प्रकाशित वाक्य 7:2 - बारेली पावरी

² पोछु मे एक एने सोरग दूत काजे जू जीवतला परमेश्वरोन छापा लीन पूर्व भूनी गोथू उपोर आवतेलु देख्यू; चू तीनु चार सोरग दुतोसी जीनुक कोवी एने दरियान नुकसान कोरणे कोरीन होक आपाय गोयलो होतो, मोटला बुलोसी आयळीन कोयू,

प्रकाशित वाक्य 7:2 ပူးပေါင်းရင်းမြစ်များ

मत्ती 16:16

शिमोन पतरस जोवाब आप्यू, “तू जीवतला परमेश्वरोन पुऱ्यु मसिह छे.”

मत्ती 26:63

बाकीन येसु हुगुत रोयू तेत्यार महायाजक तीनाक कोयू “मे तुसेक जीवतला परमेश्वरोन कोसोम आपो कि अगर तू परमेश्वरोन पुऱ्यु मसिह छे ती आमु काजे कोय दे,”

योहान 6:27

नाश होयने वावा खाणान कोरीन मेहनत मा कोरु, बाकीन तीना खाणान कोरीन जो ओमोर जीवन तोक उबो रोये, जीनाक माणसोन पुऱ्यु तुमुक आपसे; काहाकि बास मतलब परमेश्वर तीना पोर छापू लागाळलु छे.”

2 कुरीन्थियो 1:22

जू आमरेपोर छापू बी लागाळ देदलो छे एने बोयानमा आत्मा काजे आमरा मोनोमा आप्यू.

इफिसीयो 1:13

एने तीनामा तुमरे पोर बी, जेतार तुमु खोरलो वचन सोमव्या जो तुमरे छुटकारान वारली खोबर छे एने जीना पोर तुमु भुरसू कोऱ्या, वायदा कोरला एने पवित्र आत्मान छापू लाग्यू.

इफिसीयो 4:30

परमेश्वरोन पवित्र आत्मा काजे दुखी मा कोरु जीनासी तुमरे पोर छुटकारान कोरता आत्मान छापू देदलु छे.

1 थिस्सलुनीकियो 1:9

काहाकि चे खुद आमरा बारामा कोयतेला कि तुमरेनचा आमरो आवनो कोसो होयो; तुमु कोसा मूर्तीनचा गोथा परमेश्वर भूनी फिऱ्या काहाकि जीवतला एने खोरला परमेश्वरोन सेवा कोर.

2 तीमथी 2:19

ते बी परमेश्वरोन पाकु पायु बोनतलु रोयतलु एने तीना पोर छापू लागलु रोयतलु “प्रभू आपनु काजे उवखतलु एने जो कुदू प्रभून नाव लेतलु चू अधोरमोन सी वाचीन रोये.”

इब्रानियो 12:22

बाकीन तुमरे साते सियोन बोयळानचा जीवतला परमेश्वरोन सोहोर सोरगोन यरुशलेमोन धोळे एने लाखो सोरोग दूत लिखलो छे एने आखान नियाव कोरन्यू परमेश्वर एने तीयार कोरला धोरमीन आत्मान ओगोव.

प्रकाशित वाक्य 1:3

सोयावा छे, जे इनी भविष्यवाणीन वचन काजे मानतला छे, एने चे जे सोमवतला छे एने इनाम लिखायली वातो काजे मानतला छे; काहाकि टेम साते छे.

प्रकाशित वाक्य 10:1

पोछु मे एक ओवी ताकत वावू सोरगो दूत काजे वादवो पांघरलु सोरग गोथू उतरतेलु देख्यू, तेरा मुंडका पोर वादवान धोंदली होती. तेरो मूय सूर्या सारखो होतो एने तेरा पाये आगठान खांबा सारखो होता.

प्रकाशित वाक्य 10:4

जेतार सात आयळनेन बुले सोमवाय गोया, ती मी लिखने पोर होतु बाकीन मी सोरगोमा गोथू यो बुल सोमव्यू, “जी वात आयळनेन तिना सात बुलोसी सोमव्यू तीनुक एखलामा राख, एने मा लिखे.”

प्रकाशित वाक्य 16:12

साहवू सोरग दूत तेरो वाटको महा नोदी फरात पोर रेचवी देदू, एने तेरो पाणी सुख गोयो कि जूनला वाराण राजान कोरता वाटे तीयार होय जाय.

प्रकाशित वाक्य 5:2

पोछु मे एक ताकत वावा सोरग दूतो काजे देख्यू जू उचला बुलोसी यु प्रचार कोरतू होतु, “इना किताबोन उगाळने एने तेरा छापा तुडनेन लायक कुन छे?”

प्रकाशित वाक्य 8:3

ओवतेन एक एने सोरग दूत सोनान धुप दान लेदलु आव्यु, एने वेदीन साते आवीन उभू रोयू; एने तीनाक ज्यादा धूप आपाय गोयो कि आखा चुखला माणसोन प्रार्थना पुठी सोनान तिनी वेदी पोर, जो सिहासनोन सामने चोळावे.

प्रकाशित वाक्य 9:14

मानो कानला सहावा सोरग दूत सी, जेरे जुव फेपाऱ्यो होती, कोयने बाज रोयू, “तीनु चारू सरोगदुतो काजे जी मोटली नोदी फरातोन चा बांधला छे, छुळ दे.”

प्रकाशित वाक्य 9:4

तीनु काजे कोवाय गोयो कि नी कोवीन खोळा काजे, नी कानला निव्वा काजे, नी कानला झाडो काजे नुकसान होये, निस्ता तिना माणसो काजे जिंदरा माथा पोर परमेश्वरोन छापू नि होय.