प्रकाशित वाक्य 6:17 - बारेली पावरी

¹⁷ काहाकि हिंदरा दोंडोन भयानक दाहळू आव लागलु छे, हिमी कून उभरोय सोकतलो”?

प्रकाशित वाक्य 6:17 ပူးပေါင်းရင်းမြစ်များ

लुका 21:36

इनान कोरता जागता रोयू एने होर एक टेमे प्रार्थनामा रोयू कि तुमु इना आखी आवने वावी घोटनामा गोथू वाचने एने माणसोन पुऱ्या सामने उभू रोयनेन लायक बोनो.

रोमी 2:5

बाकीन तू आपनी रीसोमा एने होट्टी मोनोन वोजेसी तेरा रीसोन दाहळान कोरता, जीनामा परमेश्वरोन खोरलो न्याय प्रगट होयसे, तेरेन कोरता रीस कोमाय रोयू.

यहुदा 1:6

ओवतेन जे सोरग दूते आपना पोदो काजे जागेत नी राख्या नी तेत्यार आपना नेचला रोयने काजे छुळ देदा, चे इनुक बी तिना भाशोन दाहळान नियावोन कोरता आंदारलामा, जू ओमोरकाईन कावोन कोरता छे, बांदलो राखलु छे.

प्रकाशित वाक्य 11:18

दिसरा जाती रीस कोऱ्या, बाकीन तारी रीस आव लागी एने ची टेम आव लागली छे कि मोरलान नियाव कोराय जाय, एने तेरा दास भविष्य कोरता एने चुखला माणसो काजे एने तीनु नानला मोटला काजे जे मारा नावोसी बिहीतेला बोदलु लेवाय जाय, एने कोवीक बिगडने वावाक नाश कोराय जाय.”

प्रकाशित वाक्य 16:14

यो निशाणी देखणे वावा भुंडली आत्मा छे, यो आखो जोगोन राजान साथे निकवीन इनान कोरता जातलो छे कि तीनुक आखी ताकत वावु परमेश्वर तीना मोटला दाहळान लोळायीन कोरता एखठा कोरे.