प्रकाशित वाक्य 6:11 - बारेली पावरी

¹¹ तीनुमा गोथो होर एक जोना काजे धोव्वा छिंदरा आपाय गोया, एने तीनु काजे कोवाय गोयो कि एने थुलिक वार तोक आराम कोरु, जेतार तोक कि तुमरे साते वावा दासे एने भाशे ये आमरे सारखा माराय जाणे वावा छे तिंदरी बी गिनती पुरी नि होय.

प्रकाशित वाक्य 6:11 ပူးပေါင်းရင်းမြစ်များ

मत्ती 10:21

“भाश, भाशो काजे एने बास पुऱ्या काजे मारनेन कोरता आपसे, एने पुऱ्या आसी-बासान खिलापमा उठीन तीनुक माराव नाखसे”.

लुका 15:22

बाकीन बास आपना पावोर काजे कोयू, “मामार वारलामा गोथा वारला छिंदरा निकावीन इना काजे पेहेरावू, एने एरे हातोमा मुंदी एने पायोमा खासळा पेरावू,

योहान 16:2

चे तुमु काजे प्रार्थना घोरोमा गोथो निकाव देसे, बाकीन ची टेम आवली छे, कि जो कुदु तुमुक मार नाखसे चू समजसे कि मे परमेश्वरोन सेवा कोरतेलु छे.

प्रेषित 20:24

बाकीन मे मारा जीव काजे काय नी सोमज्यु कि तीनाक मोंगावू जाणो, बाकीन यो कि मे मारा दोवळना काजे एने तिनी सेवा काजे पुरी कोरो, जो मे परमेश्वरोन दयान वारली खोबर पोर गोवायी आपनेन कोरता प्रभू येसु जुव गोथू ली लेदलु छे.

2 थिस्सलुनीकियो 1:7

एने तुमु जे तोकलीत झेलतला, आमरे पुठी आराम आपे; तिने टेमे जेतार कि प्रभू येसु आपना ताकत वावा दूतो साते हुळू-हुळू धापतला आगठामा सोरगोमा गोथू प्रकट होयसे,

2 तीमथी 4:7

मे वारली कुस्ती लोळ लेदलु छे, मे मारी लोळाय पुरी कोर लेदलु छे भुरसान मुवावी कोरलु छे.

इब्रानियो 11:40

काहाकि परमेश्वर आमरेन कोरता पेहेले गोथू एक वारली वात ठेरावलु होतु कि चे वायदू कोरली चीजो काजे नी लेदा.

इब्रानियो 12:23

एने महासभा एने तीनु पेहेला पुऱ्यान मंडवीनचा जेरो नाव सोरगोमा लिखायली छे, एने आखान नियाव कोरन्यू परमेश्वर एने तीयार कोरला धोरमीन आत्मान ओगोव.

इब्रानियो 4:10

काहाकि जू तेरा आरामोमा भोराय गोयलु छे, चू बी आपना कामोसी आराम कोर लेदलु छे जोसो कि परमेश्वर कोरतु होतु.

प्रकाशित वाक्य 10:6

एने जू कायम जीवतलु छे, एने यु सोरगमा एने जो काय हेरेमा छे, एने कोवी काजे एने जो काय हेरे पोर छे, एने दोरीया काजे एने जो काय हेरेमा छे सोजाळ्या, हेरी कोसोम घालीन कोयू, “हिमी ते एने वार नि लागे.

प्रकाशित वाक्य 13:15

तीनाक तिना जोनावरोन मूर्तीमा जीव घालनेन होक आपाय गोयो कि चिल्लान मूर्ती बुलने बाज जाय, एने जोतरा माणसे तिना चिल्लान मूर्तीक पूजा नि कोरे, तीनाक छापू देवाळ देय.

प्रकाशित वाक्य 14:13

पोछु मे सोरगोमा गोथू यो बुल सोमव्यू, “लिख, जे मोरला प्रभूमा मोरतला छे चे हिमी गोथा सोयावा छे” आत्मा कोये, “होव, काहाकि चे आपना आखा मेहनतसी आराम कोरसे, तिंदरा कामे हिंदरे साते जात रोयतला छे.”

प्रकाशित वाक्य 17:6

मे तिनी बायर काजे चुखला माणसोन लुय एने येसुन गोवान लुय पिणेसी छाकली देख्या; तिनीक देखीन मे नोवलाय गोयू.

प्रकाशित वाक्य 7:14

मे तीना काजे कोयू, “हे स्वामी, तूत जानतलु छे” चू मेसे काजे कोयू “जे चे छे, चे तिना मोटला दुखोमा गोथा निकवीन आवला छे चे आपना-आपना छिंदरा गाडरान लुयमा धुवीन धोव्वा कोरला छे.”

प्रकाशित वाक्य 7:9

येरेन ओवतेन मे नोजोर नाख्यू कि, एने देख्यू, हर एक जाती एने कुल एने माणसे एने भाषामा गोथो एक ओसी मोटली गोरदी, जीनाक कुदू गिन नी सोकतो होतो, धोव्वा छिंदरा पेहेरला एने आपना हातोमा खोजुरोन डाव्या लीन सिहासनोन ओगोव एने गाडरान ओगोव उबरोयली छे,