प्रकाशित वाक्य 8:10 - बारेली पावरी

¹⁰ तीसरु सोरग दूत फेपाऱ्यो फुक्यू, एने एक मोटली चांदणी जी दिवा सारखी धोपती होती सोरगसी तुटी, एने नोंद्यामा एक तिहाई पोर एने पाणीन झोरा पोर आवीन पोडी.

प्रकाशित वाक्य 8:10 ပူးပေါင်းရင်းမြစ်များ

मत्ती 25:1

सोरगोन राज “तीनु दोस कुवारीन सारखो होयसे जे तिंदरा दिवा लीन दुल्हा काजे भेटने कोरीन निकव्या.

लुका 10:18

येसु तीनु काजे कोयू, मे भुतडा काजे विजवीन तोसु सोरगोमा गोथू पोळतेलु देख रोयू होतु.

यहुदा 1:13

ये दोरीयान जादा झेलके छे, जो आपनी लाजोन फेन उछावतेला छे; जे चोमोकने वावा तारा छे, जिंदरेन कोरता हमेशान कोरता आंदारो मेकाय गोयलो छे.

प्रकाशित वाक्य 1:20

मतलब तीना सात चांदण्यान भेद जीनाक तू मारा जेवळ्या हातोमा देखलू होतु, एने तीनु सात सोना वावान दिवठान भेद, चे सात चांदण्या सात मंडव्यान दूते छे, एने चे सात दिवठा सात मंडव्या छे.

प्रकाशित वाक्य 12:4

तेरो चो मूय वादवान तारा काजे एक तिहाई काजे हापकीन धोरती पोर घाल देदू, चू अजगर तीना बायरोन सामने यो च्या होती उबरोय गोयू कि जेतार ची पुऱ्या काजे जोने ती तिना पुऱ्या काजे गिव जाय.

प्रकाशित वाक्य 14:7

चू मोटला बुलोसी कोयू, “परमेश्वर सी बिहू, एने तेरी महिमा कोरु, काहाकि तेरु नाश कोरणेन टेम आव लागली छे; एने तेरु भजन कोरु, जू सोरग एने धोरती एने दोरीयान एने पाणीन झोरे बोनाव्यू.”

प्रकाशित वाक्य 16:4

तिसरू सोरग दूत तेरो वाटको नोदी एने पाणीन झोरा पोर रेचवी देदू, एने चे लुय बोन गोया.

प्रकाशित वाक्य 6:13

वादवा मायला तारा कोवी पोर पोड गोया जोसो मोटली आंजीसी हालीन गुलोरोन झाडोमा गोथो काचला फोव पोळतेला छे.

प्रकाशित वाक्य 8:7

पेहेलु सोरग दूत फेपाऱ्यो फुक्यू, एने लुयसी मेवायला गारा एने आगठो पोयदा होयो, एने कोवी पोर नाखाय गोयो; एने कोवोन एक तिहाई धोप गोयी, एने झाडोन एक तिहाई धोप गोयी, एने आखो निव्वू चारू बी धोप गोयू.

प्रकाशित वाक्य 9:1

जेतार पाचवू सोरग दूत फेपाऱ्यो फुक्यू, ती मे सोरग गोथू कोवी पोर एक चांदणी पोळतेली देख्यू, एने तीनाक उंडा कुंडान कुची आपाय गोयी.

प्रकाशित वाक्य 9:15

चे चारू दूते छुळाय गोया जो तिने टेमे एने दाहळे, एने मोहने, एने सालोन कोरता माणसोन एक तीहाईन मार नाखनेन कोरता तीयार कोराय गोयला होता.

प्रकाशित वाक्य 9:18

एने तीनु महामरी मतलब आगठो एने धुवाळू एने गोंधोक तोसो जो इंदरा मुयोसी निकवतो होतो, माणसोन एक तिहाई मार नाख्या.