प्रकाशित वाक्य 4:4 - बारेली पावरी

⁴ तीना सिहासनोन चारू धोळे चोवीस सिहासन छे; एने तिना सिहासन पोर चोवीस जूनला धोव्वा डोगला पेहेरला बोस रोया, एने तिंदरा मुंडका पोर सोनान मुकुट छे.

प्रकाशित वाक्य 4:4 ပူးပေါင်းရင်းမြစ်များ

मत्ती 19:28

येसु तीनु काजे कोयू, “मे तुमु काजे छाचलीन कोयो कि नोवली जोगोमा जेतार माणसोन पुऱ्यु आपनी महिमान सिहासन पोर बोठसे, ती तुमु मारे पोछोव आवला छे, बारा सिहासन पोर बोसीन इस्राईलोन बारा पिढीन नियाव कोरसू.

लुका 22:30

काहाकि तुमु मारा राज्यमा मारे साते बोसीन मारा मेज पर खावू-पिवू, बाकीन सिहासन पोर बोसीन इस्राईलोन बारा पिढीन नियाव कोरो.

2 तीमथी 4:8

भविष्यमा मारेन कोरता धोरमोन होयो मुकुट मेक मेक्यो छे, जीनाक प्रभू जू धोरमी न्यायी छे मेसेक तीने दाहळे आपसे, एने मेसे ओतरु नि एने हीन आखा काजे बी हिंदरा प्रकट होयनेन काजे मोंगावू मानताला छे.

प्रकाशित वाक्य 11:16

तेत्यार चोवीस पुढाऱ्या जे तिंदरा परमेश्वरोन सामने आपना-आपना सिहासन पोर बोसला होता, उबळा पोळीन परमेश्वर काजे नोमोन कोरीन,

प्रकाशित वाक्य 14:3

चे सिहासनोन सामने एने चारू जोनावरे एने पुढाऱ्यान ओगोव एक नोवलो गीत गाव रोया होता, चे एक लाख चौरेचाळीस हजार जना काजे कोवीमा गोथू मुले लेवाय गोयलु होतु, कुदू चो गीत नी सिक सोकतू होतो.

प्रकाशित वाक्य 19:14

सोरगोन सेना धोव्वा घुल्ला पोर बोस रोयी एने धोव्वा एने चुखला मलमल पेहेरला तेरे पोछोव-पोछोव छे.

प्रकाशित वाक्य 19:4

तेत्यार चोवीस पुढाऱ्या एने चारू जोनावरे पोडीन परमेश्वर काजे नोमोन कोऱ्या, जो सिहासन पोर बोसलु होतु, एने कोयू, “आमेन, हालेलुया.”

प्रकाशित वाक्य 2:10

जे दुख तुसेक झेलणो पोळसे, तीनु काजे मा बिहे काहाकि देखू, भुतडू तुमरेमा गोथू काहनास काजे जेल खाणामा घालणेमा छे, काहाकि तुमु पारखाय जावू एने तुमु काजे दोस दाहळा तोक दुख झेलणो पोळसे जीव आपता तोक विश्वासी रोयजी, ती मे तुसेक जीवनोन मुकुट आपीस.

प्रकाशित वाक्य 20:4

ओवतेन मे सिहासन देख्यू, एने तिना पोर माणसे बोस गोया, एने तीनुक नियाव कोरनेन होक आपाय गोयू, मे तिंदरी आत्मा काजे बी देख्यू, जिंदरा मुंडका येसुन गोवायी देणे एने परमेश्वरोन वचनोन वोजेसी काटाय गोयला होता, एने जे नी तिना जोनावरोन, एने नी तेरा मूर्तीन पूजा होती. एने नी तेरा छापू आपना निंडावा पोर एने हातो पोर ली लेदला होता. चे जीवतला होयीन मसिह साते होजार साल तोक राज कोरता रोये.

प्रकाशित वाक्य 3:18

इनान कोरता मे तुसेक समती आपो कि आगठामा तातो कोरलो सोनो मारे जुव गोथू मुले ली ले कि तू धोनवान होय जाय, एने धोव्वा डोगला लीले कि तुसेक पेहेरीन तुसेक आपना उगाळलान लाज नी आवे, एने तारा डूवामा लागाळनेन कोरता सुरमू लीले कि तू देखणे बाज जाय.

प्रकाशित वाक्य 4:10

तेत्यार चोवीस प्राचीन सिहासन पोर बोसने वावान ओगोव पोड जासे, एने चू जू कायम जीवतलु छे नोमोन कोरसे; एने चे आपना-आपना मुकुट सिहासनोन ओगोव यो कोयता जायीन मेक देसे,

प्रकाशित वाक्य 4:6

एने तिना सिहासनोन सामने माणू बिलोराण तोसो आरसा तोसो दोरीयु छे, सिहासनोन इचमा एने सिहासनोन चारू धोळे चार जोनावरे छे, तिंदरे ओगोव पोछोव डूवात डूवा छे.

प्रकाशित वाक्य 5:11

जेतार मे देख्यू, ती तिना सिहासन एने चे जोनावरे एने तिना प्राचीनोन चारू धोळे एने जादा सोरगो दूतोन बुल सोमव्या, जेरी गिनती लाखो एने करोडो होती,

प्रकाशित वाक्य 5:14

एने चारू जोनावरे आमेन कोया, एने पुढाऱ्या भीमा पोडीन नोमोन कोऱ्या.

प्रकाशित वाक्य 5:6

तेत्यार मे तिना सिहासन एने चार जोनावरे एने तीनु पुढाऱ्यान इचमा, जोसो एक खुन कोरलु गाडरो उबरोयलु देख्यू. तेरा सात शिंगडा एने सात डूवा होता; जे परमेश्वरोन सात आत्मा छे जे आखी कोवी पोर मुकली रोया.

प्रकाशित वाक्य 5:8

तेत्यार चू किताब ली लेदू, ती ते चार जोनावरे एने चोवीस पुढाऱ्या तिना गाडरा ओगोव पोड गोया, तीनामा गोथा होर एकोन हातमा फेपाऱ्या एने धुप, जो चुखला माणसोन प्रार्थना छे, एने भोरलो सोनान वाटका होता.

प्रकाशित वाक्य 6:11

तीनुमा गोथो होर एक जोना काजे धोव्वा छिंदरा आपाय गोया, एने तीनु काजे कोवाय गोयो कि एने थुलिक वार तोक आराम कोरु, जेतार तोक कि तुमरे साते वावा दासे एने भाशे ये आमरे सारखा माराय जाणे वावा छे तिंदरी बी गिनती पुरी नि होय.

प्रकाशित वाक्य 7:11

एने आखा सोरग दूत तिना सिहासन एने पुढाऱ्या एने चारू जोनावरोन चारू धोळे उबरोयला छे, ओवतेन चे सिहासनोन सामने उबळा पोळ्या एने परमेश्वर काजे नोमोन कोरीन कोयु,

प्रकाशित वाक्य 7:9

येरेन ओवतेन मे नोजोर नाख्यू कि, एने देख्यू, हर एक जाती एने कुल एने माणसे एने भाषामा गोथो एक ओसी मोटली गोरदी, जीनाक कुदू गिन नी सोकतो होतो, धोव्वा छिंदरा पेहेरला एने आपना हातोमा खोजुरोन डाव्या लीन सिहासनोन ओगोव एने गाडरान ओगोव उबरोयली छे,

प्रकाशित वाक्य 9:7

तीनु टीड्यान आकार लोळायनेन कोरीन तीयार कोरला घुल्ला सारखो होतो, एने हिंदरा मुंडका पोर माणू सोनान मुकुट होता; एने तिंदरा मुये माणसो सारखा होता.