प्रकाशित वाक्य 8:7 - बारेली पावरी

⁷ पेहेलु सोरग दूत फेपाऱ्यो फुक्यू, एने लुयसी मेवायला गारा एने आगठो पोयदा होयो, एने कोवी पोर नाखाय गोयो; एने कोवोन एक तिहाई धोप गोयी, एने झाडोन एक तिहाई धोप गोयी, एने आखो निव्वू चारू बी धोप गोयू.

प्रकाशित वाक्य 8:7 ပူးပေါင်းရင်းမြစ်များ

याकुब 1:11

काहाकि दाहळू उगतात जुदु तोप पोळतेलु छे एने खोडाक सुखाड देतलु छे. एने तेरो फुल गोव जातलो छे एने हेरी शोभा जात रोयतली छे तेरेन तोसो मातभोर भी आपने वाटपोर चालता-चालता धुवामा मेवाय जासे.

1 पतरस 1:24

काहाकि हर एक प्राणी चारान तोसु छे, एने हेरी आखी शोभा चारान फुलन तोसी छे चारू सुख जातलु छे, एने फुल गोव जातला छे,

प्रकाशित वाक्य 12:4

तेरो चो मूय वादवान तारा काजे एक तिहाई काजे हापकीन धोरती पोर घाल देदू, चू अजगर तीना बायरोन सामने यो च्या होती उबरोय गोयू कि जेतार ची पुऱ्या काजे जोने ती तिना पुऱ्या काजे गिव जाय.

प्रकाशित वाक्य 16:2

आखरी, पेहलू सोरग दूत जायीन तेरी वाटकी कोवी पोर जायीन पोखडी देदू तेत्यार तिना माणसोन, जिंदरे पोर चिल्लान छापा होता एने जो तेरी मूर्तीन पूजा कोरता होता, तिंदरे पोर एक भातीन भुंडलो एने दुख देणे वावु फुडू निकव्यू.

प्रकाशित वाक्य 16:21

सोरगमा गोथो माणसो पोर मोन-मोन भोरीन मोटला गारा पोळ्या, एने इनान कोरता कि यो सोंकोट जादात भारी होतो, माणसे गारान सोंकोटोन वजेसी परमेश्वरोन बुराई कोऱ्या.

प्रकाशित वाक्य 6:8

मे नोजोर नाख्यू, एने देखू, एक पेव्वू घुल्लू छे; एने तेरे पोर बोसलान नाव मोरनो छे, एने अधोलोक तेरे पोछो-पोछो छे; एने तीनुक धोरतीन एक चौथाइ पोर यु होक आपाय गोयू कि तलवार, एने काव, एने मरी, एने धोरतीन बोयडा मायला जोनावरोन लारे माणसो काजे मार नाखे.

प्रकाशित वाक्य 7:1

एरेन ओवतेन मे कोवीन चारू कानटा पोर चार सोरग दूत उभरोहला देख्यू, चे कोवीन चारू वाहवा काजे उभराखला होता, काहाकि कोवी नीती दोरीया नीती कानलात झाड काजे बी वाहावू नि चाले.

प्रकाशित वाक्य 9:15

चे चारू दूते छुळाय गोया जो तिने टेमे एने दाहळे, एने मोहने, एने सालोन कोरता माणसोन एक तीहाईन मार नाखनेन कोरता तीयार कोराय गोयला होता.

प्रकाशित वाक्य 9:18

एने तीनु महामरी मतलब आगठो एने धुवाळू एने गोंधोक तोसो जो इंदरा मुयोसी निकवतो होतो, माणसोन एक तिहाई मार नाख्या.

प्रकाशित वाक्य 9:4

तीनु काजे कोवाय गोयो कि नी कोवीन खोळा काजे, नी कानला निव्वा काजे, नी कानला झाडो काजे नुकसान होये, निस्ता तिना माणसो काजे जिंदरा माथा पोर परमेश्वरोन छापू नि होय.