प्रकाशित वाक्य 3:4 - बारेली पावरी

⁴ बाकीन होव, सर्दीसमा तारेनचा कहनास ओसा माणसे छे, चे तिंदरा-तिंदरा छिंदरा विटोव नी कोऱ्या, चे धोव्वा छिंदरा पेहेरीन मारे साते हिंडसे, काहा जे इनान लायक छे.

प्रकाशित वाक्य 3:4 ပူးပေါင်းရင်းမြစ်များ

मत्ती 10:11

“जिना कानला सोहरोम एने गावोमा जाय, ती पोतू लागाळू कि चा कून लायक छे एने जेतार तोक चा गोथा नि निकवे, तेरेनचा रोयू.”

मरकुस 16:5

मोळवाट्यामा माहाय जायीन चे एक जुवान काजे धोव्वा छिंदरा पेहरीन जेवळे धोळे बोसलू देख्या, एने घोन जुदा वाहराय गोया.

लुका 20:35

बाकीन जे माणसे एरे लायक ठेरायसे कि, इना संसारमा एने मोरला माईन जीव उठने ली लेये, चे नि नियाव कोरे एने नि वियाव कोरसे.

लुका 21:36

इनान कोरता जागता रोयू एने होर एक टेमे प्रार्थनामा रोयू कि तुमु इना आखी आवने वावी घोटनामा गोथू वाचने एने माणसोन पुऱ्या सामने उभू रोयनेन लायक बोनो.

प्रेषित 1:15

तीनु दाहळान पतरस भाशोन इचमा जे एकसोव वीस माणसोन लगभग होता, उभा रोयीण कोयने बाज गोयू,

2 थिस्सलुनीकियो 1:5

यो परमेश्वरोन खोरला नियावन सबूत छे कि तुमु परमेश्वरोन राजोन कोरता खोरला ठोरु जिनान कोरता तुमु दुख बी उठावतला.

यहुदा 1:23

एने जादा जोनानु काजे आगठामा गोथा वाचाडू एने जादा जोना पोर बिक पुठी दया कोरु, बाकीन तिना छिंदरासी बी सिगी कोरु जे डीलोन लारे गुणावा होय गोयला छे.

प्रकाशित वाक्य 1:11

“जो काय तू देखतलु छे तीना किताबमा लिखीन सात मंडव्या काजे मुकली दे, मतलब इफिस, स्मुरना, पीरगमून, थुआतीरा, एने सर्दीस, एने फिलादिलफिया, एने लौदीकिया काजे.”

प्रकाशित वाक्य 11:13

ओवतेन तिने टेमे एक मोटलो भूकंप होयो, एने गावोन दोसवू भाग पोड गोयू; एने तीना भूकंपसी सात हजार माणसे मोर गोया एने बाकी बिह गोया एने सोरगोन परमेश्वरोन महिमा कोऱ्या.

प्रकाशित वाक्य 14:4

चे ये छे जे बायरा पुठी विटोव होया, बाकीन कुवारु छे; जे चेत छे कि जा का गाडरो जातलो छे, चे तिनान पोछोव चाल पोळतेला; जे ते परमेश्वरोन कोरता पेहेला फोव होयनेन कोरता माणसोमा गोथो मुले लेवाय गोयला छे.

प्रकाशित वाक्य 19:14

सोरगोन सेना धोव्वा घुल्ला पोर बोस रोयी एने धोव्वा एने चुखला मलमल पेहेरला तेरे पोछोव-पोछोव छे.

प्रकाशित वाक्य 19:8

हिनी काजे चुखलो एने चमकदार महीन मलमल पेहेरनेन होक आपाय गोयो” काहाकि तिना महीन मलमलोन मतलब चुखला माणसोन धोरमोन कामे छे.

प्रकाशित वाक्य 3:18

इनान कोरता मे तुसेक समती आपो कि आगठामा तातो कोरलो सोनो मारे जुव गोथू मुले ली ले कि तू धोनवान होय जाय, एने धोव्वा डोगला लीले कि तुसेक पेहेरीन तुसेक आपना उगाळलान लाज नी आवे, एने तारा डूवामा लागाळनेन कोरता सुरमू लीले कि तू देखणे बाज जाय.

प्रकाशित वाक्य 3:5

जे जय हासील कोरे तीनुक इना रितीन धोव्वा छिंदरा पेरावसे, एने मे तेरो नाव जीवनोन किताबमा गोथो कानला रितीसी नी निकावो; बाकीन हेरो नाव आपनु बास एने आपना सोरग दूतो सामने मान लीस.

प्रकाशित वाक्य 4:4

तीना सिहासनोन चारू धोळे चोवीस सिहासन छे; एने तिना सिहासन पोर चोवीस जूनला धोव्वा डोगला पेहेरला बोस रोया, एने तिंदरा मुंडका पोर सोनान मुकुट छे.

प्रकाशित वाक्य 6:11

तीनुमा गोथो होर एक जोना काजे धोव्वा छिंदरा आपाय गोया, एने तीनु काजे कोवाय गोयो कि एने थुलिक वार तोक आराम कोरु, जेतार तोक कि तुमरे साते वावा दासे एने भाशे ये आमरे सारखा माराय जाणे वावा छे तिंदरी बी गिनती पुरी नि होय.

प्रकाशित वाक्य 7:9

येरेन ओवतेन मे नोजोर नाख्यू कि, एने देख्यू, हर एक जाती एने कुल एने माणसे एने भाषामा गोथो एक ओसी मोटली गोरदी, जीनाक कुदू गिन नी सोकतो होतो, धोव्वा छिंदरा पेहेरला एने आपना हातोमा खोजुरोन डाव्या लीन सिहासनोन ओगोव एने गाडरान ओगोव उबरोयली छे,