प्रकाशित वाक्य 7:17 - बारेली पावरी

¹⁷ काहाकि गाडरु जू सिहासनोन इचमा छे तिंदरी राखवावी कोरसे, एने तीनुक जीवन रुपी पाणीन झोरोनचा लीजासे; एने परमेश्वर तिंदरा डूवासी आखा आसवा नूछ लेसे.

प्रकाशित वाक्य 7:17 ပူးပေါင်းရင်းမြစ်များ

मत्ती 2:6

“हे बेथलेहेम, तू यु यहुदान देसमा छे, तू काहनाबी रितीसी यहुदियान होकमा गोथू नानू नि होय; काहाकि तारेमा गोथू एक अधिकारी निकवसे, जू मारी प्रजा इस्राईलोन राखवावी कोरसे.”

मत्ती 5:4

“सोयावा छे जे, दुख कोरतेला, काहाकि तीनुक शांती जोळसे.”

योहान 10:11

वारलु गुवाव्यू मे छे; वारलु गुवाव्यू गाडरान कोरता आपनु जीव आप देतलू छे.

योहान 10:14

वारलु गुवाव्यू मे छे; मे मारा गाडरा काजे जानतलु छे, एने मारा गाडरा मेसेक जानतेला छे.

योहान 4:10

येसु जोवाब आप्यू, “ओगर तू परमेश्वरोन वरदान काजे उवखती, एने यो बी जानती कि चू कून छे, जू तुसेक कोयने बाज रोयु, मेसेक पाणी पाव, ती तू तीना जूव मागती एने चू तुसेक जीवनोन पाणी आपतू.”

योहान 4:11

बायर येसु काजे कोयी, “हे प्रभू, तार जुव ते पाणी भोरणे बालटी नि होय, एने कुवू उंडूत छे; ती चो जीवनोन पाणी तार जुवू का गोथो आव्यो?

योहान 4:14

बाकीन जू कुदु तिना पाणीमा गोथू पीसे जो मी तीनाक आपीस, ओवतेन चू ओमोरकाई तोक तीसलु नि रोये; बाकीन यो पाणी मे तीनाक आपीस, चू तीनामा एक झोर बोन जासे जो ओमोर जीवनोन कोरता उमळतो रोयसे.”

प्रेषित 20:28

इनान कोरता आपनी एने आखा टूवान तोपास कोरु जीनामा पवित्र आत्मा तुमुक पुढारी ठरावलु छे, कि तुमु परमेश्वरोन मंडव्यान राखवावी कोरे, जीनाक चू आपना लुयसी मुले लेदला छे.

1 पतरस 5:2

कि आपना इचमा परमेश्वरोन टूवान राखवावी कोरो, एने जो कानला दोबावसी नि बाकीन परमेश्वरोन मोर्जीन अनसारे खुशीसी, गोलोत कोमायीन कोरता नि बाकीन मोन लागाळीन कोरु.

प्रकाशित वाक्य 14:4

चे ये छे जे बायरा पुठी विटोव होया, बाकीन कुवारु छे; जे चेत छे कि जा का गाडरो जातलो छे, चे तिनान पोछोव चाल पोळतेला; जे ते परमेश्वरोन कोरता पेहेला फोव होयनेन कोरता माणसोमा गोथो मुले लेवाय गोयला छे.

प्रकाशित वाक्य 21:22

मे हेरो काहनलो मंदीर नि देख्यू, काहाकि आखा गोथू ताकत वावू प्रभू परमेश्वर एने गाडरो हेरो मंदीर छे.

प्रकाशित वाक्य 21:23

तिना गावमा सूर्यान एने चांदोन विजावान गोरोज नी होय, काहाकि परमेश्वरोन तेजोसी तिनामा विजावो होयलो छे, एने गाडरु हिंदरु दिवू छे.

प्रकाशित वाक्य 21:4

चू हिंदरा डूवासी आखान आसवा नूस देसे; एने एरेन ओवतेन मोरोन नी रोये, एने नी दुख, नी विलाप, नी पिढा रोये; पेहेली वाते जात रोयी.”

प्रकाशित वाक्य 21:6

पोछु चू मेसे काजे कोयू, “जे वाते पुरा होय गोयला छे मे सूरवात एने आखरी पेहेलु एने शेवटलु छे, मे तीसला काजे जीवनोन पाणीन झोरोमा गोथू सेंतमेंत पिवाडीस.

प्रकाशित वाक्य 22:1

एने चू मेसेक बिल्लौर सारखो झोलोगतलो, जीवनोन पाणीन नोदी देखाळ्यू, जो परमेश्वर एने गाडरान सिहासनसी निकवीन.

प्रकाशित वाक्य 4:11

“हे आमरा प्रभू एने परमेश्वर, तुत गौरव एने मान एने ताकत लायक छे; काहाकि तूत आखा चीजे सोजाडयु एने चे तारीत मोर्जीसी सोजाडाय गोया”.

प्रकाशित वाक्य 5:6

तेत्यार मे तिना सिहासन एने चार जोनावरे एने तीनु पुढाऱ्यान इचमा, जोसो एक खुन कोरलु गाडरो उबरोयलु देख्यू. तेरा सात शिंगडा एने सात डूवा होता; जे परमेश्वरोन सात आत्मा छे जे आखी कोवी पोर मुकली रोया.