि मे दिसरा जातीन कोरता येसु मसिहन सेवक होयीन परमेश्वरोन वारली खोबर प्रचारोन सेवा पुजारा सारको कोर, जिनामा दिसरा जातीन चोळाव जाणेन पवित्र आत्मासी चुखो कोरीन स्वीकार कोराय जासे.

रोमी 15:29

एने मेसेक मालूम छे कि जेतार मे तुमरेनचा आवीस, ती मसिहन पुरा आशिष सी आवीस.

रोमी 16:18

काहाकि ओसला माणसे आमरा प्रभू मसिहन नी, बाकीन आपना पेटोन सेवा कोरतेला छे; एने चिकनी चूपडी वातोसी सुदा-सादा मोनोन माणसो काजे बोहोकाव देतला.

रोमी 16:25

हिमी जो तुमु काजे मारी वारली खोबर मतलब येसु मसिहन सोंदेसोन प्रचार अनसारे पाको कोरतू रोयतलु छे, तिना भेदोन विजावान अनसारे जो ओमोरकाईसी डूकाय रोयो,

1 कुरीन्थियो 1:1

पौलुस भूनी गोथो यु परमेश्वरोन मोर्जीसी येसु मसिहन प्रेषित होयनेन कोरता बुलवाय गोयो एने भाश सोस्थिनेस तोरोफसी,

1 कुरीन्थियो 9:1

काय मे आजाद नी होय? काय मे प्रेषित नी होय? काय मे येसु काजे जू आमरू प्रभू छे, नी देख्यू? काय तुमु प्रभूमा मारा बोनावला नी होय?

2 कुरीन्थियो 1:1

पौलुसोन भूनी गोथो जी परमेश्वरोन मोर्जी मसिह येसुन प्रेषितोन छे, एने भाश तीमथी भूनी गोथो परमेश्वरोन तिनी मंडवीन नावे, यो कुरिन्थमा छे, एने आखा अखायान चुखला माणसोन नावे.

2 कुरीन्थियो 11:5

मे ते सोमोजतलु कि मे काहणी वातोमा मोटला प्रेषितमा गोथू कोम नी होय.

2 कुरीन्थियो 11:7

काय इनाम मे काहीन पाप कोऱ्यु कि मे तुमुक परमेश्वरोन वारली खोबर पुरो-पुरो सोमवाळ्यु; एने खुदो काजे नेचू कोऱ्यु कि तुमु उचा होय जाणो जुवे.

2 कुरीन्थियो 12:11

मे बिन ओकल्यु ते बोन्यू, बाकीन तुमुत मेसेक यो कोयनेन कोरता मोजबुर कोऱ्या. तुमुक ते मारी बोढाई कोरनो जुवतो होतो, काहाकि हिमी मे कायबी नी होय, तीबी तीनुक मोटलासी मोटला प्रेषितोन सी काहना वातोमा कोम नी होय.

2 कुरीन्थियो 2:12

जेतार मे मसिहन वारली खोबर सोमवाळने त्रोआसमा आव्यु एने प्रभू मारेन कोरता एक झोपलु उगाळ देदू.

2 कुरीन्थियो 4:5

काहाकि आपनु काजे बी बाकीन येसु मसिह वारली खोबर प्रचार कोरतेला कि चू प्रभू छे; एने आपना बारामा यो कोयतेला कि आमु येसुन वोजेसी तुमरा सेवक छे.

गलातियों 1:1

पौलुसोन जू नी माणसोनचा गोथू एने नी माणसोन लारे, बाकीन येसु मसिह एने परमेश्वर बासोन लारे, जू तीनाक मोरलामा गोथू जीवतु कोऱ्यु प्रेषित छे.

इफिसीयो 1:1

पौलुस तोरोफसी जी परमेश्वरोन मोर्जीसी येसु मसिहन प्रेषित छे तिना चुखला एने प्रभू येसु मसिहमा विश्वासी माणसोन नाव जो इफिसमा छे.

इफिसीयो 1:13

एने तीनामा तुमरे पोर बी, जेतार तुमु खोरलो वचन सोमव्या जो तुमरे छुटकारान वारली खोबर छे एने जीना पोर तुमु भुरसू कोऱ्या, वायदा कोरला एने पवित्र आत्मान छापू लाग्यू.

इफिसीयो 4:11

चू कुदा काजे प्रेषित नेवाळीन, एने काहनास काजे भविष्य कोरता नेवाळ्या एने वारली खोबर सोमवाळनेवावा नेवाळीन एने काहनास काजे राखवावी कोरने वावा एने प्रचारक नेवाळीन आप देदु.

फिलिप्पि 1:1

मसिह येसुन सेवक पौलुस एने तीमथीन तोरोफसी, आखा चुखला माणसोन नावे जे येसु मसिहमा रोयीण फिलीप्पी देसोमा रोयता होता, पुढारी एने सेवक साते.

फिलिप्पि 2:11

एने परमेश्वर बासोन महिमान कोरता होर एक जीब कबूल कोर लेये कि येसु मसिह प्रभू छे.

कुलुस्सि 1:1

पौलुस तोरोफसी, जी परमेश्वरोन मोर्जीसी येसु मसिहन प्रेषित छे, एने भाश तीमथी तोरोफसी,

कुलुस्सि 1:25

जेरो मे परमेश्वरोन तीना बुलावलान अनसारे सेवक बोन्यू जो तुमरेन कोरीन मेसेक आपाय गोयो काहाकि मे परमेश्वरोन वचन काजे पुरो-पुरो प्रचार कोरो.

1 थिस्सलुनीकियो 2:2

पुन तुमुक खुदो काजे मालूम छे कि फिलीप्पीमा दुख भुगतने एने तोकलीत सोहोन कोरणे पोर बी परमेश्वर आमुक ओसी हिंमत आप्यू, कि परमेश्वरोन वारली खोबरोन भारी खिलाप होयतेली ते बी तुमुक सोमवाळ्या.

1 थिस्सलुनीकियो 2:8

एने तोसाच आमु तुमरी लालच कोरता जायीन, निस्ता परमेश्वरोन ओतरा नि बाकीन वारली खोबर पोर बी आपनु-आपनु जीव तुमुक आपनेन कोरता तीयार होता, इनान कोरता कि तुमु आमरा गोवता होय गोयलु होता.

1 थिस्सलुनीकियो 2:9

काहाकि हे भाशो तुमु आमरा कामोन एने मेहनतोन फोम कोरतेला; आमु ते इनान कोरता रात दाहळू काम धोंदू कोरता जायीन तुमरेमा परमेश्वरोन वारली खोबरोन प्रचार कोऱ्या कि तुमरे मायला कुदा पोर भार नी पोळे.

1 तीमथी 1:1

पौलुसनचा गोथू जू आमरू छुटकारू आपन्यु परमेश्वर एने आमरी आसोन लारे मसिह येसुन आग्यासी मसिह येसुन प्रेषितोन छे.

1 तीमथी 2:7

मे खोरु कोयने बाज रोयू, झूट नी बुलतू, कि मे इना उद्देशोन प्रचारक एने प्रेषित एने दिसरा जातीन कोरता भुरसू एने खोरलान प्रचारक ठेरावतलु होतु.

2 तीमथी 1:11

जिनान कोरता मे प्रचारक, एने प्रेषितोन, एने वारली खोबरोन प्रचारक भी ठेरायु.

तीतुस 1:1

पौलुसोन भूनी गोथो जू परमेश्वरोन सेवक एने येसु मसिहन प्रेषित छे, परमेश्वरोन नेवाळला माणसोन भुरसू एने तिना खोराइन उखाइतान अनसारे जो भोक्तीन अनसारे छे,

इब्रानियो 5:4

एने यो सन्मान कुदू आपसोत नी लेतलु, जेतार तोक हारुन सारकु परमेश्वरोन तोरोफसी बुलवाय जाणे पोर तीना काजे जोळतलो.

इब्रानियो 7:26

यो वारलो होतो कि आमरेनचा ओसलु महायाजक छे जू चुखलो, निरदोष, साफ, पापी गोथू ओलोग एने सोरगसी बी उचो कोराय गोयू छे.

याकुब 1:1

परमेश्वरोन एने प्रभू येसु मसिहन चेलू याकुबोनचा गोथा चे बारा पिढी काजे गया तीतर बीतर होईन रोयला तीनुक नमस्कार मुकलो.

1 पतरस 4:17

काहाकि टेम आव लागली छे, कि परमेश्वरोन घोरोमा गोथो सुरवात छे, आखरी नियावोन सुरवात आमरे गोथो होयसे ती तिंदरू काय पोरीनाम होयसे जे परमेश्वरोन वारली खोबरोक नि मानतेला?

2 पतरस 1:1

शिमोन पतरसोन जुव गोथो, जू येसु मसिहन पावोर एने प्रेषितोन छे, तीनु माणसोन नाव जे आमरू परमेश्वर एने छुटकारू आपने वावु येसु मसिहन धारमिकतान लारे आमरेन तोसो किमतीन भुरसू हासील कोर लेदू.

यहुदा 1:1

यहुदा भूनी गोथो जो येसु मसिहन दास एने याकुबोन भाश छे, तीनुक बुलावलान नावे जो परमेश्वरोन बासोमा मोंगावा एने येसु मसिहन कोरता वारला छे.

प्रकाशित वाक्य 1:1

येसु मसिहन प्रकाशित वाक्य, जो योहान काजे परमेश्वर इनान कोरता आप्यू कि आपना दास काजे चे वाते, जेरु तेत्यारुत होयनो जोरुरी छे, देखाळ्यू; एने चू आपना सोरग दूत काजे मुकलीन तेरे लारे आपनु दास योहान काजे कोयू,

प्रकाशित वाक्य 22:6

पोछु चू मेसे काजे कोयू, “जे वाते भुरसान लायक एने खोरला छे प्रभू, जो भविष्य कोरतान आत्मान परमेश्वर छे, आपना सोरग दूतो काजे इनान कोरता मूकल्या कि आपना दासो काजे चे वाते, जिंदरो तेतारुत होयनो छाचलीन छे, देखाळ.”

प्रकाशित वाक्य 22:9

बाकीन चू मेसे काजे कोयू, “देख, ओसू मा कोरे; काहाकि मे तारा, एने तारा भाशोन भविष्य कोरता, एने इना किताबोन वातोन मानने वावान साते दास छे परमेश्वर काजे नोमोन कोर.”