प्रकाशित वाक्य 7:15 - बारेली पावरी

¹⁵ इनान वोजेसी चे परमेश्वरोन सिहासनोन ओगोव छे, एने तेरा मंदीरमा रात-दाहळू तेरी सेवा कोरतेला छे, एने जू सिहासन पोर बोसलु छे, चू हिंदरे उपोर आपनु तोंबू बांधसे.

प्रकाशित वाक्य 7:15 ပူးပေါင်းရင်းမြစ်များ

योहान 1:14

एने वचन देहधारी होयो; एने दया एने खोरलायसी पुरो होईन आमरे इचमा वस्ती कोऱ्यु, एने आमु तेरी ओसी महिमा काजे देख्या, जोसो बासोन एखला जून महिमा.

1 कुरीन्थियो 3:16

काय तुमु नी जानता कि तुमु परमेश्वरोन मंदीर छे, एने परमेश्वरोन आत्मा तुमरेमा रोयतलु छे?

2 कुरीन्थियो 6:16

एने मुर्त्यान साते परमेश्वरोन मंदीरोन काय रीसतो? काहाकि आमु ते जीवतला परमेश्वरोन मंदीर छे; जोसू परमेश्वर कोयलु छे, “मे तिंदरेमा बोसीस एने तिंदरेमा चाल्या फिऱ्या कोरिस; एने मे हेरु परमेश्वर होयीस, एने चे मारा माणसे होयसे.”

इब्रानियो 12:2

एने भुरसान कोरता एने पुरो कोरणे वावा येसु भूनी तुमरी नोजोर लागाळ रोयू, जू तिना खुशीन कोरता जो तेरे ओगोव मेकलो होतो लाजवायनेन चिंता नी कोरीन ख्रुसोन दुख झेल्यू, एने परमेश्वरोन सिहासनोन जेवळे धोळे जायीन बोश्यू.

इब्रानियो 8:1

हिमी जी वाते आमु कोय देदला छे, तीनामा खास वात यी छे कि आमरू ओसलु महायाजक छे, जू सोरगोमा परम सोयावान सिहासनोन जेवळे धोळे जायीन बोठलु छे.

प्रकाशित वाक्य 11:19

तेत्यार परमेश्वरोन यो मंदीर सोरगमा छे, उगळी गोयो, एने तेरा मंदीरमा तेरी वायदान संदूक देखाय पोळ्यो; एने वीजव्या एने बुल एने गाजनो एने भूकंपो होयो एने मोटला गारा पोळ्या.

प्रकाशित वाक्य 13:6

तिंदरे जुव गोथो परमेश्वरोन बुराई कोरनेन कोरता मूय उगाळ्यु कि तिंदरे नावे एने तेरे तंबू मतलब सोरगमा रोयने वावान बुराई कोरे.

प्रकाशित वाक्य 20:10

तीनुक भूलवावने वावु भुतडू आखठो एने गंधकोण तिना झीलमा, जिनामा चू जोनावर एने झुटू भविष्य कोरणे वावू बी होसे, घालाय जासे; एने चे रात दाहळू कायम पिढामा तोडपता रोयसे.

प्रकाशित वाक्य 21:22

मे हेरो काहनलो मंदीर नि देख्यू, काहाकि आखा गोथू ताकत वावू प्रभू परमेश्वर एने गाडरो हेरो मंदीर छे.

प्रकाशित वाक्य 22:3

पोछु श्राप नी होये, एने परमेश्वरोन एने गाडरान सिहासन तिना गावमा रोयसे एने हेरा दास हेरी सेवा कोरसे.

प्रकाशित वाक्य 22:5

पोछि रात नी होये, एने तिना दिवा एने दाहळान विजावान गोरोज नी रोये, काहाकि प्रभू परमेश्वर हिनुक विजावो आपसे, एने चे कायम राज कोरसे.

प्रकाशित वाक्य 4:4

तीना सिहासनोन चारू धोळे चोवीस सिहासन छे; एने तिना सिहासन पोर चोवीस जूनला धोव्वा डोगला पेहेरला बोस रोया, एने तिंदरा मुंडका पोर सोनान मुकुट छे.

प्रकाशित वाक्य 4:8

चारू जोनावरोन छोव-छोव पाखळा छे, एने चारू धोळे एने माहिय डूवात डूवा छे; एने चे रात दाहळू बिना आराम कोरे यो कोयता रोयतला, “चुखलो, चुखला, चुखला प्रभू परमेश्वर, आखा गोथू ताकत वावू, जू होतु एने जू छे एने जु आवने वावू छे.”

प्रकाशित वाक्य 4:9

जेतार चे जोनावरे तिंदरा जू सिहासन पोर बोस रोयला छे, एने जू कायम जीवतलु छे, गौरव एने मान एने धन्यवाद कोरसे;

प्रकाशित वाक्य 7:9

येरेन ओवतेन मे नोजोर नाख्यू कि, एने देख्यू, हर एक जाती एने कुल एने माणसे एने भाषामा गोथो एक ओसी मोटली गोरदी, जीनाक कुदू गिन नी सोकतो होतो, धोव्वा छिंदरा पेहेरला एने आपना हातोमा खोजुरोन डाव्या लीन सिहासनोन ओगोव एने गाडरान ओगोव उबरोयली छे,