प्रकाशित वाक्य 6:9 - बारेली पावरी

⁹ जेतार चू पाचवू छापू उगाळ्यु, ती मे वेदीन नेचू तिंदरा जोनावरे काजे देख्यू जो परमेश्वरोन वचनोन वोजेसी एने तिना गोवायी वोजेसी जे चे आपला होता माराय गोयलु होतु.

प्रकाशित वाक्य 6:9 ပူးပေါင်းရင်းမြစ်များ

योहान 16:2

चे तुमु काजे प्रार्थना घोरोमा गोथो निकाव देसे, बाकीन ची टेम आवली छे, कि जो कुदु तुमुक मार नाखसे चू समजसे कि मे परमेश्वरोन सेवा कोरतेलु छे.

2 कुरीन्थियो 5:8

इनान कोरता आपु हिंमतोन बांधीन रोयतला एने डीलो गोथो ओलोग रोयीण प्रभू साते रोयनेन ओवी बी वार सोमोजतेला.

फिलिप्पि 1:23

काहाकि मे दुयोन इचमा लोटकी रोयू; मोन ते कोरे कि काहीन कोरीन मसिहनचा जायीन रोयो, काहाकि यो जुदो वारू छे.

फिलिप्पि 2:17

अगर मेसे काजे तुमरो भुरसान बलिदान एने सेवा साते मारो लुय बी वोयाळनो पोळे ते बी मे खुशीमा छे एने तुमरे आखान साते खुशी कोरो.

2 तीमथी 1:8

इनान कोरता आत्मा प्रभून गोवायी सी एने माही सी जू तेरु बंदी छे लज्जीत नी होये बाकीन इना परमेश्वरोन ताकतोन ओनसारे वारली खोबरोन कोरता मारे पुठी दुख वेठ्या.

2 तीमथी 4:6

काहाकि मे बलिदान सारखु रेचोवोने जानतलु छे, एने मारे जानेन टेम आव लागली छे.

इब्रानियो 12:23

एने महासभा एने तीनु पेहेला पुऱ्यान मंडवीनचा जेरो नाव सोरगोमा लिखायली छे, एने आखान नियाव कोरन्यू परमेश्वर एने तीयार कोरला धोरमीन आत्मान ओगोव.

प्रकाशित वाक्य 1:2

जू परमेश्वरोन वचन एने येसु मसिहन गोवायी, मतलब जो काय चू देखलू होतु तेरी गोवायी आप्यू.

प्रकाशित वाक्य 1:9

मे योहान, जू तुमरू भाश, एने येसुन दुख, एने राज, एने धीरोमा तुमरू सहभागी छे, परमेश्वरोन वचन एने येसुन गोवायीन वोजेसी पतमुस वावान टापू होतु.

प्रकाशित वाक्य 14:18

एने एक एने सोरग दूत जीनाक आगठापोर होक होतु, वेदीमा गोथू निकव्यू, एने जेरे जुव धार-धार दातवू होतु तिना पुठी उचला बुलोसी कोयू, “आपना धारदार दातवू लागाळीन कोवीन आंगुरोन वेलान गुछा काट लेवू काहाकि तिंदरा आंगुरोन वेला पाक गोयला छे.”

प्रकाशित वाक्य 16:7

पोछु मे वेदी सी यो बुल सोमव्यू, “होव, हे आखा गोथू ताकत वावा प्रभू परमेश्वर, तारू फेसलू ठीक एने खोरलू छे.”

प्रकाशित वाक्य 19:10

तेत्यार मे हिनाक नोमोन कोरणेन कोरता तेरा पायो पोर पोड गोयू चू मेसे काजे कोयू, “देख, ओसू मा कोरे, मे तारो एने तारा भाशो साते वावू दास छे जू येसुन गोवायी देणेपोर पाकु छे परमेश्वर काजे नोमोन कोर; काहाकि येसुन गोवायी भविष्यवाणीन आत्मा छे.”

प्रकाशित वाक्य 2:13

मे जो जानतलु छे कि तू चा रोयतलु छे, जा भुतडान सिहासन छे; तू मारा नावो पोर चात रोयतलु छे, एने मार पोर भुरसू कोरणेसी तीनु दुयूमा बी पोछु नी होट्यु, जीनामा मारा भुरसान लायक गोवाह अन्तिपास, तुमरे इचमा तिना जागा पोर खुन कोराय गोयू, जा भुतडू रोयतलु छे.”

प्रकाशित वाक्य 20:4

ओवतेन मे सिहासन देख्यू, एने तिना पोर माणसे बोस गोया, एने तीनुक नियाव कोरनेन होक आपाय गोयू, मे तिंदरी आत्मा काजे बी देख्यू, जिंदरा मुंडका येसुन गोवायी देणे एने परमेश्वरोन वचनोन वोजेसी काटाय गोयला होता, एने जे नी तिना जोनावरोन, एने नी तेरा मूर्तीन पूजा होती. एने नी तेरा छापू आपना निंडावा पोर एने हातो पोर ली लेदला होता. चे जीवतला होयीन मसिह साते होजार साल तोक राज कोरता रोये.

प्रकाशित वाक्य 8:3

ओवतेन एक एने सोरग दूत सोनान धुप दान लेदलु आव्यु, एने वेदीन साते आवीन उभू रोयू; एने तीनाक ज्यादा धूप आपाय गोयो कि आखा चुखला माणसोन प्रार्थना पुठी सोनान तिनी वेदी पोर, जो सिहासनोन सामने चोळावे.

प्रकाशित वाक्य 9:13

जेतार सहावू सोरग दूत फेपाऱ्यो फुक्यू ती सोनान वेदी जो परमेश्वरोन सामने छे तेरा सिंगडामा गोथू मे ओसू बुल सोमव्यू,