प्रकाशित वाक्य 7:3 - बारेली पावरी

³ “जेतार तोक आमु आमरा परमेश्वरोन दासोन माथा पोर छापू नि लागाळ देजे, तेत्यार तोक कोव एने दोरीया एने झाडो काजे नुकसान घोन पुगाळता.”

प्रकाशित वाक्य 7:3 ပူးပေါင်းရင်းမြစ်များ

मत्ती 24:22

ओगर चे दाहळा कोम नी कोरायता ती काहनो जोनावर नि वाचतो बाकीन नेवाळलान वोजेहसी चा दाहळा कोम कराय जासे.

मत्ती 24:31

चू फेपाऱ्यान मोटात आवाजमा आपना सोरग दूतो काजे मुकलसे, एने चे सोरगोमा इने धोळे गोथा पोल धोळे तोक चारू दिशामा गोथा नेवाळला काजे एखठा कोरसे.

योहान 12:26

ओगर कुदु मारी सेवा कोरसे ती, मारे पोछोव चालू; एने चा मे छे, चा वारू सेवक बी रोयसे ओगर कुदु मारी सेवा बी कोरसे ती, बास तेरु मान कोरसे.

योहान 3:33

जू तेरी गोवायी मान लेदू चू इनी वातोपर छापू लागाळ देदू कि परमेश्वर खोरलू छे.

रोमी 6:22

बाकीन हिमी पापोमा गोथा छुटकारू होयीन एने परमेश्वरोन दास बोनीन तुमु काजे फोव जोळे जीनासी चुखलाय जोळतली छे तेरो ओमोरकाईन जीवन छे,

प्रकाशित वाक्य 13:16

चू नानला-मोटला, मातभोर-गरीब, आजादी-दास आखान जेवळ्यु हात नीती तिंदरा निंडावा पोर एक-एक छाप कोर देदा,

प्रकाशित वाक्य 13:17

कि जीनाक जुळे तिना पोर छापू मतलब तिना चिल्लान नाव नीती तिंदरे नावोन आकळू होये, दिसरा कुदू लेन देन नि कोर सोके.

प्रकाशित वाक्य 14:1

ती मे नोजोर नाख्यू, एने देखू, चू गाडरु सियोन बोयळा पोर उबरोय रोयू, एने तेरे पुठी एक लाख चौरेचाळीस हजार जोन से जेरे निंडावा पोर तेरो एने तेरा बासोन नाव लिखलो होतो.

प्रकाशित वाक्य 14:9

पोछो इंदरे ओवते एक एने, दिसरू सोरग दूत मोटला बुलोसी यो कोयतू जायीन आव्यु, “जो कुदू तिना चिल्लान एने तेरी मूर्तीन पूजा कोरे, एने आपना माथा नीती आपने हातो पोर तिनान छापू लेये.

प्रकाशित वाक्य 19:2

काहाकि हेरा फेसलू खोरलु एने ठीक छे. चू तिनी मोटली वेश्यान, जी आपना व्यभिचारसी कोवी काजे भ्रष्ट कोरती होती, नियाव कोऱ्यु एने तेरे जुव गोथू आपना दासोन लुयोन बोदलु लेदलु छे.”

प्रकाशित वाक्य 20:4

ओवतेन मे सिहासन देख्यू, एने तिना पोर माणसे बोस गोया, एने तीनुक नियाव कोरनेन होक आपाय गोयू, मे तिंदरी आत्मा काजे बी देख्यू, जिंदरा मुंडका येसुन गोवायी देणे एने परमेश्वरोन वचनोन वोजेसी काटाय गोयला होता, एने जे नी तिना जोनावरोन, एने नी तेरा मूर्तीन पूजा होती. एने नी तेरा छापू आपना निंडावा पोर एने हातो पोर ली लेदला होता. चे जीवतला होयीन मसिह साते होजार साल तोक राज कोरता रोये.

प्रकाशित वाक्य 22:4

चे तेरो मूय देखसे, एने हेरो नाव आपना निंडावा पोर लिखलो रोयसे.

प्रकाशित वाक्य 6:6

एने मे तिना चार जोनावरोन इचमा गोथू एक बुल यो कोयतलु सोमव्यू, “दिनारोन तीन कांगनी भोर गोहू, एने दिनारोन तीन कांगनी जुवार, बाकीन तेल एने आंगुरोन रोसोन नुकसान झुन कोरता.”

प्रकाशित वाक्य 7:1

एरेन ओवतेन मे कोवीन चारू कानटा पोर चार सोरग दूत उभरोहला देख्यू, चे कोवीन चारू वाहवा काजे उभराखला होता, काहाकि कोवी नीती दोरीया नीती कानलात झाड काजे बी वाहावू नि चाले.

प्रकाशित वाक्य 7:2

पोछु मे एक एने सोरग दूत काजे जू जीवतला परमेश्वरोन छापा लीन पूर्व भूनी गोथू उपोर आवतेलु देख्यू; चू तीनु चार सोरग दुतोसी जीनुक कोवी एने दरियान नुकसान कोरणे कोरीन होक आपाय गोयलो होतो, मोटला बुलोसी आयळीन कोयू,

प्रकाशित वाक्य 9:4

तीनु काजे कोवाय गोयो कि नी कोवीन खोळा काजे, नी कानला निव्वा काजे, नी कानला झाडो काजे नुकसान होये, निस्ता तिना माणसो काजे जिंदरा माथा पोर परमेश्वरोन छापू नि होय.