प्रकाशित वाक्य 4:6 - बारेली पावरी

⁶ एने तिना सिहासनोन सामने माणू बिलोराण तोसो आरसा तोसो दोरीयु छे, सिहासनोन इचमा एने सिहासनोन चारू धोळे चार जोनावरे छे, तिंदरे ओगोव पोछोव डूवात डूवा छे.

प्रकाशित वाक्य 4:6 ပူးပေါင်းရင်းမြစ်များ

प्रकाशित वाक्य 14:3

चे सिहासनोन सामने एने चारू जोनावरे एने पुढाऱ्यान ओगोव एक नोवलो गीत गाव रोया होता, चे एक लाख चौरेचाळीस हजार जना काजे कोवीमा गोथू मुले लेवाय गोयलु होतु, कुदू चो गीत नी सिक सोकतू होतो.

प्रकाशित वाक्य 15:2

तेत्यार मे आगठो मेवायलो काचो सारखो एक दोरीयु देख्यू; एने जे माणसे तिना चिल्ला पोर एने तेरी मूर्ती पोर एने तेरे नावोन आकळा पोर जीत गोयला होता, तीनुक तिना आरसीन दोरीयान साते परमेश्वरोन फेपाऱ्या काजे लीन उबरोयलु देख्यू.

प्रकाशित वाक्य 15:7

तिना चारू जोनावरमा एक तीनु सात सोरग दूत काजे परमेश्वर, जू कायम जीवतलु छे, कि रीससी भोरला सात वाटका आप्यू;

प्रकाशित वाक्य 19:4

तेत्यार चोवीस पुढाऱ्या एने चारू जोनावरे पोडीन परमेश्वर काजे नोमोन कोऱ्या, जो सिहासन पोर बोसलु होतु, एने कोयू, “आमेन, हालेलुया.”

प्रकाशित वाक्य 21:11

परमेश्वरोन गौरव हिंदरेमा होतो, एने तेरो विजावो जादात किमती वानी दोगळू, मतलब बिलोराण तोसलु योशोबोन तोसु चुखलु होतु.

प्रकाशित वाक्य 21:18

हेरी शोरोनफनाह योशोबोन बोनावली होती, एने गाव ओसला चुखला सोनान होतो जो चुखला आरसा सारखो होतो.

प्रकाशित वाक्य 21:21

बारा फाटक बारा मूर्तीन होता; एक-एक फाटक एक-एक हिरान बोनलो होतो. गावोन सोळोक चुखला आरसा सारखो चुखला सोनान होती.

प्रकाशित वाक्य 22:1

एने चू मेसेक बिल्लौर सारखो झोलोगतलो, जीवनोन पाणीन नोदी देखाळ्यू, जो परमेश्वर एने गाडरान सिहासनसी निकवीन.

प्रकाशित वाक्य 4:4

तीना सिहासनोन चारू धोळे चोवीस सिहासन छे; एने तिना सिहासन पोर चोवीस जूनला धोव्वा डोगला पेहेरला बोस रोया, एने तिंदरा मुंडका पोर सोनान मुकुट छे.

प्रकाशित वाक्य 5:11

जेतार मे देख्यू, ती तिना सिहासन एने चे जोनावरे एने तिना प्राचीनोन चारू धोळे एने जादा सोरगो दूतोन बुल सोमव्या, जेरी गिनती लाखो एने करोडो होती,

प्रकाशित वाक्य 5:14

एने चारू जोनावरे आमेन कोया, एने पुढाऱ्या भीमा पोडीन नोमोन कोऱ्या.

प्रकाशित वाक्य 5:6

तेत्यार मे तिना सिहासन एने चार जोनावरे एने तीनु पुढाऱ्यान इचमा, जोसो एक खुन कोरलु गाडरो उबरोयलु देख्यू. तेरा सात शिंगडा एने सात डूवा होता; जे परमेश्वरोन सात आत्मा छे जे आखी कोवी पोर मुकली रोया.

प्रकाशित वाक्य 5:8

तेत्यार चू किताब ली लेदू, ती ते चार जोनावरे एने चोवीस पुढाऱ्या तिना गाडरा ओगोव पोड गोया, तीनामा गोथा होर एकोन हातमा फेपाऱ्या एने धुप, जो चुखला माणसोन प्रार्थना छे, एने भोरलो सोनान वाटका होता.

प्रकाशित वाक्य 6:1

पोछु मे देख्यू कि गाडरो सात सिक्का माहीन एक काजे उगाळ्यु; एने तीनु चार जोनावरो माईन एकान गाजला सारखो बुल सोमव्यू, “आवू.”

प्रकाशित वाक्य 6:6

एने मे तिना चार जोनावरोन इचमा गोथू एक बुल यो कोयतलु सोमव्यू, “दिनारोन तीन कांगनी भोर गोहू, एने दिनारोन तीन कांगनी जुवार, बाकीन तेल एने आंगुरोन रोसोन नुकसान झुन कोरता.”

प्रकाशित वाक्य 7:11

एने आखा सोरग दूत तिना सिहासन एने पुढाऱ्या एने चारू जोनावरोन चारू धोळे उबरोयला छे, ओवतेन चे सिहासनोन सामने उबळा पोळ्या एने परमेश्वर काजे नोमोन कोरीन कोयु,

प्रकाशित वाक्य 7:17

काहाकि गाडरु जू सिहासनोन इचमा छे तिंदरी राखवावी कोरसे, एने तीनुक जीवन रुपी पाणीन झोरोनचा लीजासे; एने परमेश्वर तिंदरा डूवासी आखा आसवा नूछ लेसे.