प्रकाशित वाक्य 3:7 - बारेली पावरी

⁷ फिलादिलफियान मंडव्यान दूतो काजे यो लिख, “जे चुखला एने खोरला छे, एने जे दाऊदन कुच्या राखतलु छे, जेरा उगळला काजे कुदु बोंद नी कोर सोके एने बोंद कोरला काजे कुदू उगाळी नी सोकतो चू यो कोये कि,

प्रकाशित वाक्य 3:7 ပူးပေါင်းရင်းမြစ်များ

मत्ती 16:19

मे तुसेक सोरगोन राजोन कुच्या आपीस एने जो काहीन तू धोरती पोर बांधिस, चो सोरगोमा बांधाय जासे एने जो काहीन तू धोरती पोर उगाळीस, चो सोरगोमा उगळी जासे.

मत्ती 24:35

सोरग एने धोरती टोव जासे, बाकीन मारी वाते कोबी नी टोवे.

मरकुस 1:24

चू आयळीन कोयू, हे येसु नासरेथकर, आमुक तारेसी काय काम? “काय तू आमुक नाश कोरने आवलु छे? मे तुसेक जानतलु, तू कुन छे परमेश्वरोन चुखलु जन.”

लुका 1:32

चू मोटू होयसे एने परमप्रधानोन पुऱ्यु कोवायसे; एने प्रभू परमेश्वर तेरु बास दाऊदन राज गादी तीना काजे आपसे,

लुका 4:34

“हे येसु नासरी, मेसेक तारसी काय काम?, काय तू आमुक नाश कोरणे आवलु छे? मे तुसेक जानतलु तू कुन छे? तु परमेश्वरोन चुखला जोन छे.”

योहान 14:6

येसु तीनु काजे कोयू, “वाट एने खोरलु एने जीवन मेत छे; बिना मारे विगुर कुदू बासोनचा नि पुग सोकतलु.

प्रेषित 3:14

तुमु तिना चुखला एने धोरमीक स्वीकार नि कोऱ्या एने एक गुणावा कोरता विनता कोऱ्या कि तीना काजे तुमरेन कोरता छुळ देये.

1 योहान 5:20

एने यो बी जाणेजे, परमेश्वरोन पुऱ्यु आव रोयू एने चू आमुक सोमज आपलु छे, हिमी तिनी खोराइ काजे जानजे, एने आमु तीना माइली जी खोराइ छे, मतलब परमेश्वरोन पुऱ्यु येसु मसिहमा रोयतला. खोरलू परमेश्वर ओमोरकाईन जीवाय यित छे.

प्रकाशित वाक्य 1:11

“जो काय तू देखतलु छे तीना किताबमा लिखीन सात मंडव्या काजे मुकली दे, मतलब इफिस, स्मुरना, पीरगमून, थुआतीरा, एने सर्दीस, एने फिलादिलफिया, एने लौदीकिया काजे.”

प्रकाशित वाक्य 1:18

मे मोर गोयलु होतु, एने देख हिमी कायमोन जीवतलु छे; एने मरणे एने अधोलोक माणसोन कुच्या मारेत जुव छे.

प्रकाशित वाक्य 1:5

एने येसु मसिह जुव गोथो जू भुरसान योग्य गोवा एने मोरलामा गोथू जीव उठने वावामा पेहेलुत एने धोरतीन राजान हाकिम छे, तुमुक अनुग्रह एने शांती जोळती रोये. चू आमरे पुठी मोंग कोरतेलू, एने चू आपना लुयोन लारे पापोसी छुळावतलो छे,

प्रकाशित वाक्य 15:3

चे परमेश्वरोन दास मुसान गीत, एने गाडरान गीत गावीन-गावीन कोयता होता, “हे आखी ताकत वावा प्रभू परमेश्वर, हे युगान युग राजा, तारी चाल ठीक एने खोरली छे.”

प्रकाशित वाक्य 16:7

पोछु मे वेदी सी यो बुल सोमव्यू, “होव, हे आखा गोथू ताकत वावा प्रभू परमेश्वर, तारू फेसलू ठीक एने खोरलू छे.”

प्रकाशित वाक्य 19:11

पोछु मे सोरगोन राज उगाडलु देख्यू, एने देख्यू कि एक धोव्वु घुल्लु छे; एने तिना पोर एने तेरे पोर बोस रोयलू छे, जू भुरसान लायक एने खोरलू कोवायतलु छे एने चू धोरमोन पुठी नियाव एने लोळायी कोरतेलू छे.

प्रकाशित वाक्य 19:2

काहाकि हेरा फेसलू खोरलु एने ठीक छे. चू तिनी मोटली वेश्यान, जी आपना व्यभिचारसी कोवी काजे भ्रष्ट कोरती होती, नियाव कोऱ्यु एने तेरे जुव गोथू आपना दासोन लुयोन बोदलु लेदलु छे.”

प्रकाशित वाक्य 2:1

इफिसोन मंडवीन दूतो काजे यो लिख, जे सात चांदण्या हेरा जेवळ्या हातोमा छे, एने सोनान सात दिवान इचमा फिरतलु छे, चू जो कोये कि.

प्रकाशित वाक्य 21:5

जू सिहासन पोर बोसलु होतु, चू कोयू, “देख, मे आखो काय नोवलो कोर दोम” पोछु चू कोयू, “लिख ले, काहाकि यो वचन भुरसान लायक एने खोरलो छे.”

प्रकाशित वाक्य 3:14

लौदीकियान मंडव्यान दूतो काजे यो लिख, “जो आमेन एने भुरसान लायक एने खोरलो गोवा छे, एने परमेश्वरोन कोवीन खास वोजा छे, चू यो कोये कि

प्रकाशित वाक्य 4:8

चारू जोनावरोन छोव-छोव पाखळा छे, एने चारू धोळे एने माहिय डूवात डूवा छे; एने चे रात दाहळू बिना आराम कोरे यो कोयता रोयतला, “चुखलो, चुखला, चुखला प्रभू परमेश्वर, आखा गोथू ताकत वावू, जू होतु एने जू छे एने जु आवने वावू छे.”

प्रकाशित वाक्य 5:9

चे यो नोवलो गीत गावणे बाज गोया, “तू इना किताब काजे लेणे, एने तेरा छापा काजे उगाळनेन लायक छे; काहाकि तू जीव आपीन तारा लुयसी होर एक जाती एने भाषान एने माणसे एने जात्यामा गोथू परमेश्वरोन कोरता माणसो काजे मुले ली लेदलु छे,

प्रकाशित वाक्य 6:10

चे मोटला बुलोसी आयळीन कोया, “हे स्वामी, हे चुखला एने खोरला, तू कोत्यार तोक न्याय नी कोरे? एने धोरतीन रोयने वावासी आमरा लुयोन बोदलु कोत्यार तोक नि लेये?”